Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 08an
Argitalpenak
Gure mundu txikitik
Batzuen artean
Elkar
70 orrialde 9,90 + 12 euro CDa
Uholde unibertsaletik gaurko katastrofismora
Juan Ignazio Abrisketa, Joseba Etxeberria
Gaiak
158 orrialde/ 17 euro
Itoiz. Hari xingle bat
Jon Eskisabel
Paper Hotsak
216 orrialde 12 euro
Arteleku
Batzuen artean
Gipuzkoako Foru Aldundia
76 orrialde
Narrazioak eta olerkiak
Batzuen artean
Euskaltzaindia, BBK
124 orrialde 3 euro
Contra la certeza
Jesús Angulo, José Luis Rebordinos
Euskadiko Filmategia
326 orrialde / 22 euro
Labartzari agur
Txillardegi
Elkar
228 orrialde 15,30 euro
Batzuen artean
Elkar
70 orrialde 9,90 + 12 euro CDa
Haurrentzako poemak eta ipuina
Iñaki Martiarena Mattinen marrazkiak lagun dituztela hainbat idazlek irakurle gazteenentzat sortutako olerkiez eta ipuinez osatua dago Gure mundu txikitik. Aurten Igeldon Eskola Txikiek ospatu behar duten festaren karietarat egindako liburua dugu eta, beraz, herri txikiek eta herri txikietako eskolek duten giroa daukate erreferentzi nagusi idazleen lanek. Besteak beste, Juan Kruz Igerabidek Bi inurri, lau inurri, Mirri-marra eta Tilin-tilin, tilin-tin poemak idatzi ditu; Patxi Zubizarretak Mundutxo kontakizuna, Arantxa Iturberen Hamabost egun ohean ipuina; Jesus Mari Olaizola Txilikuk Black Panther kontakizuna eta Joxean Ormazabalen Denboraren gurpilean poema. Liburuarekin batera, izen bereko diskoa plazaratu dute.
Uholde unibertsaletik gaurko katastrofismora
Juan Ignazio Abrisketa, Joseba Etxeberria
Gaiak
158 orrialde/ 17 euro
Klimaren ikuspegi historikoa, mitikoa eta zientifikoa
Mendeetan zehar eta kokagunearen arabera egurats giroa eta eguraldiaren ezaugarrien multzoa nola ikusi izan diren azaltzen du Gaiak argitaletxeak plazaratutako Uholde unibertsaletik gaurko katastrofismora. Klima: historiaren, mitoaren eta zientziaren artean liburuak, klimaren gaineko hainbat historia, mito, gertaera eta interpretazio zientifiko biltzen dituen lanak. Lantzen dituen gaien artean honakoak daude:Antzinatetik Errenazimentura artekoak, filosofo eta ilustratuen klima, XIX. mendea eta Ipar-mendebaldearen nagusitasuna, XX. mendeko klima aldaketak, hala nola klimari buruz ere eman zen Ipar eta Hegoaren arteko leizea; uholdearen logika; klimaren, ekonomiaren eta ideologiaren artean dagoen harremana, eta klimaren historia.
Itoiz. Hari xingle bat
Jon Eskisabel
Paper Hotsak
216 orrialde 12 euro
Itoiz taldearen historia
1974an sortu zen Indar Trabes musika taldetik hasiz 1988an talde bezala musika emanaldirik gehiago ez ematea erabaki zuen Itoiz mitiko haren agur esateko ordura artekoak jasotzen ditu Jon Eskisabalek »taldekideekin eginiko elkarrizketak eta garai bakoitzeko argazkiak lagun» Paper Hotsak argitaletxearen Haria bilduman kaleratutako lan honetan. Nortzuk osatu zuten Indar Trabes, nork lagundu zien taldea osatzerakoan, zein eragozpen gainditu behar izan zituzten, plazaz plaza aritutako garaia, lehen diskoa grabatzeko Itoiz izena hartu zutenekoa, harekin Durangoko Azokan rock disko onenaren saria eskuratu zutenekoa; ondorengo kontzertuak; Itoiz desegin eta Juan Carlos Perezek Ezekiel sortu zuenekoa; Itoiz berriro abiatu zenekoa eta beste hainbat eta hainbat xehetasun jasotzen ditu egileak bertan.
Arteleku
Batzuen artean
Gipuzkoako Foru Aldundia
76 orrialde
Zehar aldizkariaren azkena
Trantsizioa izenburua jartzea erabaki dute Artelekukoek euren Zehar aldizkariko azken zenbakiari, aurerapenaren eta aldaketaren ideia agertu nahian, nahiz jakin badakiten aurrerapena eta aldaketa ezegonkortasunaren iturri direla inoiz, elkarrekintzako prozesu dinamikoak abiarazteko oinarri ere badirela uste dutelako. Horregatik aztertzen dituzte bi trantsizio, Espainiakoa eta Armeniakoa. Eta horrez gain, Belen Gopegui Alferrikakoaren egiaren inguruan elkarrizketatu dute, baita Charles Esche ere Artea, aukera eta demokraziaz, Geert Lovinkek medio berriak, teknologia eta artea ea zorigaitzeko ezkontza ala sintesi perfektua diren argitzen du, Anna Barseghianek «Feminismoa» oraindik hitz gordina den lekua lana plazaratu du, eta Forum atalean Copyrighta eta museoen etorkizun digitala eta Creative Commons lizentziak dituzte hizpide.
