Babarrun gorri zopa


Osagaiak:

Litro erdia babarrun gorri, egina (sobratutakoak)
Litro erdia haragi-salda
125 gramo gurin
Baso bete esnegain urtu
Gatza

Babarrunak salda eta esnegainarekin nahasi eta irakinaldi bat emango diegu ondoren. Irakindako gai guztiak irabiagailuan sartu eta indar betean txikituko ditugu bertan. Irabio-minutu batzuen buruan, gurin hotza erantsiko dugu, dadotan moztuta, eta iragazki batez iragaziko dugu zopa kazola edo zopa-ontzi batera. Mikrouhinetan beroaldi bat emango diogu zopari, berotasuna galdu badu, eta zerbitzatu egingo dugu, gatz puntua probatu eta, behar izanez gero, zuzendu eta gero.
Babarrunak urdekiekin apailatu baditugu, urdeki horien egoste salda erabili ahal izango dugu haragi-saldaren ordez.

Kanela nola erabili

Kanela ongailu kartsua da, lurrin azkarrekoa. Gero iragazkitik pasatu behar dugun zerbait prestatzeko baldin bada »edariak, infusioak, kremak, arrautza-esnea, zopa, edo saltsak prestatzeko», hobe da osorik jarri beharrean, eskuekin haustea, ezpaletan puskatzea eta gero borborka ari den likidoari botatzea. Horrela lurrin-eztanda indartsuagoa da eta hobeki baliatzen gara ongailuaz. Bainila bezalaxe »hamaika aldiz esango dugu», behin baino gehiagotan erabil dezakegu kanela. Lehortu eta erabili, adibidez, "kanela-azukrea" egiteko.Arroz-esnea egiten dugunean, orduan bai, osorik jarriko dugu kanela, gero iragazkirik erabili behar ez dugulako.Ongailu guztiak bezala, kanela ontzi hermetiko batean gorde behar da, bere olio naturalak eta usaina gal ez ditzan.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude