Urrixaren pentsamendua


2007ko otsailaren 21an

Txapa-txapa, pago-gerria eta kopetekoa adarrei hedetuta dituela ultzez ultze plazari biraka ari da idi-parea. Uztartutako bikote denetan bezala, idi parearen adarretara egokitu behar da uztarria, lan batzuetarako luzexeagoa komeni, parea libreago uzteko, eta beste kontu batzuetarako tarte motza, indarra pauso berean egiteko. Uztargileei hamaika aldiz entzuna dieguna: "adar baldarrakiko idiak ondo uztartzeak lan dik"! Hurritz-makila astinduz jarduten dute itzainek orain aida gero uooo... Harriaren astuna mila eta ehun kilotan sartutako idi-parearen mami gutxiko hezur-azaletan, eta mingaina agerian dutenean akuiluaren gehienezko hamaika milimetroko eztena areago sartzen. Pedagogia berria erein beharko da, era zaharrera idiak atleta bihurtu nahiak setatutako entrenatzaileen artean. Baina hortik urrutitxo gaude: gaur egunean, edozeinek ez du jakiten idia bezala urrixa mataderian non utzi. Horrek zer pentsatua zor dio plazara lanera bezala hiltzera eraman behar duenari, unibertsitatean baserritartutakoa izanagatik ere.
Pentsatuz gero, ondoriotara iristeko ez du bide zaila, pentsamenduak loretan dauden garai honetan. Pentsamenduak dira neguko lore fin baina egoskorrenak. Kolore denetako pentsamenduak daude, ideologiak koloregabetzen, bizimoduak kolorebakantzen eta iraunmoduak kolorebakartzen ari diren arren. Pentsamenduak barra-barra ikusiko dituzu udaletxe-aurreetako lorategien betegarri, ez espero, ordea, barruan ugaritzerik. Onddoetatik babestuz gero, pentsamenduek negu osoa iraungo dute, ekaitzik gogorrenari eutsiz, eta izotzari burlaka. Bakoitzak zaindu dezala, negu osoa irauten dion eta neguz-negu udaberri batzuk galarazi dizkion pentsamendua.
Urrixa gajoari, lorez lepo dauden pentsamenduen artean egonagatik, mataderiko atean negu osoa ez pasatzea besterik ezin zaio opa.


Azkenak
2024-05-24 | Antxeta Irratia
"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude