Lerro helduz eta ikuspegi irekiz margotuta

  • Kokein ::Mundu margotu berri bat

    Gaztelupeko Hotsak

    iraupena ::45´52´´

    prezioa ::14.45€

Kokein
Kokein musika taldea
Kolorez, ñabarduraz eta giroz aberastuta dago Kokein Eibarko taldearen hirugarren lana. Iaz sasoi batean modu akustikoan aritu ziren eta horrek euren musikarenganako ikuspegi irekiagoa eman die. Bateria jotzailea teknikari, lan horretan eskarmentu handia duen Xanperen laguntzarekin disko dotorea prestatu dute; orain arteko trinko eta osatuena. Taldekideek gero eta abilezia gehiago dute instrumentuekin, eta Zaloak tamaina hartu dio bere ahots txorrotadari. Bestelako doinuetan aritzeko atrebentzia izan dute, oso emaitza onekin: post-hardcorea, hard-rockaren eta stonerraren arteko erdibidea, rocka, metala, ukitu minimalistak eta soul zipriztinak, besteak beste. Are gehiago, abestiek eskatu duten neurrian, luzatu, aldatu eta garatu egin dituzte giro bereziak emanez. Gainera, emanaldi akustikoen DVDa opari.
Haritz Leta-Kokein
«SGAEz eta bitartekariez potro eta obarioetaraino gaude»

Musika estilo askotara zabaldu zarete. Kanta bakoitzari eskatzen dizuena ematen ikasi duzue?


Bai. Orain artean egin dugun diskorik irekiena da. Kantu bakoitzari behar duen pertsonalitatea ematen saiatu gara. Kantuen nondik norakoak aztertu ditugu lokalean egindako maketetan. Sentiarazten digutena zer den jakiteko eta grabatzerako orduan bizitasun eta nortasun gehiago emateko balio izan digu.

Ekoizpenaz zuek arduratu zarete lehenengo aldiz. Zer errazten dizue Xanpek?


Ia dena gure esku hartzea erronka zen. Do it yourself antzeko bat egiteak motibatu egiten gintuen. Ni teknikari lanetan ere aritu naiz, baina Xanpek alor horretan guk ez genuen esperientzia aportatu du.

Abestien giroak eta ñabardurak asko landu dituzue. Erraza al da jakitea abesti bat non bukatu eta zer garapen izan behar duen?


Ez dago matematikarik horrelakoetan. Kantuaren entzunaldiak transmititzen diguna da aintzat hartzen duguna.

Mundu margotu berri bat. Zer kolore emango zenioke?


Disko honek taldearen epe jakin batean bizi izan duguna islatu du. Tamalez ez da mundu berri bat egungo errealitateak erakusten diguna, askotan iluna eta krudela da. Baina, badu argitasunik eta koloreak, soinuak, doinuak eta usainak ere badaude.

Zer ikasi zenuten akustikoan aritutakoan? Kantuen gaineko ikuspegi zabalagoa izaten?


Batez ere, gure kantu bat beste gauza zeharo ezberdina bihur daitekeela, abesti bati buelta eman diezaiokegula. Ariketa guztiz aberasgarria deritzot. Eta disko hau lantzeko asko lagundu digu.

Creative Commons erako litzentziaren aldeko apustua egin duzue…


Bai. SGAEz eta bitartekariez potro eta obarioetaraino gaude. Ez genuen gure kontura inork dirurik ateratzerik nahi. Iragarkiren batean erabili zen musika gure baimenik gabe.... Gure musika partekatzea da kontua, edozein gauzak copyright-a duelako sortzen den momentutik.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude