Hitzak eta ekintzak
Baina hitzak hitz, ekintzak ez dira berez etorriko. Bidea egin beharko zaie eta horretan asmatu beharra dago.
Epea ere finkatuta dagoela dirudi. Denak dira 2007ko hauteskundeei beha, adierazpen publikoez aparte, hizketaldi pribatuetan. Ordurako, etorkizun propioari buruzko erabakia euskal gizarteari dagokiola aitortu beharko da, modu sinesgarrian, nola edo hala, azken hamarkadetako korapilo odoltsua bide demokratikora eraman nahi bada. Ibilbide horretan, ezker abertzaleak estrategia politiko-militarretik garai berrietarako egokitzapen saihestezin eta atzeraezinerako eraldaketa azkarra egin beharko du. Zapaterok eta bere alderdiak garaipen militarraren kontzeptutik konponketarako ibilbidea barneratu beharko du. Ez luke gutxietsi behar konpontzailearen redito politikoa, Espainiako gizartean gaur egun garaipen militarraz haratago beste ezer ez dela onartzen ematen badu ere. Ibarretxeri dagokionez, bere sagar guztiak planaren otzara bakarrean jarri beharrean estatutu berriaren eztabaidaren aurretiko adostasunerako proposamenak landu eta eskaini beharko ditu.
Eta prozesu hori garatu bidean, eta ondoren, mapa politikoa nabarmenki aldatuz joango dela aurreikus daiteke. Batez ere esparru abertzalean alderdien oinarri soziologokoak eta hauteslegoarenak berreratu daitezke, jeltzaleen aukeraren alboan soberanismoaren haritik agian ezker abertzale zabal bat egongo da, nukleo zabalenarekin batera gaurko EAtik Zutik-era artekoa, betidaniko fragmentazioa gaindituta gehiengoen ardurak gidatzera deitua, agertoki politikoan aldaketa nagusien motore eragingarri bihur daitekeena.
Alderdi sozialistari dagokionean, bere esku dago PSCk Katalunian bezala proiektu propioa landu euskal nazioa osatzen duen euskal gizartearentzat, ala PSOEren sukurtsal gisa historikoki egin duen bezala jarraitu. Horien baitan izango delakoa daukat aldagaien joko nagusia, koiunturak koiuntura, eta beste alderdi batzuek horien arabera joka dezaketen paperaz landa.
Ez dakit aldaketa hauen guztien sorburua izan daitekeen hori hasteko atarian gauden ala hasita dagoen. Agian EHAK arrakastatsua aurkeztu ahal izana Zapaterok bere borondate eta asmo onaren adierazle unilateral gisa aurkezten du, keinuz haratago neurri benetan eragile gisa, eta hala izan dela aitortu beharko zaio. Agian horren truke urrats unilaterala eskatuko dio beste parteari ere, era berean eraldatzailea bihur dadin agertoki politikoan.
Urrats horiek berresten diren artean edo beste batzuk azaleratzen, Ibarretxek bere gobernu-taldea osatu beharko du, lau urtekoa baino legegintzaldi laburragorako, aitortu bezala, eta ezker abertzalearen aurkako betorik gabe oraingoan. Alegia, legebiltzarrean adostasunak lantzerako orduan ez dela eragozpenik izango, lege proiektu sektorialak zein beste, EHAKrekin agerian kontatzeko. Politika domestikoko gaia bada ere, ez da gutxiestekoa azken aukera hau, Legebiltzarra abian jarri bezain laster ziurrenik ikusteko aukera izango dugun bezala.
Berrehun lagun hurbildu dira Baztango Osasun Plataformak deituriko elkarretaratzera eta bizikleta martxara.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
Laboral Kutxa Katedrak eta Nafarroako Unibertsitate Publikoak (NUP) antolatu dute Arte eta Zientziaren I. lehiaketa (webgunea euskaraz ere badago, baina oso trakets). Artea, zientzia eta pentsamendu kritikoa uztartzen dituzten proiektuak nahi zituzten, eta zenbait aurkeztu... [+]
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
