Fernando Savater filosofoak eta Ermuko Foroko kideak elkarrizketa eskaini zion "A Nosa Terra" Galiziako astekariari eta bertan, urriko lehen astean, aitortzen duenez, ulertzen du nazionalismo galiziarra, euskal edo katalan nazionalismoak ez bezala: "Ados nago galiziar nazionalismoa izateaz, pobreen nazionalismoa delako. Katalan eta euskal nazionalismoetatik jasan ezina zera da, aberatsena dela eta gainerakoak baztertzeko". Elkarrizketa berean azken 12 urtetan EAEtik 200.000 pertsonek alde egin dutela berresten du, baina oraingoan beste ondorio batzuk ere ateratzen ditu: horrexegatik jarraitzen dute gobernatzen oraindik nazionalistek. Lore ugari jaurtitzen ditu elkarrizketan eta horietako bat Javier Madrazo Ezker Batuko koordinatzaileari: "Ibarretxeren morroia da. Gainera, Arzalluz moduan, apaiz bat da".

Manuel Huertas PSE-EEko kideak "Gara"n egindako elkarrizketan: «Esaten dute hemen izaera politikoa duen arazo bat dagoela eta biolentzia ere horrexegatik dagoela. Nire ikuspuntutik, beraz, horrexegatik biolentzia justifikatzen ari dira».