Marcelinoren gol historikoak 1964ko Eurokopa eman zion Espainiako futbol selekzioari. Garai hartan NO-DOko irudiek eta esatariak goleko pasea Amanciok, Real Madrileko jokalariak eman ziola zioten. Duela aste batzuk, ordea, TVEk NO-DOaren irudiak manipulatuta zeudela eta pase hori Chus Peredak eman zuela onartu du, La Vanguardia egunkariak lehenago esandakoa baieztatuz. Espainiako kate publikoak prestatuko erreportaje laburrean, arazo teknikoei egozten zieten “akatsa”. Baina beste ahots batzuek, Clio historia aldizkariak, esaterako, zentsura frankistaren ekintza izan zela diote. Ustezko arrazoia? Pereda F.C. Bartzelonako talde katalaneko jokalaria zela, eta ez ziotela protagonismorik eman nahi. Gogoratu behar da Peredak berak sartu zuela partidako lehen gola, eta huraxe dela gaur gaurkoz Eurokopako finaletan inoiz sartu den golik goiztiarrena (bosgarren minutuan egin zuen gola). Azkenik, Peredari merezitakoa eman diote 44 urte geroago. Helbide honetan, jokaldiari buruzko bideoa: http://es.youtube. com/watch?v=-Ja5xFcGEUs
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]