“Inutilak balira bezala tratatzen ditugu haurrak”
- Txikitan, lehengusuen arteko antzerkiak antolatzen zituen. Institutuan, matematikak saihestearren hautatu zuen grekera. Ikasle ona izan arren arte ederretan matrikulatu zen. Orain…
“Pailazo bat zara!”
Zer litzateke zirko bat pailazorik gabe?
Esaiezu hori gurasoei…
Txikitan, Eginen azaldu zen pailazoen erreportaje bat moztu, armarioan itsatsi, eta “nik pailazo izan nahi dut” esan nuen.
Zer moduz pailazogintzaren aparretan?
Kontziente gara mundu txikia dela, eta gauza txukunak egin, eta gure buruarekin gustura egoteko lan asko egin behar dela.
Urtero ikuskizun bat.
Zuzeneko pailazoak gara. Horrek ematen digu gertutasuna gure zaleekiko.
Izan ere, pailazo ofizialak beste batzuk dira…
Guk pailazo herrikoiak izan nahi dugu. Herriko pailazoak.
Horregatik izan zinen zinegotzi?
Argi neukan ni ez nintzela politikaria, herritar bat baizik, eta konpromiso hori zor niola Lasarteri.
Konpromisoa, Elesperen atentatuaren ondorena...
Banekien erasotuak izango ginela, ez nekiena zen zer mailara arte. Ordura arte ez nintzen jabetu etsaiak nituenik.
Nola ematen zaio buelta?
Herritarrak ginelako atera ginen aurrera. Ausardiaz jokatu zuen taldeak, eta ausardiaz jokatu zuten taldea beraien herrietara eraman zutenek. Askoren lanpostuak egon dira kolokan.
Zuenak ere... Profesionaltasunak prezio bat du.
Gutxieneko saio batzuk lotu, egin nahi duguna egin dezakegun ikusi... Buruhaustea da, baina saiatzen gara enpresak taldea baldintza ez dezan. Taldea gara enpresa baino gehiago.
Merchandising eta guztiko taldea!
Ikusita dago ateratzen dena saldu egiten dela. Baina pailazo talde bat gara, eta gauza txukun eta hezitzaileak plazaratu nahi ditugu.
Adibidez?
Hurrengo urtean Mari Mototx-i mototxak eroriko zaizkio, minbizia izango du. Gaixotasunaren gaia landuko dugu. Gai horiek ere landu behar dira haurrekin.
Pailazoak eta minbizia?!
Ez da minbizia bakarrik. Hiru hilabetean behin umeak gaixotasun bat pasatzen du eta gizarteak ez daki gaixo egoten. Hezitzaile eta eredu izan nahi baduzu, edozein gai tajuz, koherentziaz, eta pentsamenduz landu behar duzu.
Hori da hori umeak tratatzeko modua!
Askotan inutilak balira bezala tratatzen ditugu. Argia eta zuzena bazara umeak oso ongi ulertuko du. Edozein gairi buruz.
Riki-riki katxiporreta patata-tortilla?
Saiatzen gara gauza berritzaile, osasungarri, eta freskoak sortzen. Kulturgintzan eta irakaskuntzan dabilen ororen kezka izan behar luke.
Gauzak egiteko instituzioen zain ezin dela egon dio Porrotxek.
Instituzioek asko baldintzatzen dute lana. Menpekotasunak muga gehiegi dauzka.
Mugak hausteko daude.
Gu autogestioan oinarritzen gara, eta zorionez, jende askok maite gaitu. n
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Astelehenetik igandera askotariko 106 jarduera antolatu dituzte auzoko bizilagun eta eragileek, parte hartzea, auzo harrotasuna eta autogestioa ardatz. Aurten poliziak bortizki hustu berri duen Korda espazioa izango dute gogoan. Hamazazpigarren edizioa da aurtengoa.
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Eskirozko BSH lantokia ixteko asmoa plazaratu zutenetik lan taldearen mediku-bajak bikoiztu baino gehiago egin direla salatu dute gaur: "Abenduan prozesua hasi zenean lan taldearen %4 zegoEn bajan, orain %13 baino gehiago dago", adierazi du Sergio Ayucar BSHko langile... [+]
Hau idazten ari naizela, kanpaina bukatzear dugu. Datorren astelehenean jetzaldi batera pasako gara. Horrek esan nahi du hiru egunetik behin egingo dugula gazta, eta gaztek izango dituztela bospasei kilo. Uztailaren bigarren astean edo utzi egingo diogu gazta egiteari.
Duela egun batzuk Zeraingo mendietan nenbilela, gorpu bat topatu nuen bidearen erdian. Lehen aldia zen halakorik ikusten nuela, eta kosta zitzaidan identifikatzea. Bere tamaina txikia ikusita, kume bat izan behar zuela pentsatu nuen; baina oker nenbilen. Munduko ugaztun... [+]
Loratu da. Kostata baina loratu da, bai, arkakaratsa (Rosa spp.). Lore arin, mehe, hegalari itxurakoa da, arrosa bat da eta lorea ere arrosakara eta zuriaren arteko kolorea du. Urtero loratzen da lurrin fina zabalduz. Lore horiek destilatu egiten dira, ia erabat kosmetikan eta... [+]
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.