Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
ostirala 2024ko apirilaren 26an
Argitalpenak
Zazpigarrena eta azkena
Patxi Zubizarreta, Jokin Mitxelena
Elkar
44 orrialde 6,95 euro
Quimera de alas ardientes
Jordán Estevan
Kutxa Fundazioa
38 orrialde 3,60 euro
Guía montañera Aneto
David Atela Romero
Sua
272 orrialde 20 euro
Zehar
Batzuen artean
Gipuzkoako Foru Aldundia
72 orrialde
Piraten eskola
Agustín Fernández Paz
Giltza
159 orrialde 6,30 euro
Zertan ari naiz?
Liesbet Slegers
Ibaizabal
24 or./ 6,50 euro
Griot
Jon Arretxe
Elkar
160 orrialde 12,20 euro
Patxi Zubizarreta, Jokin Mitxelena
Elkar
44 orrialde 6,95 euro
Sultan txakurra eta amonaren katua
Liburu Gaztea saria eskuratu berria duen Patxi Zubizarretak sortu eta Jokin Mitxelenak marraztutako istorio honetako protagonista Sultan da, aldameneko etxean bizi den amonaren katua akabatzeko amorratzen dagoen txakurra. Izan ere, mundu guztiak maite du katu madarikatu hori, eta Sultanek ezin dio zaunkarik txikiena ere egin etxekoen errietarik jaso gabe. Tripak koleran dago txakurra, katuek zazpi bizitza baino ez dituztela etengabe gogoratzen, eta amonarenak istripuren bat duen bakoitzean behar bezala ospatzen, egokierarako asmatutako kantua eta guzti. Beti onik atera ohi da katua, bai, baina noizbait suertea amaitu behar zaio... Eta azkenean, katu hori hilko da, baina orduan ere ez dira gauzak Sultanek uste bezala joango.
Quimera de alas ardientes
Jordán Estevan
Kutxa Fundazioa
38 orrialde 3,60 euro
2005eko Donostia Hiriko Kutxa Ipuin saria eskuratutako lana
Jordán Antonio Ramírez Guanajuato mexikarrak, Jordán Estevan ezizenarekin bere lanak izenpetzen dituen idazleak, irabazi zuen 2005eko Donostia Hiriko Kutxa Ipuin saria Quimera de alas ardientes kontakizunarekin. Bertan, hamabost urterekin bere bizitzako gizona ezagututako emakume baten ahotsez jakingo du irakurleak harreman liluratzaile bezain izugarri horren berri, hogei urte beranduago eta dagoeneko gizona zerraldo dela. Sexu kontuetan maisu zen hildakoa, bere laztanekin edozein emakume guztiz txoratzen zekiena, baina baita emakume horien maitasuna beste gizonei salduz ederki aberastutakoa ere. Berrogei urte zituenean ezagutu zuen narratzailea, bere maitaleetako baten alaba.
Guía montañera Aneto
David Atela Romero
Sua
272 orrialde 20 euro
Aneto inguruan egiteko 150 ibilbide
David Atela Romero geologoak osatutako mendi gida honetan Benasque eta Pont de Suert, Vielhako tunela eta Luchon Pirinio aldean egin daitezken 150 ibilaldi zehatzak eskaintzen dira. Mendi garaian ibiltzeak zailtasunak dituenez, ibilaldi guztietan argi azpimarratuta dago bakoitzari dagokion zailtasun maila. Bada gidan zer aukeraturik. Maladeta, Ballibierna, Castanesa eta Turbon mazizoetako 70 gailur garrantzitsuenetara igotzeko 120 era azaltzen ditu; batzuk ohizko bideetatik abiatuz egitekoak, eta beste asko eskalada ez oso zailak aurrera eramateko zeharo aproposak. Eta horiei gehitu behar zaizkie mendigoizaleei begira David Atela Romerok proposatzen dituen ibilaldi samurragoak, hiru orduz-edo patxadan mendian ibiliz egin daitezkeen horietakoak.
Zehar
Batzuen artean
Gipuzkoako Foru Aldundia
72 orrialde
Sedukzioak eta hausturak
Horrela deritzo Arteleku-k plazaratzen duen Zehar aldizkariaren azken zenbakiak, Sedukzioak eta hausturak, eta hain zuzen ere gai horri eskaini diote editoriala. Bestalde, jorratu dituzten gaien artean Miren Erasok Ulrike Ottinger zinema zuzendariari Berlinen egin zion elkarrizketa, Ion Munduatek Iberiar penintsulan zehar kotxez egindako bidaiaren ondorioz sortutako bideo-instalazioari eta performanceari buruzkoa, Mariaus Babias-en Subjektu produkzioa eta praktika artistiko-politikoa, Hito Steyerlen November filmaren gainean Susana Blasek idatzitako lana, Arturo Rodríguez Bornaetxearen Turismoa paradisura, eta Terre Thaemlitzek egungo audio produkzioren ikuspegi ekonomikoa eskainiz osatutako iPod bortxatzen ari da neure herria bortxatu zuten bortxatzaileak daude.
