Batez ere zuzenean jotzeari eman diogu lehentasuna, eta gure utzikeriak ere izan du zeresana. Kantuek urtebete dute, eta dagoeneko hasi gara berriak idazten, baina diskokoak gure kuttunak dira.

Ez genuen halako harrera espero. Lagun artean jotzeko batu ginen, pretentsiorik gabe. Jotzeak betetzen gaitu eta ia egunero gaude lokalean sartuta. Hala ere, gero eta motibazio handiagoa daukagu.

Bai, zuzenean energia asko transmititzen dugu. Bolumena, adrenalina eta urduritasuna batuta, eztanda egiten dugu batzuetan. Are gehiago, ikusleen berotasuna igartzen dugunean.

Bai. Stoner definizioak musika talde eta joera asko batzen ditu, eta guk musika dezente entzuten dugu. Gauza asko uztartzen saiatu gara. Adibidez, hirurok iragan heavya daukagu, 15 urterekin Metallica entzuten hasi ginen-eta. Orain, batez ere, 70eko espiritua berreskuratzen saiatzen gara.

Lehenik eta behin, diskoa grabatzen. Horretarako asmoa bagenuen, baina Danbakak grabazioa ordaindu zigun. Horrez gain, lehiaketari esker hedabideetan dezente agertu gara, eta leku askotatik deitu digute jotzeko. Lehen guk deitu behar izaten genuen jotzeko.

Bai, gogo handia dugu. Hasieran ez genuen sinestu. Urtero joan gara jaialdira, eta aurten taula gainera! Eagles of Death Metal eta Mondo Generator ikusteko irrikan gaude.

Honako hau Oñatiko hirukotearen estreinako lana da, Danbaka Debagoieneko I. Musika Lehiaketa irabazteagatik saritzat jaso zutena. Ez dugu inor harrituko stoner-rocka egiten dutela badiogu. Horri dagozkion oinarri erritmiko gogor eta gitarra biziak jorratu dituzte, baina harago jo dute: melodiari eta leloei garrantzia handia eman, eta beste musika estilo batzuetara ireki dira. Taldekideen iragan heavya agerian utzi dute (Malibu, Tong Po), post-hardcorea gustuko dutela erakutsi digute (Relax, Irakaslea), eta pop-rock edota flamenko zipriztinak ere aurki daitezke. Gogoz garatutako hamaika kantuotan hainbat pasarte instrumental batu dituzte, eta heriotzari, sexuari, deabruari, desertuari edota kosmosari abesteko parada aurkitu dute, melodiarekin stonerraren berezko gogortasuna arinduz.