Makina erreminta Europako eta munduko elitean dago, ekoizle nahiz esportatzaile gisa. Sektore hau nagusiki Hego Euskal Herrian biltzen da. 2008ko datu ofizialak ez dira oraindik jakinarazi, baina dagoeneko badakigu %7 hazi dela 2007ko datu ofizialekin alderatuta. 2007an makina erremintaren Espainiako ekoizpena 1.047,5 milioi eurokoa izan zen, eta horrek %7ko hazkundea ekarri zuen aurreko urtearekiko. Europar Batasuneko makina erreminta ekoizle eta esportatzaile nagusien sailkapenean, Espainiako Estatua hirugarren herrialdea izan zen. Munduan, bederatzigarren ekoizle eta esportatzailea da.

Salmentak ondoko herrialdeetara egin ziren 2007an:
3 Alemania (%20), Italia (%10,3), Frantzia (%8,3), Txina (%7,5), Mexiko (%6,8), India (%4,6) Portugal (%4,5), AEB (%4,2), Erresuma Batua (%3,7) eta Polonia (%2,5). 2008an herrialde erosleak beretsuak izan dira.

Sailkapena ekoizpen eta salmentaren arabera (2007ko datuak):
· Japonia: ekoizpena 10.542 milioi euro, eta esportazioa 5.554 milioi.
· Alemania: 9.288,6 eta 6.691.
· Txina: 7.365 eta 1.167.
· Italia: 5.308 eta 3.071.
· Korea: 3.312 eta 1.313.
· Taiwan: 3.195 eta 2.487,6.
· AEB: 2.611,7 eta 1.211.
· Suitza: 2.426,1 eta 1.793.
· Espainiar Estatua: 1.047,5 eta 621,5.