Narrazioak eta olerkiak
Batzuen artean
Euskaltzaindia, BBK
124 orrialde 3 euro
Resurrección Maria Azkue lehiaketako sariak
Urtero bezala, Euskaltzaindiak eta Bilbao Bizkaia Kutxa Fundazioak plazaratu dute euskal eskola umeak literaturgintzara bultzatzea helburu duen Resurrección Maria Azkue literatur lehiaketako sariak jaso dituzten lanen bilduma. Besteak beste, narrazioei dagokienez lehen saria bereganatutako 13 urteko Enma Aresteguiren Hazparne; bigarren saria eskuratutako 13 urteko Laida Zabalaren Denboran barrena; lehen saria eskuratutako 17 urteko David Fernández-Rodríguezen Triste nago, eta bigarren saria eskuratutako 15 urteko Garazi Ansa Arbelaitzen Askatasunak larrosa usaina du, baina.... Olerkiei dagokienez, berriz, lehen saria 15 urteko Miren Estibaliz Vivancoren Engoitik Ithakan da.
Contra la certeza
Jesús Angulo, José Luis Rebordinos
Euskadiko Filmategia
326 orrialde / 22 euro
Julio Medemen zineaz Angulok eta Rebordinok osatutako lana
Jesús Angulo eta José Luis Rebordinosen artean Julio Medemen zinemaz idatzitako lan hau Euskadiko Filmategiaren eta Huescako Zinemaldiaren artean argitaratua izan da. Bertan, La pelota vasca. La piel contra la piedra filma zela-eta halako erasoak jaso behar izan zituen zine zuzendari honen lana filmaz filma aztertzeaz batera, Julio Medemi bere lana aurrera eramateko garaian zein behin hura plazaratu ondoren bizitzea egokitu zaizkionak ere jasotzen dira, Julio Medem beraren ikuspegitik gainera.
Labartzari agur
Txillardegi
Elkar
228 orrialde 15,30 euro
Hamazazpi urtez preso egondako baten geroa
Zer senti dezake Espainiako hainbat kartzeletan urte luzez preso egondako ETAko partaide batek espetxetik atera eta bere sorterrira itzultzen denean? Horixe da Jose Luis Alvarez Enparantza Txillardegik azkeneko eleberrian jorratzen duen gaia. Berrogeita hamar urte ditu Antton Ihartzegaraik hori gertatzean. Hamazazpi urte egon da barruan, eta bitarte horretan gurasoak ez ezik, jaio zen baserria ere galdu du. Bestalde, egundoko aldaketak sumatzen ditu herrian, bai paisaiari dagokionez, bai egoera politikoan ere, kartzelan prestatu zuen bidaia kontra-kronologikoa egiterakoan.«Politikeria» deritzaion asko ikusten du inguruan, eta nolabait lekurik gabe aurkitzen da gizona. Lagunek esaten diote kulturara edo politikara lotu behar dela orain, dagoeneko ez dauzkala ez osasuna ez urteak komando bateko kide izateko. Anttonek, ordea, Euskal Herriaren independentzia lortu nahi luke, eta horretarako borroka armatua derrigor ikusten du, berak egin ala ez. Negozioazioaren bidea komeniko da, dio, baina ezpatarik gabeko naziorik ez da inoiz sortu, eta Euskal Herria sortzeko ere ezpata beharrezkoa da. Azkenean, etsirik, denei agur esan eta badoa Labartzatik, bakarrik bizitzera.
Irakurrienak
Matomo erabiliz
#1
Jonathan Cook
#2
Mikel Garcia Idiakez
#3
Xabier Letona Biteri
#4
#5
Euskal Irratiak
#6
Palestinarekiko Erantzukizuna Plataforma
Azkenak
2024-05-12
Urko Apaolaza Avila
Koopfabrika
Kooperatiba eraldatzaileen harrobia
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
2024-05-12
Nerea Menor
Ghayath Almadhoun
"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
2024-05-12
Estitxu Eizagirre
Amillubiren festa maiatzaren 11n
Lurra taupaka hasiko da
Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]
2024-05-12
Amets Aranguren Arrieta
Pastoral bat Iruñearendako
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
2024-05-12
Urko Apaolaza Avila
'Ekonomia eraldatzailea(k)' liburua
Ekonomiaren adjektibo guztiak
10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]
Eguneraketa berriak daude