EZPALAK


2003ko maiatzaren 18an

Musikene, Jazz Mintegiko zuzendari

Musikene Euskal Herriko Musikako Goi Mailako Zentroak eta Zarauzko Udalak hitzarmena sinatu dute. Horren arabera, Musikene arduratuko da Zarauzko Nazioarteko Jazz Mintegiaren IV. edizioko zuzendaritza pedagogikoaz. Iñaki Salvador, Musikeneko Jazz departamenduko burua, izango da uztailaren 28tik abuztuaren 2ra egingo den Mintegiaren zuzendari pedagogikoa. Eta Musikenek aukeratuko ditu ikastaroak emango dituzten irakasleak eta egutegia atonduko du. Orain artean Kataluniatik etorritako irakasleek antolatzen zituzten Mintegiaren eduki pedagogikoak.


Nafar Pirinioetako argazki ondarea

Txuri beltzean elkarteak Nafar Pirinioetako argazki ondarea zabaltzeko liburu bilduma bat martxan jarri du. Lehen bi aleak kalean dira dagoeneko. Lehenengoan, Erronkari bailarako argazki zaharrak bildu dira; bigarrenean, Zaraitzukoak. Guztira, bi liburuetan 584 argazki bildu dira, eta horietan izen eta abizenez 4.110 pertsona identifikatzea lortu dute egileek. Argazki gehienak 1960. urtea baino lehenagokoak dira. Etxez etxe bildu dituzte argazkiak, ondoren ordenean jarri eta dokumentatzioa biltzeko. Fernando Hualde Gallegok idatzi ditu liburu hauen testuak eta argazki bilketan ere parte hartu du. Liburuak salgai dira dagoeneko, 20 euroko salneurrian.


Marrazkigileen bilduma

Euskal Herriari buruz zenbait marrazkigilek eginiko lanak biltzen ditu Bilboko Udaleko kultura sailak plazaratu berri duen «Euskadi, viñeta a viñeta» izeneko liburuak. Lanak orain bi urte Bidebarrieta liburutegian egin zen erakusketan paratu ziren ilustrazioak biltzen ditu. Guztira, 18 marrazkigileen lanak jaso dira bertan. Besteak beste, Mattin, Forges, Olmo, Máximo, Zulet, Egillor, Gallego y Rey edota Idigoras y Pachirenak ikus daitezke.


Zirkua Miarritzeko eszenatokietan

Maiatzaren 28tik 31ra malabaristak, trapezistak, akrobatak... eta zirkuko beste partaideak izango dira Miarritzen egingo den ‘On s’appelle, on s’fait un cirque! ekitaldiko protagonistak. Izan ere, egun horietan zehar Gare du Midin, Udal Kasinoan eta Koliseoan sei konpainiek euren ikuskizunak eskainiko dituzte: Cirque Baroque, Cirque Eloize, SeN»S CacHé, Chant de Balles, Mauvais Espirits eta 111 taldeek, hain zuzen. Eta horrez gain, Filiflot taldea ibiliko da hiriko kaleetan.


Makrokontzertua

Ez dira gutxi Euskal Herrian astero egiten diren kontzertuak. Baina uztailaren 4an eta 5ean Bilbon egingo dena Makrojaialdia izango da. Urtean zehar Europan zehar egiten diren horien estilora: kontzertuak eskaintzeko bi eszenatoki, bi barra eta azokatxoarekin. Baina akanpatzeko aukerarik gabe; izan ere, Bilbon egingo da, Zorrozaurre-Deustuko parkean. Dagoeneko 29 talderen emankizunak lotuta daude. Danzing, Arthur Lee and Love, Zen Guerrilla edo Sick Of It All bezalako atzerritarrak. Eta bertakoen artean, Señor No edo Nuevo Catecismo Catolico bezalakoak daude. Helburua urtero egitea da eta bertan ohiko ekoizpen eta banaketa sareetatik kanpo dauden taldeak biltzea.


Isiltasuna autoreen elkartean.

Iaz hainbat komunikabidek eginiko salaketen ondorioz, Soziedad Alkoholika Gasteizko taldearen hainbat kontzertu bertan behera geratu ziren. Oraingoan, Terrorismoaren Biktimen Elkarteak bidalitako gutun baten ondorioz, lau kontzertu bertan behera utzi behar izan ditu. Su Ta Gar taldeari berdina gertatu zaio Euskal Herritik kanpo antolatuak zituen beste bi emanaldiekin. SAk dioenez, diru galera handia izan da. Eta eurei buruz informatu duten komunikabideek informazioa egiaztatzeko ez dietela deitu diote. Horrez gain, Espainiako Autoreen Elkarteak ez duela gai honen inguruan inolako adierazpenik egin esan dute taldekoek. SA-k hamalau urte daramatza SGAEko kide gisa, dirua ordaintzen.


Zirkua Miarritzeko eszenatokietan

Ez da Maiatza Dantzan. Eta ez du izan nahi. Baina maiatzean zehar dantzari eskainitako egitarau zabala prestatu dute Gipuzkoako Foru Aldundiak eta Donostiako Udalak Biarritzeko Baletarekin elkarlanean. Hainbat emanaldiz gain, maiatzaren 15etik 25era hitzaldiak eta tailerrak egingo dira. Hilaren 19an Biarritzeko Baletak «Creation» koreografiaren entsegua egingo du jendaurrean. Eta 25ean, 16 urtetik 20ra bitarteko 8 ikasle aukeratzeko entzunaldi bat egingo da. Hauek uztailaren 21etik aurrera Malandainen «Rikalda» koreografia landuko dute.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude