Hiazinto jostalariaren etzalekua


2007ko otsailaren 21an
Inorkinetarako irak mozteko bezala, erraboilen sasoia da iraila. Idi-bihotzak, nartzisoak, hiazintoak, Crocus generoko azafraiaren lehengusu eta bestengusuak eta udaberrian loratuko diren landareen erraboilak eskuratu eta landatzeko garai aproposena da. Garaian garaikoa garaiz landatuz gero neguaren zuriena etortzerako sustraiak ondo hedatuta eta iraupenerako ederki egokituta izango da erraboila. Neguaren amaian eguna luzatu eta giroa hotziltzen hasten denean erraboila hauen barrunbeetatik garatzen diren gara muturretako eztandak udaberriaren ortzadarra destolesten du. Koloreena bilakatu da batik bat eztanda, baina erraboila gutxi batzuek usain gozo sarkorren altxorra ere gorde dute geure pituitarioen zirraragarri. Hiazintoa kasu (Hyacinthus sp.).

Mito ederra eho zioten grekoek gizajoari: Apolo jainko ahalguztidunak ohaide hartua omen zuen Hiazinto atleta gaztea diskoboloarekin jolasean larri zauritu zen eta hark hilezkortasuna eman nahian honen odol ttanttak lore bihurtu zituen. Loreen hizkuntzan jolasa eta kirola adierazten ditu Hiazintoak eta bien etzalekuan jariatutakoen onenen usaina gorde du betirako, geure barrunbetako udaberriroko iraultzaile. Lurringintzan erruz erabilia da lore dotore hau.

Turkia eta Libano exotikoetatik datorren hiazintoaren erraboilaren barruan landare osoa dago ezkutatuta, hostoak, zortena eta lorea. Lurrean landatu ordez urez betetako ontzi batean juxtu honen gainean jarriz gero ikuskizun ederra izango duzu, sustraiak luzatzen, hostoak zabaltzen gara-zortena garatzen, loreak zabaltzen... eta usaina etxe osoan barreiatzen. Usain gozo sarkorra askok ez dute atsegin... etzalekukoa, bai da...


Azkenak
2024-05-24 | Antxeta Irratia
"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude