Asko kosta ei da EAJk joan den larunbatean aurkeztu zuen agiria adostea eta El Paisek joan den igandeko edizioan zioenez, Joseba Egibarren sektoreak ez zuen beharrezko ikusten agiri hau eta euren ustez, 2004an alderdiak onartutako ildo politikoan argi daude garai honek behar dituen irizpideak. Ondoren, testu alternatiboaren saioa egin zuten eta, azkenik, sektore ofizialak proposatutako idazkiari zuzenketak egitea onartu zuten. Garako kazetari Iñaki Iriondok idatzi duenez, halaber, agiri honek jarraitu duen ibilbidea oso korapilatsua izan da.