Pagoak ikastolaren sustengu
- Oztibarre eskualdean, Nafarroa Behereko Larzabale herrian, elkarrengandik oso hurbil eraikin bi ari dira altxatzen: bata eskualdeko ikastola izango da eta bestea Manex Erdozaintzi Etxart kolegioa. Seaskak dirua biltzeko kanpaina hasi berri du.
Iazko urrian, hondeamakinak lur altxatzen hasi ziren Larzabaleko eremu batean, Oztibarre bailaran. 8.000 metro koadro, proiektu bikoitza gauzatzeko. Han ari dira eraikitzen, elkarren ondoan, Oztibarreko ikastolak eta Manex Erdozaintzi Etxart kolegioak izango dituzten egoitza berriak. 2007-2008 ikasturte hasieran, datorren buruilan beraz, biak bukatuta eta haurrak hartzeko gertu egotea espero da. Estreinaldi ofiziala, berriz, urrian egiteko asmoa dute, lanak hasi eta urtebetera.
Bai ikastola bai kolegioa Seaskako sare barruan izango dira, eta hain zuzen Seaskak hartu ditu bere gain eraikitze-lanei dagozkien gastuak. Eraikinak hornitu, aldiz, ikastetxeek beraiek egin beharko dituzte. Ez da huskeria. Altzariak, pedagogia materialak, ordenagailuak eta abar erosteko, 260.000 euro gastatu beharko dituztela aurreikusi dute.
Pagoak diru trukean
Dirutza hori eskuratzeko, kanpaina jarri berri dute abian. Pagatxa elkartea arduratuko da kanpaina hori bultzatzeaz. Izena ongi aukeratu dute, pagoa izango baita egitasmoaren ardatza. Elkarteko lehendakari Jojo Bordagaraik azaldu duenez, “kanpainaren leloa Landa milaka pago, eta euskara biziago izanen da. Pagoa hartu dugu sinbolotzat, hura baita hemen gaindiko, Irati oihaneko zuhaitz erregea. Pago bezainbat euskaldun sortzen ahal badu gure proiektuak, biziki pozik izanen gara, eta hori da leloaren esanahia, landa milaka pago eta sortu milaka euskaldun”. Inondik ere, inoiz izan den pagadirik euskaltzaleena izango da.
Landa milaka pago. Ez da esaldi metaforikoa, kanpainaren funtsa pago landatzea izango baita. Eta milaka badira, hobe. “Dirua erdiesteko protokolo bat planteatu dugu –dio Bordagaraik–: emaitza bat, pago bat. Pertsona batek eman dezake dirua, edo talde batek. Eta ez dugu gutxieneko kopururik finkatu, borondatezkoa izanen da”. Gero, pagoak inguruko eremu batean landatuko dituzte, ez dakite oraindik non, lekurik onena bilatzen dihardute eta. Oztibarren izango da, hori seguru.
Bada beste aukera bat: “Jendeak nahi badu pago bat ukan, bere etxera eramateko, edo herriko etxe batek bere lurraldetan landatzeko, erran nahi baita gure oihanaren kume bat Euskal Herrian nonbait, hori ere posible izanen da”. Hala egin nahi duenak, ordea, hamar euro eman beharko ditu gutxienez. “Hori guztia esplikatzeko blog bat sareratuko dugu, Caroline Phillips ari da horretan, eta bertan informazio guztia eskuratzen ahalko da, xehe-xehe”.
Kantaldiak Euskal Herrian zehar
Pago landaketa ez ezik, kultur ekitaldi ugari emango ditu Pagatxak abiatutako kanpainak. Kantaldiak, bizikleta martxak, mendi ibilaldiak… Gehienak Manex Erdozaintzi Etxart kolegioaren eremuan egingo badira ere, hots, Nafarroa Beherea ekialdean eta Zuberoan, Pagatxakoek Euskal Herri osoan barrena eman nahi dute egitasmoaren berri. “Hegoaldeko lau probintzietan aurkezpenak eginen ditugu –dio Jojo Bordagaraik–, eta kantaldi ibiltaria proposatuko dugu”. Hiriz hiri proiektua aurkeztu, eta aldi berean kontzertuak iragarriko dituzte. “Helburua Iparraldeko talde batzuek kantatzea da, Hegoaldean ezagutarazteko”, dio Jojo Bordagaraik. Bera izango da abeslarietako bat, bide batez esateko. Jojo eta Ramuntxo bikotearen kanturik entzun baduzue inoiz, badakizue nortaz ari garen.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Zer: Euskadiko Orkestra
Zuzendaria: Diego Martin-Etxebarria. Easo Abesbatza
Zuzendaria: Gorka Miranda
Bakarlariak: Arantza Ezenarro, Gillen Munguía, Marifé Nogales, Lucía Gómez, Juan Laborería, José Manuel Díaz, Darío Maya, Luken... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Russell mendian gertatu da ezbeharra, amildegi batetik jausita. Gaztea Iruñekoa zen.
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Asteko albiste nagusietako bat izan da, zalantzarik gabe: ehuneko 50eko muga-zerga ezarri die Trump administrazioak Indiatik datozkien esportazioei. Brasilekin parekatuta, zerga estatubatuar astunenak pairatu beharko dituen ekonomia handia izango da, aldaketarik ezean,... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Gizona Bilorian (Araba) hil dute, ustezko hiltzailea atxilotu dute Añanan (Araba).
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.