Bermeotik ihesi
- Ihesi ibiltzekotan, denbora berdinean urrunago helduko gara bi gurpilen gainean. Oraingoz aurtengo udak eguraldi egonkorrik ez duen arren, tarteka izaten diren egun bikain horietako bat aprobetxatuz, Busturialdeko bira bat proposatuko dugu buelta aste honetan, hain ezaguna den Bizkaiko kostan. Baina uretan sartu beharrean, mendi aldetik ibiliko gara. Izan ere, bertan Euskadiko BTT zentroetako batek, Urdaibai-Busturialdekoak, hamar ibilbide markatuta dauzka eta guk horietatik bat aukeratu dugu. Joaneko ibilbidea bakarrik da proposatzen duguna, baina lasai: nola itzuli ere asmatuko dugu.
aurre egingo dieten hedabide independenteak
Hasi, geltokian
Ibilbidea Bermeoko geltokian abiatuko dugu, txirrinduz bira ematera doazenentzako erreserbatutako aparkalekuan tokia baitaukagu guretzat, to pagotxa! Autoa utzi ondoren, geltokitik Artika auzorantz abiatuko gara, Askatasunaren bidetik barrena BI-4209 errepidea hartuta. Handik gutxira, Tribisko errotaren parera heldutakoan, ezkerrerantz abiatzen den errepidea hartuko dugu, aldapa ez oso luze baina maldatsu batekin hasten dena. Dena dela, asfaltoak aurrera egitea errazten digu, hemen ez zaigu bidean putzurik tokatuko edo bizikleta lokaztuko.
Bidaldi honek ez du galbiderik, eta denbora pixka baten ondoren, kaminoak beheranzko joera hartuko du, izan ere Busturiako San Bartolome auzorantz jaisten hasiko gara apurka-apurka. Auzotik pasatzen garenean, ongi etorriko zaigu iturriren bat bilatzea, izan ere, ibilbide honetan zehar ez dugu iturri asko aurkituko bide bazterrean. Hori dela eta, ahal dugunetan bidoia betetzea eskertu egingo du gero, gure eztarriak.
Araztegia eta ardoaren bidea
Jaitsiera amaitu eta pixka bat aurrerago, ur araztegi bat aurkituko dugu. Adi samar ibiltzeko unea dator orain: eskuinetara bidexka bat abiatzen da, Arriatara izenekoa. Bide hori hartu behar dugu, baina handik oso gutxira ezkerretara egin, GR-38 bidea hartzeko –ikur zuri-gorriak dituena–. GR bide hau gu abiatu garen tokitik, Bermeotik dator, baina helmuga ez da guk dugun berbera: Arabar Errioxan amaitzen da Ardoaren Bidea izenez ere ezaguna den bide interesgarri hau. Beste baterako utziko dugu hau, alderik alde osatzea, baina tarte batean jarraituko diogu.
Segituan jaitsiera tekniko bat dator Aldarbingoikoa auzora iristeko, eta bertan Muruetatik Arrietara doan bidea hartuko dugu (eskuinera), handik kilometro ingurura dagoen bihurgune batean, Jandonipe/Metxikas kartela aurkitzen den tokian, ezkerretara egiteko. Bertatik Metxikas auzoraino igo, eta Metxikasen abiatzen den pista batetik Elorrietalandaraino jaitsiko gara, berriro ere hankak probatuz eskuinetik gora egiteko, eta berriro ere goian eskuinera pistaz jarraitzeko. Normalean mendi bizikletazaleei ez zaie errepidetik joatea gustatzen, baina gaurkoan oraindik ere egin beharko ditugu kilometro batzuk asfalto gainean; hala ere, toki lasaietatik ibiltzeak nolabait arintzen du gurpil lodiek asfaltoan duten zama.
