Eguzki sistema

Eta eguzki-sistema ez bada uste den bezain egonkorra?

Joxerra Aizpurua Sarasola
2009ko ekainaren 28a
Eguzki-sistema
Eguzki-sistema
Eguzkia itzali aurretik gure eguzki-sistemako bi planeten arteko talka gerta al daiteke? Galdera horri erantzun nahian Jacques Laskar eta Mickael Gastineau ikerlari frantziarrek ikerketa plazaratu dute.

Euren ustez datozen 5.000 milioi urtetan, hau da, eguzkia itzali bitartean, gauzak orain arte bezala segitzeko probabilitatea %99koa da. Badago %1eko probabilitatea beste zerbait gertatzeko, zer ordea?

Gakoa Merkurion dago. Planeta horren orbita hain da eszentrikoa, non egungo orbitatik ateratzeko posibilitatea badagoen. Kasu horretan Martek eta Lurrak jasango lukete eragina bete-betean; bai talka izateko arriskua, baita grabitazio-indarren eragina ere.

Ikerketa 2.500 simulazioren gainean egin da, superordenagailuak erabiliz. Ikerlariek adierazi dutenez, astroen mugimenduak oso epe luzean aurreikusi daitezke, baina kaos probabilitatea, txikia baldin bada ere, egon badago.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude