Izenak
Maddi Arana biolin jotzaile gasteiztarrak irabazi du Orfeoi Fundazioak antolatzen duen Interpretatzaileen Espainiako Lehiaketaren seigarren edizioa. Jesus Guridi kontserbatorioko ikaslea da Arana.
Xarles Bidegain hizkuntzalari eta unibertsitateko irakasleari eman diote Baiona Hiria Ohorezko Saria Baionako Herriko Etxeak eta Eusko Ikaskuntzak. Bidegainekin batera, bi gazte saritu dituzte. Thomas Pierre ikerlariak Euskal Kultur saria jaso du eta Evelyne Cazemajok Bideo Dokumental saria.
Paco Ocaña (argazkilariaren irudiez osatutako Iruñea, erretratu bat izeneko erakusketa izango da ikusgai 2008ko urtarrilaren 13ra bitartean Zarauzko Photomuseum argazki eta zinema museoan.
Miguel Angel Alvarez artista tolosarraren margolanak jarri dituzte ikusgai Donostiako Koldo Mitxelenako Ganbara aretoan. 51 marrazkiz eta 7 mihisez osatutako erakusketan Alvarezek 70eko hamarkadatik 2000. urtera bitartean marraztutako biluziak bildu dituzte. Otsailaren 2a arte egongo da zabalik.
Ari Lehtonen (Tampere, 1982) soinujole finlandiarrak nagusitasun osoz irabazi du Arrasate Hiria Nazioarteko XV. Akordeoi Lehiaketako. Bigarren eta hirugarren Harald Oeler alemaniarra eta Ivan Talanin errusiarra izan ziren, hurrenez hurren.
Eloi Beato, Josean de Miguel eta Gorka Aginagalde aktoreek Kunka telebista eta antzerki ekoiztetxea sortu zuten duela urte bete eta orain, Internet bidez ikus daitekeen Kunka.tv telebista jarri dute abian. Zortzi programa izango dira ikusgai gaztelaniazko telebista horretan. Programazioa hamabostean behin aldatuko dute.
Iban Zaldua k Porvenir. Diecisiete cuentos casi políticos ipuin liburua (Lengua de Trapo) plazaratu du. Etorkizuna liburuaren itzulpena da.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Azeria kanido bat da, otso eta txakurren familiako haragijalea. Animalia zuhur, maltzur eta argiaren fama dauka, eta ez alferrik! Ez da indartsuena izango, baina beti moldatzen da han eta hemen, mokaduren bat lortzeko.