Aberats izan nahi duzu?
Gidoia: Simon Beaufoy. Aktoreak: Dev Patel, Freida Pinto, Anil Kapoor, Irrfan Khan. AEB. 120 minutu.
Erantzun orduan ondorengo galderari: 10 Oscarretarako izendatuta dagoen “faveletako zakur aberatsak” hauetako zein sari eramango du?
A) Film onenarena. Istorio orijinala da Indiako gune txiroenetan hezi den Jamal Malik protagonistarena. Telebistako lehiaketa batean azken lau aukeren artean asmatuz gero, 20 milioi errupia irabazteko zorian da –jeniala Carlos Sobera aurkezle bilbotarraren bertsio indiarra–. Baina lehiaketa aitzakia baino ez da, miseria gordinean bizi diren bi anaiek aurrera nola egin duten kontatzeko. Indiako poliziak ez du sinesten analfabeto batek erantzun guztiak asma ditzakeenik. Iruzurra egin al du Malikek?
B) Zuzendari onenarena. Danny Boyle ingelesaren azken lana ez da 1996an zuzendu zuen Trainspotting bezain lotsagabea eta ausarta, baina maisuki gobernatu ditu flashback-ak, istorioan atzera eta aurrera modu naturalean darama ikuslea, interesa mantenduz, adar anitzek enbor berean bat egin arte.
C) Gidoi egokitu onenarena. Burutik behera kakaztuta bere ametsa lortu duen umea, eskale lanetan diru gehiago eman diezaieten haurrak itsu uzten dituen nagusia, umetatik ernaldutako amodio istorioa... telebista lehiaketako galdera-erantzunekin lotzeak zaila ematen duen arren, modu txukunean egin du Beaufoyk. Pena hain modu erraz eta sinesgaitzean bukatzea pelikula.
D) Aurreko denak. Zergatik ez? Publikoaren eta kritikaren arrakasta lortu du, sari ugari jaso ditu dagoeneko eta Hollywooden gustuko amaiera du, musu eta guzti. Dena den, ez altxa azkarregi besaulkitik, Bollywoodi keinu xelebrea egiten baitio filmak zineko argiak piztu ostean.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]