Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko apirilaren 20an
Liburutegia
Anoetako Baserriak
Batzuen artean
Aranzadi Zientzi Elkartea, Anoetako Udala
312 orrialde
Anoeta herriaren historia
Juantxo Agirre-Mauleon historialari eta arkeologoak zuzendu duen Aranzadi Zientzi Elkarteko ikertzaile taldeak eraman du aurrera Anoetako Baserriak izenburua duen monografikoa. Udalerriaren jatorri historikoa eta baserriaren sorrerari buruzko xehetasunetatik hasiz, Anoetako folklorea, sinesmenak, festak, kirolak, tradizioak eta kultur ondarea nabarmentzen dira lanean, baserri guztien datuak eskaintzeko orduan. Baserri denen izenak, kokapena eta deskribapena azaldu dituzte, oinarrizko erreferentzia kartografikoaz lagundurik. Eta bakoitzaren historiako zenbait zertzelada eta eraikinaren ezaugarri arkitektonikoak ere gehitu dizkiote, nahiz eta ohartarazi batzuk desagertu direla haien ezaugarri arkitektonikoen aztarnarik utzi gabe.
El café de los portugueses
Fernando Ruiz Paños
Kutxa Fundazioa
65 orrialde 7 euro
Donostia Hiria literatur
lehiaketako gaztelaniazko saria
lehiaketako gaztelaniazko saria
Fernando Clemot izenordearen atzean ezkutatzen den Fernando Ruiz Paños filologo eta editoreak idatzitako El café de los portugueses izenburuko ipuinak irabazi zuen iaz Kutxa Fundazioak antolatu ohi duen Donostia Hiria literatur lehiaketako gaztelaniazko saria. Portugalek XIX. mendearen bigarren erdialdean izan zuen idazlerik handienetakoa du kontakizunak protagonista, 1845ean Póvoa do Varzimen sortu eta 1900ean Parisen hil zen José María Eça Queiroz. Hain zuzen ere, Queirozen azken uneak izan zitezkeenak daude ipuinean islaturik. Biriketako mina oso aurreratua duela, Parisko kafetegi batera sartuko da. Eta han, bera bezain gaixo dagoen poeta gazte portugaldar maltzur batekin egingo du topo.
Jirafa lepo-motza
Hermínia Mas
Ibaizabal
64 orrialde 8,10 euro
Jirafa txikiaren tristura
Iñaki Zubeldiak euskaratu du Jirafa lepo-motza, Hermínia Mas idazle katalanak sortu eta Mercé Arànegak marraztutako kontakizuna. Ester jirafa txikiaren istorioa agertzen du. Guztia zuen motza jirafa txiki horrek: lepoa, hankak eta izena ere bai. Beste jirafa guztiek izen oso luzeak zituzten bitartean -Jeronima, Berengaria, Brunisenda, Klementzia edo Petronila- jirafa lepo-motzari izen laburra jartzea erabaki zuten haren gurasoek. Izan ere, beste jirafa denek hanka eta lepo luze-luzeak zeuzkaten, eta berak ez. Ester hazten zihoan neurrian, lagunengandik guztiz desberdina bihurtzen ari zen. Eta jakina, beste jirafak bezalakoa ez zela izango konturatzen zenean, oso triste sentitzen zen, ederki asko zekielako beste jirafek barre egiten zutela bere kontura. Baina halako batean guztia aldatu zen.
Behinola
Batzuen artean
Galtzagorri Elkartea
64 orrialde 7,60 euro
Itzultzaileek egindako lanak
Kataluniako, Galiziako eta Euskal Herriko itzultzaileek egindako lanen azterketa dakar Behinola haur eta gazte literatura aldizkariak 13. zenbakian. Pau Joan Hernándezi egin diote elkarrizketa, Galtzagorri Elkarteak iaz martxan jarri zuen Irudiz irudi, liburu ibiltari deitzen den proiektu-aretoa zertan den agertu dute, euskaratik galizierara itzulitako haur eta gazte literatura lanen gainean Mónica Domínguezek azterketa egin du, katalanera itzulitako euskal haur eta gazte literaturaz idatzi dute Pep Molist eta Joan Portellek, Xabier Etxanizek Galizia eta Kataluniako literatura gure artean atondu du eta haur euskaldun errefuxiatuak gai harturik 1936ko urriaren 30ean Josep M. Folch i Torresek En Patufet haur aldizkarian argitaratutako El petit refugiat i el seu company testua euskarara itzuli du Manu Lopez Gasenik (Errefuxiatu txikia eta haren lagunak).
El aniversario de la independencia
José Javier Abasolo
Tropismos
326 orrialde 18 euro
Independentziaren ondorengoaz
José Javier Abasolok nobela beltz asko idatzi ditu bere bizitzan zehar. El aniversario de la independencia titulua duen honetan, Euskal Herriak independentzia lortu ondorengo garaietara darama irakurlea. Lorpen horrek oraindik ez du urtea bete, baina dagoeneko zenbait aldaketa begi bistakoak dira lurraldean. Ertzaintzan, adibidez. Izan ere, aurreko garaietan ezker abertzalearekin gogorregiak izateagatik nabarmendu ziren polizietatik batzuk kanporatu egin dituzte, eta ETA erakundeko zenbait partaide bertan sartu. Azken erabaki honek ertzain bat baino gehiago haserraraziko du, baina goitik dator agindua eta besteekin lan egitea baino ez dute. Bitartean, beste erakunde armatu bat agertuko da.
Jakin
Batzuen artean
Jakin
136 or. / 9,50 euro
Ikasle etorkinez eta euskaraz Jakinen 154. zenbakian
Jakin aldizkariaren azken zenbakiak etorkin ikasle berrientzat bideratutako integrazio eta gizarteratze ereduak eta hezkuntza politika ditu aztergai. Baita ikasle hauen artean euskarazko ereduaren hautapena bultzatzeko gakoak ere. Ikasle etorkinen eskolatzean eta hizkuntz ereduen hautaketan eragiten duten baldintzak, hezkuntza sistemak ikasle hauen euskalduntzea sustatzeko eskaintzen dituen bitartekoak, eta ikasle etorkinen ama hizkuntzari eta jatorrizko kulturari eman beharko litzaiekeen tratamendua. aztertzen ditu.
Irakurrienak
Matomo erabiliz
#1
Zigor Olabarria Oleaga
#2
#4
El Salto
|
Raquel Andrés Durà
#5
Ahoztar Zelaieta
Azkenak
2024-04-22
Garbiñe Larrea Iturralde
Intsusaren bigarrena
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
2024-04-22
Eneko Bachiller Otamendi
Arrain-zoparako, besterik ezean, itsasoko igela
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
2024-04-22
Jakoba Errekondo
Lurra elikatu, guk jan
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
2024-04-22
Garazi Zabaleta
Txaramela
Pasta ekologikoa, ortuko barazki eta espezieekin egina
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
2024-04-21
Gorka Peñagarikano Goikoetxea
'Cristóbal Balenciaga' telesaila
"Nabaritu dadila euskaldun batzuok euskaldun baten istorioa kontatu dugula"
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Eguneraketa berriak daude