Jon Suarezek idatzi eta Jokin Mitxelenak marraztu duten kontakizun samur honen narratzaileak amatxo sendagilea eta aitatxo pizzeria bateko sukaldaria ditu. Amatxok gaixoei tirita zaharrak kendu eta berriak jartzen pasatzen du eguna, aitatxok etengabe pizzei gazta, olibak, antxoak eta bestelakoak jartzen dizkien bitartean. Eta jakina, porru eginda etxeratzen dira beti biak. Orduan, txikiak atseden hartzen laguntzen die, behar duten guztia maitasun osoz eskainiz. Baina, noski, ahalegin horrek ere nekatzen du bat!