Hurrena errepidearekin topo egitean, ezkerrerantz egin eta 100 metro baino lehenago bidegurutze batean eskuinerantz joan behar da. Ondoren errepidean ezkerrera egin, eta lasai asko pistari jarraituko diogu, begiek ikuspegiarekin goza dezaten, asfaltoarekin berriro topo egin arte: Lehenago, bidearen zati handi batean Urdaibaiko ikuspegi paregabea izan dugu besteak beste Oka ibaiaren itsasadarra zein Laidako hondartza ikusiz; orain Gernika aldea begiz jateko aukera daukagu. Ez da toki txarra geratu eta patxadaz begira ari garen bitartean tripazorriak asetzeko.
Kera egin ostean Gernika ikusi dugu, eta pixkanaka-pixkanaka bertara gerturatzen ari garela jabetu gara; harantz egin behar dugu errepidera ateratakoan. Hala ere, ez dugu denbora askorik egingo bide horretan: ehun metro inguru ibili ostean BI-3751 errepidetik berriro ere ezkerrera egingo dugu. Gerekiz baserria igaro ondoren, ezkerretara pista estu batean sartuko gara, Zubibarrieta auzora garamatzan errepideraino; ari da gure ibilbidea bukatzen.
Amaitu ere, geltokian
Zubibarrietan ezkerreko pista hartzen baldin badugu, Gorozika auzora iritsiko gara, eta handik Zornotza eta Gernika lotzen dituen errepideraino batere kosta gabe jaitsiko gara. Han ezkerretara eginda, Zugastietako geltokia bertan daukagu, gaurko ibilbidearen gurpil gaineko zatiaren amaiera.
Lehenago esan dugun bezala, ibilbide hau joanekoa da bakarrik, baina bueltatzeko modua badaukagu asko nekatu gabe: Zugastietako geltokian gaudenez, trenez joan gaitezke Bermeora. 40 minutu inguruko iraupena duen bidaia da Zugastietatik Bermeorainokoa, eta aldez aurretik ordutegiak begiratuta joan nahi badugu, www.euskotren.es helbidean kontsulta egiteko aukera daukagu. Ba al da gorputzari pasada eman ostean erlaxatu eta mokadutxoa eginda, bultzi-leihotik begira paisaiaz gozatzea baina denbora-pasa atseginagorik?
2025. urtean konkistatzaile baten omenezko monumentu bat egitea "lekuz kanpo" dagoela adierazi dute oposizioko kideek.
Irungo Udalak isilarena ematen duen bitartean, asteburuero hiriko kaleen segurtasuna zaintzeko aitzakiapean "Patrullas Vecinales" antolatu duten herritarren taldea ugaritzen doa. Ertzaintzak sare sozialetan ikusi dituztela aitortu du, baina Andoni Urdangarin Irungo... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Ustez lasaiak diren espazioetan ere hau sinatzen duenak jasotakoak dira hurrengoak: ekotaliban, NIMBY, bobo, kolapsista, negazionista, ekozekena, belarjale... Denek partekatzen dute eremu semantikoa: ekologismoa. Ekologismoaren baitako zenbait pertsonari edo mugimenduri deitzeko... [+]
Ipurdia belztu egiten zaio. Tomate (Solanum lycopersicum) alea sano-sano ikusten da, landarean zintzilik, goitik behera begiratzen baitiogu. Buruz behera edo hankaz gora jarriz gero ipurdia beltz-beltz azalduko du. Ipurdian txanpon baten antzeko beltzune borobila, oso beltza eta... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Nafarroako landa gune asko daude despopulazio arrisku larrian eta horietako bat da Urraul Goiti Pirinioaurreko bailara. Hango Adoain herrian biztanle bakarra bizi da iraunkorki eta 93 urte ditu. Han da ere Perotx oinetxe zaharra eta berau birgaitzeko herri ekimena abiarazi dute.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Israelek Iranen aurka orain arte egindako aire eraso gogorrena egin du ostiral goizaldean, Leon operazioa-rekin. Erasoan, Israelgo Armadako 200 bat gerra hegazkinek hartu dute parte eta kalte handiak eragin dituzte Iraneko nuklear programa garatzeko eta misil balistikoak... [+]