"Nire lanean usaimena ez da garrantzitsuena, memoria baizik"
- Bilbon jaio eta Getxon bizi. Bordelen ikasi zuen eta sumiller profesionala da. 2003an Urrezko Sudurra saria eman zioten, bere ibilbide profesionaleko garrantzitsuena.
Orduan Urrezko Sudurra zara... Beti antzeko txisteak entzuteaz gogaituta al zaude?
Egia esan bada apur bat gogaikarria, beti txiste erraz berbera entzun behar. Saria horrela deitzen da erabiltzen dugun zentzumen bakarra usaimena delako.
Azken urtean lanean ikasi duzun zerbait?
Zinez harrigarria da zenbat bodega eta zenbat ardo mota ateratzen diren urtero. Berrikuntza guztiez jabetzea ia ezinezkoa da.
Jolastoky jatetxean egiten duzu lan... Nork zioen jateko gauzekin ezin dela...?
Jolastu... Halere Adria jauna lanean ikusi ostean kontrakoa pentsatu behar da. Egun janariaz jolastu egiten da, eta asko. Bai elaborazioan, baita aurkezpenean ere. Bordeleko ardoak lata barruan sartzen dituzte, adibidez. Badira ia alkoholik gabeko ardoak ere.
Negurin usaimen hobea daukazue?
Nire lana ez da usaimen kontua, usaimen memoria kontua baizik.
Ba al da sumillerren sindikaturik?
Ez dakit existitzen ote den. Halere badaukagu sumillerren elkartea.
Zenbat ardo on edan daiteke plazera apurtu gabe?
Ez dago neurri jakinik. Gutariko bakoitza parametro berezietan aritzen da.
Batzuetan ardoari buruz asko dakidala iruditzen zait... tabernetan ematen dituzten “kriantzak” edangaitzak egiten zaizkidalako!
Tabernak ez dira dastaketa egiteko toki egokia, zarata eta kea etsai dauzkagulako. Bertan ematen dizuten kriantza ez bazaizu gustatzen, beste ardo desberdin bat eskatu eta probatu beharko zenuke. Egun ardoaren kalitatea ona da ia edozein etxetan.
Mesedez, ihes egin aurretik gomenda egizkidazu marka eta urte egokiak. Nire ahalmen ekomomikoaren arabera, noski!
Oso zaila zait marka jakina gomendatzea. Hasteko ardoaren jatorria hautatu beharko zenuke. Gero zuri, gorri ala beltz nahi ote duzun. Ondoren mahats tipoa letorke. Bukatzeko, ea urtekoa, kriantza ala erreserba...
Poteoan ibiltzen zara?
Bai horixe! Guk ere badaukagu alde gizatiarra eta ondo pasatzea gustatzen zaigu.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]