Izenak
Irati Elorrieta algortarrak eta Begoña Torregrosa kataluniarrak irabazi dute Bilboko Udalak antolatutako Gabriel Aresti Ipuin Lehiaketa. Irati Elorrieta euskarazko sailean izan da nagusi, Post H.Pop ipuinari esker, eta Begoña Torregrosa gaztelaniazkoan, En un cajón del armario lanarekin.
Bestalde, Ruben Ruiz idazle gasteiztarraren Anekdotak ipuinak jaso du Lizardi Saria. Irabazleak 3.700 euroko saria jasoko du eta liburuaren 2.400 ale doan banatuko dituzte Zarauzko ikastetxeetan.
Valentin Sama argazkilari madrildarrak (Espainia) Trantsizioak izeneko erakusketa paratu du Iruñeko Contraluz galerian. Kopia originalak eta gaur arte inon erakutsi gabeko irudiak bildu ditu Samak bertan. Erakusketa martxoaren 31 arte izango da zabalik.
Peter Blake (pop artista britainiarraren (Dartfordt, 1932) ehundik gora obra bildu dituzte Bilboko Arte Eder museoan. Peter Blake. Atzera begirakoa izeneko erakusketa Tate Liverpool galeriak antolatu du. Ekainaren 22a arte izango da ikusgai.
Oskar Arana izango da hemendik aurrera Euskal Itzultzaile, Zuzentzaile eta Interpreteen Elkarteko (EIZIE) lehendakari berria. Aranak Beatriz Zabalondoren lekua hartuko du eta Itziar Otegi izango du laguntzaile bere kargu berrian.
Goizeder Urtasun nafarrak Ximeneiak dokumentala aurkeztu berri du. Langile mugimenduak azken 30 urteetan Nafarroan izan duen ibilbidea jaso du egileak. Dokumentalari buruzko informazioa http://ximeneiak.com webgunean eskura dezakezue.
Jon Martin ek (Oiartzun, 1981) Ero liburua (Elkar) argitaratu du. 2006an idazle gazteentzako Igartza bekako saria eskuratu zuen Martinek lan horri esker. Egileak era askotako gaitz psikiko, trauma eta obsesioak ipuingai bilakatu ditu.
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.