Izenak
Daniel Castillejo izango da Gasteizko Artium museoko zuzendari berria. Museoa ongi ezagutzen du Castillejok, bildumak kontserbatzeaz eta erakusketak antolatzeaz arduratu baita orain arte. 2001az geroztik zuzendari kargua bete duen Javier Gonzalez de Duranaren lekukoa hartuko du.
Arantxa Agirreurreta kazetari urretxuarrak Simone de Beauvoir filosofo eta idazlearen (Paris, 1908-1986) biografia plazaratu du, Simone de Beauvoir. Emakume libre bat XX. mendean (Elkar) izenburupean. Mariasun Landak idatzi du hitzaurrea..
Disturbio hard-rock talde aguraindarrak Muy tóxico (Baga Biga) hirugarren diskoa kaleratu du. Hilaren 18an OrdiziaRock jaialdian aurkeztuko du lan berria, eta abenduaren 5ean Bilborock aretoan.
TMEO aldizkari satirikoaren 100. zenbakia kalean da jada. 100 orrialdeko ale berezia da. 1987az geroztik aldizkarian kolaboratu duten marrazkilarien komikiez gain, El Jueves bezalako aldizkarietan dabiltzan autoreen lanak bildu dituzte zenbaki berrian.
Kanpingags konpainiak Ilunpetan obra estreinatuko du hilaren 31n Amorebieta-Etxanoko Zornotza aretoan. Peter Shaffer autore britainiarraren testuan oinarrituriko komedia berezia da. Agertokiko argiak itzaltzen direnean, aktoreek ikus ahal izango dute baina publikoak ez. Aldiz, argiak piztean publikoak agertokian gertatzen dena ikusiko du, baina aktoreak itsu-itsuan mugituko dira. Obra horren gaztelaniazko bertsioa –Apagón– urriaren 25ean estreinatuko du Kanpingags taldeak Santurtzin, Nazioarteko Antzerki Jaialdiaren barruan.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]