Anne Perry idazle britainiarra, nobela beltzaren maisuetako bat, Donostian izango da hilaren 26an, Literaktum literatur jardunaldien baitan. Maiatzaren 25etik 30era bitartean egingo dira jardunaldi horiek. Besteak beste, Jabier Muguruzak, Olvido Garcia Valdesek, Borja Crespok eta Claudiu Komartin errumaniarrak parte hartuko dute hitzaldi, mahai-inguru eta errezitaldietan. Hain justu, Errumaniako kulturak tarte berezia izango du aurtengo edizioan.