Bazka literatur aldizkari elektroniko sortu berriak (www.bazka.info) Euskadi Sarien inguruko hainbat artikulu jaso ditu. Itsasoa ontzian atalean Oier Guillan, Jose Luis Otamendi eta Joseba Tobar-Arbulu idazleak Utikan Euskadi Sariak manifestua sinatzera bultzatu dituzten arrazoiez mintzo dira euren iritzi artikuluetan. Bestetik, Datutegia sailean sarion inguruko hainbat datu kontsulta daitezke. Bazka aldizkariaren zuzendaria Gorka Arrese da eta kontseilu editoriala Xabier Bordak, Oier Guillanek, Koldo Izagirrek eta Josu Landak osatzen dute.