Eskola eta familia, hiperaktibitateari aurre egiteko

  • Arreta Galera eta Hiperaktibitate Nahastea (AGHN) da izendapen akademikoa, medikuen kongresuetan eta liburuetan agertzen dena. Baina jende arruntak hiperaktibitatea esaten dio, besterik gabe. Dela izen luzearekin, dela izen arruntarekin, sindrome horrek jota dauden umeen ezaugarri nagusia etengabe mugitzen egotea da: gehiegizko jarduera motorra, geratu gabe korrika, saltoka, hitz egiten aritzea, jarduera bat hasi eta berehala aldatzea, eta horrez gain, adi egoteko eta kontzentratzeko zailtasunak.
Baliteke sei urtetik gorako umeen %10ak izatea sindrome hori, eta eskola eta gizarte mailako zailtasunekin batera agertu ohi da. Horrelaxe nabarmendu dute adituek, duela gutxi Arreta Galeragatiko Nahasteari eskainitako jardunaldian. Eskolan,ume horiek motibaziorik,ikasteko interesik eta diziplina arrastorik gabekotzat, eta ezarritako arau guztien hausle edo urratzailetzat jotzen dituzte sarritan, baina ezinbestekoa da denok (guraso nahiz irakasleok) argi edukitzea portaera bitxi horien atzean dagoen arrazoia.
Hezitzaileen zeregina funtsezkoa da portaera arazo horiek identifikatzeko, eskolan bezala baita etxean edo familia giroan ere, hortxe ematen baita umearen eguneroko bizitza. Izan ditzakeen arazo, zailtasun eta gorabehera guztiak haiek behatu eta aztertuko dituzte hobekien.

Behin arazo bat dagoela ikusi ondoren, elkarri transmititu beharko diote susmo edo errealitate hori –gurasoek irakasleei edo alderantziz–, eta umea osasun mentalean aditua den batengana bideratu, hark diagnostikoa berretsi eta arazoa tratatzeko modurik hoberena zein den erabaki dezan. Arazoa kezkatzeko modukoa da, nahaste horrek umearen arreta eragotzi, bere portaera zaildu eta arauetara egokitzea aldrebesten duen neurrian. Ume horiek, eskolan errendimendu eskasaz gain, portaera antisoziala edukitzera ere irits daitezke. Horregatik, garrantzi handikoa da arazoa lehenbailehen bideratzea. Informazio gehiago nahi izanez gero, www.f.adana.org helbidera (Adana fundazioa) jo dezakezue.

Kanal honetatik interesatuko zaizu: Hiperaktibitatea
Haurren asaldura
Jendarte hiperaktiboaren seme-alabak

Zer ari da gertatzen arreta gaitasunarekin egungo gizartean? Zer da arreta eta zeri jarri behar zaio? Nork dauka gaitasun hori? Gaixotasuna al da?


Arazoa ez da ikasgelan eserita egoten ez dakitela, ez direla nahikoa mugitzen baizik

Ikasleak ez direla gai eserita adi egoteko, ez dutela arreta jartzen, hiperaktibo asko dagoela… kexa orokor diren garaiotan, hain juxtu eserita denbora gehiegi igarotzen dutela uste du Angela Hanscom pediatrak: haurrak ez dira behar adina mugitzen, eta horren ondorioz... [+]


“Haurtzaroa medikalizatzeko historiako kanpaina handienaren aurrean gaude”

“Hemendik urte batzuetara, haurrak gehiegi medikatzeagatik sortutako gaixotasunez kezkatzen hasiko gara eta ea nola desegiten dugun egindako guztia”.


Hiperaktibitatea, asmatutako gaitza?

Hamar gaitz asmatu, farmazeutiken eskutik artikuluak iritzi kontrajarriak sorrarazi ditu. Hiperaktibitatea gaitz asmatuen zerrendan jartzeak piztu du polemika gehien.


Hiperaktibitatea
Gehiegi eta oker medikatutako haurrak

2001ean, 6 eta 17 urte arteko 215 haurri diagnostikatu zieten Arreta Gabeziaren Hiperaktibitate Nahasmendua Nafarroan; 2012an, 1.000 haurri. Hiperaktibitatea arinkeriaz diagnostikatzeko joerari gehitu behar diogu modu kezkagarrian igo dela pastillak hartzen dituzten haurren... [+]


Eguneraketa berriak daude