Deustuko tomate gazteak
- Gaur egungo Euskal Herria ezagututa, Bilboaldeko porlanezko oihanean baratze ekologikoak daudela jakiteak bat baino gehiago harrituko du. Bi dira, baina, Deustuko Gazte Lokalekoek dauzkatenak, San Pedro eliz ondoan, Elizate zaharreko bihotzean, Guggenheim museotik ez oso urrun.
“Kaletarrak izanik, hasiera batean ortua zer zen ere ez genekien”, azaldu digu Taldearen partaide Aitor Fernandez de Castrok; “nork bere eskarmentu txikia bazuen ere, oro har, gaztetxean bertan dagoena izan dugun lehenengo ortua da”. Auto-ikaskuntzan oinarritu da gaztetxeko Baratze Taldea: “Irakurri izan ahal dugunaz, eman dizkiguten aholkuez –egitasmoarekin interesatuta dagoen Ekologistak Martxan taldearenak, besteak beste– ikasten joan gara”. Emaitza oparoa eta uzta ederra ikusita, hain txarto ez dutela egin esan dezakegu. Taldea Gazte Lokaleko talde autonomo bezala ari da; bere burua kudeatzen du. “Hamar pertsona gara eta ortuak berak dakartzan lanen ardura hartu ez ezik, funtzionamendurako beharrezko tresneria ere geuk erosten eta konpontzen dugu”, dio Fernandez de Castrok. Ortu berriena Berrizerako bideko aldapan dago kokatuta. Bertan, pikondoek gordeta, hamar zapalda daude: “Nahiz eta bakoitzak zapalda bana zaintzeko ardura daukan, denok denon ardurak hartzea dugu helburu; txandak egiten ditugun arren, badira guztion lana behar dutenak, hala nola sasiak eta belar txarrak kentzea edota inguruetan dagoen zaborra garbitzea. Horiek egiteko, normalean, lanegun bereziak antolatzen ditugu”. Uhazak, piperrak, tomateak, lekak, tipulak, kalabazak eta porruak erein dituzte. “Orain arte, oso ekoizpen ona izan dugu; emankorrak dira baratzeak. Nork bere etxera ateratakoaren zati bana eroan arren, beste parte bat gaztetxeko jantokira zuzentzen dugu. Handik, jantokitik, sosarik ateratzen badugu, gaztetxearentzat izaten da. Dena dela, egin heinean ari gara gauzak pentsatzen, azoka kontzeptua berreskuratu nahi genuke”, azaldu du gaztetxeko kideak. Ez dute kimika erabili nahi eta ongarri propioak sortzeko asmoa dute. Besteak beste, konposta egiteko toki aproposa prestatzen ari dira. Ura bertan dagoen ur-biltegitik lortzen dute.
Oilategia ere ipini dutela esan digu Fernandez de Castrok: “Denon artean jorratzen dugun lana da oilategia; hamabi oilo, oilar bat eta ahate bat ditugu, ez da gutxi”. Eztiorrazea da Baratze Taldeak martxan jarritako azken proiektua: “Erleekin lan egiten duela hilabete hasi ginen; ikusiko dugu zelan ateratzen den”. Big Beñat Deustura iritsi da, antza.
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
“Mapak ez dira erreminta hutsa, sinboloak dira, eta mapa zuzentzea Afrikari buruzko narratiba globala zuzentzea ere bada; duintasun kontua da”. Afrikako Batasunak eskatu du munduan oraindik erabilienetakoa den mapa distortsionatua alboratzeko.
Wallball txapelketa abuztuaren 27tik 30era jokatuko dute. Euskal Herritik aparte Argentina, Belgika, Erresuma Batua, Valentzia, Herbehereak eta Puerto Rico herrialdeek hartuko dute parte.
"Gehiengoa lortzen badugu, gobernua berretsiko dute; bestela, erori egingo da", adierazi du Frantziako lehen ministroak. LFI Frantzia Intsumisoak, Frantziako Alderdi Komunistak, ekologistek, Alderdi Sozialistak eta RN Batasun Nazionalak, ordea, dagoeneko jakinarazi dute... [+]
Fitxa: Musika Hamabostaldia. Kursaal Zikloa. Espainiako Orkestra Nazionala.
Zuzendaria: David Afkham.
Egitaraua: Wagnerren ‘Der Ring ohne Worte’ (Lorin Maazelen moldaketa). Lekua: Kursaal Auditorioa.
Data: abuztuaren 22a.
---------------------------
Oraingo... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Logikoena zen, uztailaren 26ko lehen zaplazteko argiaren ondoren. Baina abuztuaren 23ko bigarrenak ihesbide politiko ia guztiak itxi dizkio Lairen gobernu taiwandarrari. “Gogorarazpen bozketan” beren hautetsi-tasuna gal zezaketen oposizioko Kuomintageko zazpi... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]