“Antzerkia antzezteko idatzia dago”
- Bergaran (Gipuzkoa) jaio zen Mireia Gabilondo eta
Donostian bizi da aspaldian.
Euskal antzezle eta zuzendari arrakastatsua dugu,
bai antzerkian, bai telebistan, baita zineman ere.
Euskaraz eta arrakastaz aritu den lehen belaunaldiko kide zara. Zein dugu hurrengo mugarria?
Mugarria baino, bidean jarraitu: aukeratu nuen bide honetan. Eta ezin naiz kexatu, nahi dudana egiten dut, gustatzen zaidana, ondo pasatzen dut. Alabak, (Laiak) txikitan esaten zidan: “jo, ama, beti lanera… zergatik?” eta nik: “Niri nire lana asko gustatzen zait, maitia… ondo pasatzen dut”.
Bergaratik Donostiara pedagogia ikastera joan zinen… Amari eman gabe zure artista izan nahiaren berri?
Gehiegi esan gabe edo azalpen handirik eman gabe behintzat. Baina segituan konturatu ziren “antzerkiaren pozoia” nire gorputz txikian sartzen ari zela. Eta aitak esan zidan: “Baina gu ez gara joango beti egiten dituzun teatro horiek ikustera… guk ez dugu entenditzen”. Eta nik: “Horrek berdin dio, aita”. Amak, isilik, haserre aurpegiarekin begiratzen zuen bitartean. Baina gero egiten nituen antzerki obra guztietara etortzen ziren, gustura gainera eta nire amaren begietako haserreak irribarre kolorea hartu zuen.
Beti akordatzen naiz nire emanaldirik gogorrena Bergaran lehenengo aldiz lan egin nuenean izan zela: Ama hirugarren ilaran, niri begira bere begi beltz-beltzekin, eta nik ezin arnasa lasai hartu… Eztarrian intxaur ale bat edukiko banu bezala… Baina lortu nuen amaren aurrean egin behar nuen hura ahalik eta ondoen egitea. Eta txalo egin zidanean –zeren, ni txalotu ninduen– pozik zegoen. Hura poza, ze poz handia! (Nik sentitu nuena).
Duela hogei urte “euskal antzezleen koadrila” osatzen zenuten egunero Donostiako alde zaharrean. Izartegian zaudetenetik ez zaituztegu ikusten ordea!
Ezta nik zu ere, ezta? Nik alde zaharrean jarraitzen dut, han bizi naiz… Agian beste ordu batzuetan ibiliko naiz eta horregatik ez dugu topo egiten. Egia da orain dela urte batzuk asko zaintzen genituela alde zaharreko kaleak eta taberna batzuk. Ez da ba izango “izartegian” baino “izaretan” bizi naizela?
Antzerti izeneko eskola hartatik euskal antzezle ezagun asko pasatu zineten… Eskola berekoak ote zaitutezgu beraz?
Ez dakit… Gauza bat eskolak dira, beste gauza bat irakasleak eta ikasleek zer ateratzen duten hortatik beste gauza bat. Nik, Bergaran, institutuan hasi eta gero talde bat osatu genuen. Banekien zer zen elkarlanean sortzea, furgoneta kargatzea eta emanaldiak egitea. Horregatik niretzako “Antzerti eskolatik” pasatzea oso gauza polita izan zen; beste pauso bat. Jende ugari ezagutu nuen, antzerkia “serio” hartzen ikasi nuen; hau da: antzerki obrak irakurri, autoreak ezagutu (Ionesko, Beckett…), aktore bezala neure burua eta gorputza ikusten ikasi… Eta Antzertin nengoela Tanttakatik deitu zidaten beraiekin lan egiteko –beste pauso bat–. Eta hantxe gelditu naiz gaur egun arte. Tanttaka, tanttaka pausoak ematen.
“Emakumeak izarapean” izeneko obra zuzenduko duzu abuztuan: esaidazu ohean ez dutela sobreaktuatzen euskal aktoreek!
Ba ez dakit... hori aktore bakoitzari galdetu beharko litzaioke. Baina tira nik neuk ez; ez eszenatokian, ez kalean, ez ohean... Hobe da benetan aritzea, hobeto pasatzen da eta gehiago gozatzen da, ez? Martxoan estreinatu genuen Eibarko antzerki topaketetan. Gero emanaldi dezente ere egin ditugu eta, bai, abuztuan Donostian egongo gara, antzoki zaharrean.
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
Hamabost urte inguruko lau surflari israeldarren parte hartzea zela eta, hainbat eragilek protesta egin eta Groseko Surf Indarrak elkarteak lehiaketan ez parte hartzea erabaki du. Waxdayz jaialdiaren antolatzaileek ere surflari israeldarrak kaleratzea eskatu die WSL World Surf... [+]
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.
Munduko gatazka ugariak kontatzera ohituta, oraingoan bere gatazka propioari jarri dizkio berbak Ebbaba Hameidak (Tindufeko errefuxiatu guneak, 1992) bere lehen eleberrian: Flores de papel (Paperezko loreak) (Peninsula, 2025). Hiru belaunalditako emakume banaren istorioak... [+]
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Iaz ezagutu nuen Hana Zjakic, Bollotomaseko bertso-saioaren aurretik mahai-buelta berean suertatuta. Ingelesez egin behar niola aipatu zidaten. Eta ni, orduan, kezkatu egin nintzen, ea saioan bertan inor arituko ote zitzaion xuxurlari. Lasai egoteko esan zidan berak, lehenago... [+]
Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien... [+]
Talentua garai honetan zaindu, babestu eta erakarri beharreko altxorra ei da. Horregatik, Kutxabankeko lehendakari Anton Arriolak hezkuntzan ingelesari garrantzi handiagoa eman behar zaiola adierazi du, eta euskara horretarako oztopo izan daitekeela Poloniatik etor litezkeen... [+]
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.