Piraten eskola
Agustín Fernández Paz
Giltza
159 orrialde 6,30 euro
Eskola txalupa bihurtu zenekoa
Edebé haur literatura saria eskuratu zuen Agustín Fernández Pazen Piraten eskolan, behin uholdeak berarekin eraman zuen Galiziako eskola bateko haurrak eta irakasleak ditugu protagonista. Euria etengabe ari zuen aspalditik, eta hasieran inork ez bazion garrantzirik eman ere, azkenean jendea komentatzen hasi zen ea kotxea saldu eta txalupa erosi beharrean ez ote ziren izango. Gaitzerdi, haurren eskola herriaren goiko aldean zegoela, behintzat umeak ez ziren itota hilko. Hori uste zuten denek, baina goiz batez neska-mutikoak aurpegia kristalei itsatsita zaparradari begira zeudela, burrunba bat entzun zen eta eskolak txalupa gisa mugitzeari ekin zion, barruan zituen guztiak garraiatuz.
Zertan ari naiz?
Liesbet Slegers
Ibaizabal
24 or./ 6,50 euro
Haurtxoa bere burua garbitzen, janzten, gosaltzen, jolasten...
Hemezortzi hilabetetik aurrerako haurrei zuzendutako Kepa bilduman aurki daitekeen Zertan ari naiz? liburuxka ireki eta eskuzorro gorri bat eta iturritik erortzen ari den ur pila ikusiko ditu umeak. Zertan ari ote da? Orrialdeari bira eman eta han izango du erantzuna: bainua hartzen! Jarraian, jertse berde bat eta praka gorriak ikusiko ditu, janzten ari den seinale. Gero ile labur-laburrak dituen eskuila agertuko zaio, ilea orrazten ari dela jakin dezan. Eta hurrena gosaria eta jolasak datoz.
Griot
Jon Arretxe
Elkar
160 orrialde 12,20 euro
Jon Arretxek ezagututako Burkina Fasoko jendea
Afrika beltzera itzuli zen Jon Arretxe bere bizikletarekin, eta bidaian zehar aurkitutako pertsonen jarrerak, aurpegiak, irriak, abegikortasuna edo etorkizunarekiko itxaropen eza jasotzen ahalegindu da bere azken liburuan. Grioten, aurreko bidaien kronika diren Tubabu, Tuparen seme-alabak edota Ekialdeko mamuak lanetan ez bezala, egilearekin harremana izan zuten gizon, emakume, haur eta zaharrek hartzen dute protagonismo osoa, nork bere bizikizun eta sentimenduak azalduz. Jon Arretxek aitortzen duenez, Afrikako bizimodutik gehien erakartzen duena da hango herritarrek nolako patxadaz jokatzen duten bizitzan, zenbat denbora ematen duten berriketan lasai, tea dastatu bitartean, nahiz eta «zoritxarrekoak» izan Mendebaldekoon ikuspegitik, xentimorik ez dutelako poltsikoan. Mundua oso arin aldatzen ari bada ere, Afrika Beltza bezalako lekuetan pixka bat astiroago gertatzen ari omen da hori, eta oraindik bisitariekiko abegi onak bere horretan jarraitzen du. Hangoen jarrera horrek harritu egin zuen Grioten egilea, kontuan harturik azken urteotan zenbat afrikar hil diren Mendebalera ailegatzeko ahaleginetan eta zein harrera eskasa egiten diegun.
Irakurrienak
Matomo erabiliz
#1
Ahoztar Zelaieta
#2
Jenofa Berhokoirigoin
#3
Miel Anjel Elustondo
#4
Xabier Letona Biteri
#5
Jenofa Berhokoirigoin
Azkenak
2024-04-28
Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
2024-04-28
Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
2024-04-28
Axier Lopez
Dronea, munduko botere harreman desorekatuen ikur eta eragile
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
2024-04-28
Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
2024-04-28
Urko Apaolaza Avila
Migrazio eta Asilo ituna: Europaren legatu kolonialista denon begien bistan
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Eguneraketa berriak daude