Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 08an
Liburutegia
Etxerik gabe eta bazterkeria larrian dauden pertsonen...
Batzuen artean
Ararteko
712 orrialde
Unamuno. De la crisis a Ecos literarios
José Antonio Ereño Altuna
Ediciones Beta
222 orrialde
23 euro
Nerearen
argazki-albuma
Mitxel Murua, Julen Tokero
Elkar
36 orrialde 7 euro
Iñaki Friera
Ibaizabal
178 orrialde
9,40 euro
Abd El Kader
Txomin Peillen
Idatz & Mintz
48 orrialde
Eguberri on!
Didier Lévy, Xavier Denrux,
Giltza
22 orrialde/ 18 euro
Batzuen artean
Ararteko
712 orrialde
Arartekoaren gomendioak
Gure gizartean okerren bizi direnen behar gorriak izan ditu kontuan Arartekoak Etxerik gabe eta bazterkeria larrian dauden pertsonen premiei emandako erantzuna izenburua duen txostena osatzerakoan. Eta erantzun horretan ahulezia askotxo aurkitu dituela esan behar da. Gomendioei eskainitako atalean ahalegintzen da konponbidea aurkitzen ahulezia horiei. Etxerik gabe, lanik gabe, gizartean parte hartu gabe, hau da, sistematik kanpo dauden pertsonak hazteak arduratzen du Arartekoa, eta baita gizarte dualizazioak gora egiteak ere. Eta honela dio Iñigo Lamarcak: «Hori gertatu ez dadin alderdi askoren ahalegina behar da, ez bakarrik gizarte zerbitzuena eta erabiltzaileena, baizik eta eragile ekonomikoena eta sozialena eta erakundeena, horiek baitira gizartearen motoreak».
Unamuno. De la crisis a Ecos literarios
José Antonio Ereño Altuna
Ediciones Beta
222 orrialde
23 euro
Unamunok bere garaian jasan zuen krisia aztergai
1897an Unamuno krisi handi batean murgildu zen. José Antonio Ereño Altunak egin duen lanean zehatz-mehatz aztertzen da intelektual bilbotarraren bilakaeran gertatu zen une larri hori: krisia inkubatzearen arrazoiak, Unamunorengan nolako eragina izan zuen idazle zein pertsona bezala, irtenbideren bat aurkitu nahian izan zituen desirak (haur zenean izandako fedea berreskuratzea, kasu), eta jarraian egin zuen ahalegin aszetikoa. Krisiaren balantzea ikusi, eta Unamunoren kristautasunean sakontzen du egileak, izan zuen fede sozialista kontuan hartuz baita ere. Azkenik, intelektual bilbotarrak bere lagun José María García Galdácano apaizak zuzentzen zuen Ecos literarios aldizkarian egindako lana berrikusi du.
Nerearen
argazki-albuma
Mitxel Murua, Julen Tokero
Elkar
36 orrialde 7 euro
Pirritx eta Porrotx
Pirritx eta Porrotxek badute lagun handi bat, argazkizale amorratua: Nerea. Zazpi urte bete dituen egunean, meriendatzera gonbidatu ditu, eta pailazoek gustukoa izango duen oparia egin diote, argazki-albuma, neskatoak bilduta dituen argazki guztiak txukun-txukun han jar ditzan. Eta horixe egiteari ekingo dio Nereak, argazkien bitartez bere bizitza gogoratuz. Han daude gurasoak, adibidez, oraindik maitemindurik zeudenean. Beste argazkia, halere, banandu zirenekoa izango da, banandu egin baitzitzaizkion gurasoak Nereari, eta horrek min handia eman zion, banaketa bere erruz egin zutela uste zuelako. Gurasoak benetako arrazoia azaldu zioten arte. Orain amak beste gizon bat maite du, eta aitak beste emakume bat. Eta zoriontsuak dira, lehen ez bezala, eta Nerea ere bai, noski. Aska itzazue pottokak!
