JOXEMARI ITURRALDE: "KALE GIRO ASKO AURKI DAITEKE RISKYREN LIBURUETAN"


2007ko otsailaren 21an
Hogei urte baditu Riskyk, ezta?
Ez, Riskyk hamar urte izaten jarraitzen du. Hori da literaturaren mirarietako bat, urteak igaro eta igaro, hogei urte pasa, eta Risky oraingoan ere beti bezain fresko azaltzen zaigula, denbora gelditu izan baldin balitz bezala. Mattin marrazkilariak oso ondo asmatu du freskotasun hori harrapatzen.

Zure haur garaiak islatzen al dituzu istorio hauetan?
Beno, kontakizunetan ere ez dirudi denbora pasa denik. Izan ere, gaur egun gazte eta haur literatur mota asko daude, baina ni hasieratik saiatu naiz horietako bat egiten: liburuotan ez du irakurleak aurkituko telebistarik, ez e-mailik, ezta telebista edo ordenagailuaren aurrean orduak eta orduak pasatzen dituzten ume horiek ere. Alde horretatik pixka bat atenporalak dira. Ez dut esango Risky eta bere lagunak nire garaiko haurrak direnik, baina nolabait badira. Kale giro asko aurki daiteke Riskyren liburuetan, garai batean umeak kalera ateratzen zirelako jolastera; plaza zen, natura zen, mendia zen beren bizilekua eta jolas-tokia, eta horixe agertzen da nire liburuotan. Ezaugarri hori du nire Risky horrek, eta alde horretatik ez da gaur egungoa, zeren gaur egungo gazteen bizimodua nahiko aspergarria da: etxe barruan daude astean zehar, eta aste bukaeretan ere bai, telebista edo ordenagailuaren aurrean.

Nola azalduko zenuke zure liburuotako giroa?
Zoritxarrez galtzear edo galdu den giro bat bezala. Herri txikietan oraindik bizi dute, baina hiri handietan ez. Eta nik hori sartu dut, gaurko gazteek ikus dezaten badagoela beste bizitzeko modu bat, ez dela dena etxe zuloan sartuta egotea.


Azkenak
Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


Dozenaka senideko familia ugari desagerrarazi dituzte sionistek

Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.


Israelgo Kan irrati publikoaren informazioa
Israelek “zehaztasun handiz” ezagutzen zuen Hamasen plana urriaren 7a baino hiru aste lehenago

Erasoa baino hiru aste lehenago banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.


“Bilboko eskola-inguru asko kutsaduraz eta zarataz betetako eremuak dira”

Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]


Eguneraketa berriak daude