Ekainaren 20an eta 21ean heavy metalaren jaialdi berria egingo da Bilbon: Kobetasonik. Tximaluzeen gozamenerako, bi talde klasiko izango dira eszenatokian, Judas Priest eta Kiss (argazkian) beteranoak. Gainera, egun bakoitzean beste zortzi talde arituko dira. Antolatzaileek adierazi dutenez, momentuz Kobetasonik aurten bakarrik antolatuko dute eta duen arrakastaren arabera edizio gehiago antolatu edo ez erabakiko dute. Bi aste beranduago, uztailaren 4tik 6ra, Bilbao BBK Live jaialdia egingo da. Besteak beste. REM, Lenny Kravitz eta The Police taldeek eskainiko dituzte kontzertuak.

Interneten: www.kobetasonik.com eta www.bilbaobbklive.com.