Ez esan zuk ere txikitan telebistan agertzearekin amesten zenuenik...
Neurri batean bai, baina ez nuen esaten “ama, telebistako aurkezle izan nahi dut!”. Gustatzen zitzaidan mundu bat zen, ez helburu bat.
Oso ongi geratu zaizu. Oso natural.
Naturaltasuna da aurkezle batengan gehien estimatzen dudana, transmititzen zailena delako, agian. Horregatik gustatzen zait izugarri Jesús Vázquez.
Jesús Vázquez ez, zuri kamera gustatzen zaizu!
Nire laneko elementu garrantzitsua da. Nik maite dut, eta uste dut berak ere maite nauela ni.
O, zer polita! Baina ez dut sinesten telebistaren mundua hain polita denik.
Lanik gabeko tarteak krisiak dira. Curriculumak banatu, jendearekin hitz egin, zure burua saldu... Soldata baten beharrean bazaude oso gogorra da. Punta-puntan zaudenean denek maite zaituzte, baina egun batetik bestera ez da inor zutaz gogoratzen.
ETB1-en audientzia datuekin gogoratzean zer egin behar dut, barre ala negar?
Audientzia datuak apalak dira programazioarekin asmatzen ez dugulako. Audientzia ez da tontoa, nahi duenean aldatu dezake katez. Harrapatzeko, nahi eta behar duena eman behar zaio.
Nik uste nuen orain arte aurkeztu dituzun programak funtzio hezitzailea zutela.
Era batera edo bestera bai. Saiatzen gara modernoak izaten, topikoetan ez erortzen, gidoiak apurtzaileak egiten... Ez zait politikoki zuzena izatea gustatzen. Baina ez da erraza hortik alde egitea, ez dago beti gure esku.
Pantailan ematen duzun irudia zure esku dago?
Hasieran ez, orain gehiago. Dena den, telebistako Nerea Alias pertsonaia bat da. Pantailan paper bat egiten dut. Ezin dut egun guztia barrez pasa!
Aurkezle ez, zuk aktore izan nahi duzu!
Nahiko teatrera naiz eta asko gustatuko litzaidake. Ez dakit balio dudan, ordea. Baten batek “tira, tira, segi umeen programak aurkeztera!” esango didan beldur naiz.
Bizitza guztian Betizuko aurkezlea izatera kondenatuta zaude, amiga!
Oraindik ere, askorentzat Oker-ekin ateratzen den Nerea naiz. Oso zaila izan arren, jendeak momentuan egiten ari naizenarengatik baloratzea espero dut, ez aspaldiko lanengatik. Denbora eta jarraikortasun kontua da.
Lasai, hor zauden bitartean ETBk zure irudia majo erabiliko du.
Horregatik dago hain ondo ordainduta lan hau. Nire soldataren barruan sartzen dela badakit, eta kontratua sinatzen dudanean oso ongi dakit zer sinatzen ari naizen.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Orain astebete izandako sutean zauritu zen emakumea eta ordutik Zaragozako (Aragoi) Miguel Servet ospitalean egon da, asteartean hil den arte. Gizona atzo espetxeratu zuten behin-behinean.
Iker Urbina eta Haizea Ziluaga abokatuek harrituta jaso dute Europako Giza Eskubideen Auzitegiaren epaia, besteak beste, Espainiako instantzia judizialetan ere iritzi desberdinak zeudelako.
Azaroaren 4an Barakaldoko BECen ospatuko duten Europe Music Awards (EMA) ekitaldirako Barakaldoko Udalak 220.000 euroko diru-laguntza eman dio AEBetako MTV kateari.
Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.
“DA! asko dira” leloa aukeratu du Durangoko Azokak 53. edizio honetarako. Abenduko zitaren aniztasuna aldarrikatu nahi du Azokak eslogan horrekin. Txakur Gorria kolektiboak egin du aurtengo afixa, Landako gunean egon diren standen planoan oinarrituta.
Epaimahaiko erabakiak, Frantzian beteriko zigorrak kontuan hartu behar ez direla zehaztu du, eta ondorioz, epaiaren zain zeuden hogei bat euskal presoren espetxetik irtetzeko epeak luzatuko dira.
Xavier Triasen agintaldian etorri ziren turismo-legearen inguruko zenbait aldaketa. Nahikoa zen 230€ko lizentzia ordaintzea pisua etxebizitza-turistiko bilakatzeko. Behin lizentzia ordainduta, betirako zen; ez zuen iraungitze-datarik.
Urriaren 19an jokatu zen Udazkeneko II. Zapi Janztea. Lehen bi edizio hauetan, beraz, Lujanbio da zapiduna. Sariketa honen ezaugarriak dira, sari nagusia zapia izateaz gain, zapia jantzi duenak hurrengo urtean ere kantatzen duela, eta entzuleen bozkek erabakitzen dutela nork merezi izan duen zapia.
