Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
Ezpalak
Zinemaren kimu berriak
Film laburretan uzta oparoa du Euskal Herriak. Horren adibide dira azken urteetan zinemagile andanak bere laburrekin jasotako sariak. 1998tik euskal zinemagileen laburrak sustatzeko plataforma da Eusko Jaurlaritzako Kultura Sailak sortutako Kimuak programa. Aurtengoan zazpi film labur aukeratu dituzte, denak gaztelaniazkoak: iazko Oscar sarietarako hautagai izandako Nacho Vigalondoren Choque, Borja Kobeagaren Éramos pocos, Isabel Hergueraren La gallina ciega, Igor Legarreta eta Emilio Pérezen El Gran Zambini, Luiso Berdejo eta Jorge C. Doradoren La Guerra, Ugo Sanzen Los ojos de Alicia eta Joxe Mari Goenagaren Sintonía. Kultura Sailak mundu osoko 400 zinema jaialditara helaraziko du zazpi laburren katalogoa, lanok zabaltzeko eta kimu berriak sor daitezen.
Euskal literaturaren atari eleanitza
basqueliterature.com webgunea sortu du Euskal Itzultzaile, Zuzentzaile eta Interpreteen Elkarteak (EIZIE). Marijose Olaziregi EHUko irakaslea da atariko zuzendaria. Batez ere kanpoko ikasle, irakasle, ikertzaile nahiz irakurleek erabiltzea dute xede, euskal literatura ezagutu dezaten. Horregatik euskaraz, gaztelaniaz, frantsesez eta ingelesez paratu dituzte atariko edukiak. Besteak beste, bertan topa daitezke euskal literaturaren historia, euskal liburugintzari buruzko informazioa, idazleen eta beren liburuen berri, albisteen atala, komunikabide eta erakundeen loturak... Oraindik ez daude atal guztiak osatuta, baina pixkanaka edukiak gehituko dizkiote.
Malabaristen bilkura Bilbon
zirkuko arteak bilbotarrengana hurbiltzea eta Bilbo kultura hiri gisa bultzatzea ditu asmo hilaren 11 bitartean Bilbon egingo diren Malabarista eta Zirku Artisten Topaketak. Bilboko Koblakari malabarista elkarteak laugarren urtez antolatu ditu topaketak. Ekitalde andana izango da: ikastaroak, kale antzerkia, zinema zikloa... Ekitaldi berezienak hilaren 10ean Aiala antzokian egingo duten gala eta 11n Errekalde plazan egingo dituzten olinpiadak dira. 8.000 parte hartzaile espero dituzte. tartean, Kapikua, Mr Frack, Hegan...
Prentsako argazki onenak Gasteizen
Abenduaren amaierara arte argazki kazetaritzari begirada eskainiko diote Gasteizko Montehermoso kultura zentroan. World Press Photo nazioarteko lehiaketan nabarmendutako 220 argazki paratu dituzte Periskopioa: Argazki kazetaritzari begirada erakusketan. Erakusketaren baitan, bertako Jon Barandika, Javier Mingueza, Pradip J. Phanse eta Rafael Rivas argazkilarien lanekin osatutako atala jarri dute. Erakusketaren osagarri, Juan Madina eta Isabel Muñozek hitzaldi-tailerrak eskainiko dituzte.
Aktoreak trebatzeko jardunaldiak
Hausnarketa Jardunaldiak egingo ditu Espainiako Aktore Sindikatuen Elkarteak -bertako kide da Euskal Aktoreen Batasuna- Donostian, hilaren 12 eta 13an. Hiru ardatz izango dituzte: formazioa, aktoreen entrenamendua eta publikoa. Hiru gai horien egungo egoera eta etorkizunaz hitz egiteko, aditu ugari izango da Lugaritz kultur etxeko Imanol Larzabal antzokian. Besteak beste, Algis Arlauskas, Ander Lipus, José Carlos Plaza, Eneko Olasgasti, Carlos Gil... Non dauden eta nora heldu nahi duten hausnartzeko.
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
2024-04-30
ARGIA
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude