Izenak
Iñigo Aranbarri eta Carlos Ruiz Zafon idazleek jasoko dute Zilarrezko Euskadi Saria, Donostiako Liburu Azokan gehien saldu diren eleberriak beraienak izan direlako. Euskarazkoen artean Zulo bat uretan nobela (Susa) gailendu da, eta gaztelaniaz idatzitakoen artean El juego del ángel (Planeta).
Ilan Wolf artista israeldarraren argazkiz osatutako Camera Obscura izeneko erakusketa zabaldu dute Donostiako Kursaaleko Kubo aretoan. Irudi guztiek Donostia erakusten dute, baina ikusleak ezagutzen ez duen ikuspegi batetik, distortsionatuta baitaude. Erakusketa ekainaren 29a arte izango da ikusgai.
Uxue Alberdi k irabazi du Gabiriko (Gipuzkoa) Osinalde elkartean jokatutako Osinalde Bertso Sariketaren 37. edizioa. Entzuleen saria Julio Sotok jaso zuen eta saioko bertsorik onenaren saria, berriz, Alaia Martinek.
Matthew Ritchie, David Altmejd, Javier Perez eta Rirkrit Tiravanija artisten instalazioak jarri dituzte ikusgai Bilboko Guggenheim Museoan. Erakusketa 2009ko urtarrilaren 11 arte izango da zabalik.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.