Mundu osoan gehien erabiltzen den e-posta zerbitzua izango da ziurrenik, baina orain arte ezin zen euskaraz erabili. Pedro Arreitunandia ‘Tolon’ jabetu zen pasa den astean aukera berriaz, eta berehala zabaldu da albistea euskarazko blogosferan. Polemikarako tartea ere izan da: EiTBk bere Interneteko atarian esan du Gmail euskaratzea Google-en eta EiTBren arteko akordioaren emaitza dela, eta hainbat internauta haserretu egin dira baieztapen horrekin. Kanpaina abiatu dute Twitter-en, “lotsagabe” hitza erabiliz.