Iñaki Friera
Ibaizabal
178 orrialde
9,40 euro
Pottokak askatu nahi ditugu
Institutuan ikasten hasi berri diren neska-mutil batzuk ditu protagonista Iñaki Frierak sortutako Aska itzazue pottokak! liburuak: Ane, Patxo eta Joseba. Elantxoben bizi dira, baina neskaren aitak Sarara joan behar du eta berarekin joateko gonbitea egiten dienez, harekin joango dira, egun batzuetako oporraldiari probetxua atera nahian. Ibilaldian, ordea, ezusteko galantak gertatuko zaizkie: batetik, kamioilari ezatsegin batekin egingo dute topo; eta bestetik, sumatu ezin zezaketen bidea aurkituko dute, Aneren aitak zaindari jarri dien emakume gaztearen laguntzaz. Emakume horrek, Garazik, medium izateko gaitasuna ei dauka, eta bera konektatzen den espirituen bitartez jakingo dute pottokak askatzea berebiziko arazoa dela. Oraindik pottokak zer diren ez badakite ere, haiek askatzeko gertu daude, beldurrik gabe.
Abd El Kader
Txomin Peillen
Idatz & Mintz
48 orrialde
Txomin Peillenek Abd El Kader-i eskainitakoak
Arabieraz ere agertzen dira Txomin Peillenek Abd El Kader buruzagi aljeriarrari eskainitako olerkiok, Salah Seoureri esker. Euskaraz, frantsesez eta gaztelaniaz irakurtzea, berriz, Txomin Peillen berari zor zaio. Abd El Kader-ek lehen estatu musulmana eraiki zuen Aljerian, turkiar otomanoena baino hobeto antolatua. Sinesleen emira izendatu zutenean, 1832an, Aljer hiriaz jabetu berri ziren frantsesen aurkako gerlari ekin zion. Hamabost urtez Aljeriako errege gisa aritu zen, ia herrialde gehienaz jabetu arte, eta frantsesek 1835ean eta 1837an bere agintea ezagutu zuten. Baina 1840an Aljeria guztiaren jabe egitea erabaki zuten frantsesek, eta Abd El Kader garaitu zuten. Baina aurrera jarraitu zuen...
Eguberri on!
Didier Lévy, Xavier Denrux,
Giltza
22 orrialde/ 18 euro
Etxeko txikienak Eguberritako opariaren zain
Mirariz betetako liburua da Gorritxo. Eguberri on! Etxeko txikienei zuzendua dago -bi urtetik aurrerakoei-, eta ezusteko gozo ugari topatuko dituzte bertan: liburuaren barruan irekitzen diren ateak, Gorritxo tigre txiki bihurria bizi den lekua, Gorritxok eta bere lagunek opariak eskatzeko gutunak bota behar dituzten postontziak, Eguberritako zuhaitza nola apaindu, etxean dagoen Eguberritako ipuintxoa zertaz doan, eta Gorritxok eskatutako oparia etxe aurrean agertzen den kaxa handi horren barruan dagoen ala ez.
Irakurrienak
Matomo erabiliz
#1
Jonathan Cook
#2
Xabier Letona Biteri
#3
Euskal Irratiak
#5
Gorka Peñagarikano Goikoetxea
Azkenak
2024-05-08
Palestinarekiko Erantzukizuna Plataforma
Gazte unibertsitarioak protestan Gazako genozidioaren aurka
2024-05-08
Mikel Garcia Idiakez
Eskola inguruetako kutsadura maila neurtu dute, eta emaitzak oso kezkagarriak dira
Euskal Herrian 28 ikastetxe-ingurune aztertu dituzte: 28ek Osasunaren Mundu Erakundeak segurutzat duen kutsadura maila baino kutsadura handiagoa dute eta %75ak ez du lortzen Europako Batzordeak berak onargarritzat duen kutsadura maila. Maiatzaren 10ean kalera aterako dira... [+]
2024-05-08
Hik Hasi
Udako Topaketa Pedagogikoen aurkezpena
Hik Hasi egitasmo pedagogikoak 2024ko Udako Topaketa Pedagogikoen aurkezpen prentsaurrekoa egin du astearte goizean. Bertan parte hartu dute EHUko Hezkuntza Filosofia eta Antropologia Fakultateko dekano Beñat Amenabarrek eta Hik Hasiko formazio arduradun Mikel... [+]
2024-05-07
Zigor Olabarria Oleaga
Beste preso bat hil da espetxean, oraingoan Basaurin
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den bosgarren presoa... [+]
Eguneraketa berriak daude