Aralarrek jadanik aurkeztu ditu EAEko autonomi hauteskundeetarako zerrendaburuak: Aintzane Ezenarro Gipuzkoako Batzar nagusietako kidea izango da Gipuzkoako zerrendaburua; Bizkaikoa Joseba Azkarraga, Mondragon Unibertsitateko HUHEZI fakultateko irakaslea; eta Arabakoa Iñaki Aldekoa, ezker abertzaleko buruzagi historikoa. Txentxo Jimenez da, bestalde, Nafarroako Aralarreko koordinatzaile lanetan Fernando Atxa ordezkatu duena.

Rafael Gurrea UPNko lehendakariordeak gogor jarraitzen du alderdiaren antolaketa arazoen kritikekin. Duela hilabete eta erdi Konstseilu Politikoan bere proposamenek jaso zuten ezezko borobilari muzin eginez, UPNk antolaketa arazo handiekin jarraitzen duela dio, eta horrek 2007ko foru hauteskundeetan ondorioak eragin ditzakeela. Bere ustez, alderdiaren lidergoa pertsonalistegia da eta berau eta zuzendaritzaren arteko zanga handitzen ari da.