Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2025eko ekainaren 25ean
"BERBEREAK HARRITUTA DAUDE MARATOILARI ATERA NAIZELAKO"
- Marokon denbora gelditu egiten omen delako, hemen ikasi zuen korrika bizitzen nomadak. Bere-berea du umorea Zianik. Beti bezala heldu dio gaurko maratoiari, berotu artean pixkanaka hasi eta ondoren kontakizunen erritmoari eutsiz. Baina beti pentsatzen du hotz, gorputzak engainatu egiten du eta.«Berbereak harrituta daude maratoilari atera naizelako»Urte asko daramatzazu Orion. Nola iritsi zineten Euskal Herrira, Kamel Ziani, zu, eta zure familia osoa?
Zure babesik gabe independetzia ezinezkoa zaigu
Bi urterekin etorri nintzen. Nire aita Alemanian egona zen, lan bila. Gero Hernanin hasi zen lanean eta bertan bizi izan zen. Ondoren Orion jarri zen eta ni hona etorri nintzen. Hemen hazi naiz, eta lagun denak hemengoak ditut.
Berberea zara zu. Berberea hizkuntza zer moduz dago osasunez?
Berbereak nomadak omen ginen, eta Marokoko lau lekutan kokatu ziren. Gu Rif ingurukoak gara, eta han denek berberea hitz egiten dute. Hemengo kasua bezalakoa da, berberea euskara da eta hizkuntza arabiarra gaztelera zein frantsesa. Guztiz hizkuntza ezberdinak dira arabiera eta berberea, ez dugu zertan elkar ulertu. Lehen ez ziguten berberea hitz egiten uzten, orain gutxi arte telebista berberea moztu egin ziguten. Kalean hizketan sumatzen bagintuzten egurtu egiten gintuzten. Orain ezin dugu Casablanca eta horrelako hirietara joan, oso gaizki hartzen gaituztelako. Lan onetarako, berriz, edo polizia eta botere postuetarako beti kanpoko jendea ekartzen ziguten, botereari eusteko. Orain berdintsu jarraitzen du, aduanan guardiei esaten badiezu ez dakizula arabieraz hizketan, sutu egiten dira "ikasi beharra daukazu!". Baina... kasurik ere ez. Nik ez dakit arabieraz, etxean beti hizkuntza bakarrean hitz egin baitugu, baita Orion ere.
Lehen independentzia eskatzen genuen, gurea beste hizkuntza eta kultura bat delako. Baina azkenean ez zen lortu, eta jende asko hil zuen poliziak kalean.
Lehen independentzia eskatzen genuen, gurea beste hizkuntza eta kultura bat delako. Baina azkenean ez zen lortu, eta jende asko hil zuen poliziak kalean.
Berbereen kulturak eta euskal kulturek zerikusirik badute?
Gauza askotan oso antzekoak dira. Han ere irrintziak egiten dituzte ezkontzetan eta festetan, eta panderoa ere jotzen da. Ezkontza gauetan dantzan pasatzen dute gau osoa, kantuan. Janaria ere antzekoa da, hemen bezala haragi asko jaten da, ia otorduro. Mendi aldeko etxeak, berriz, hemengo baserri itxurakoak dira. Baina han dena da buztinazkoa.
Nolakoa da berbere gizartearen eta Europaren arteko harremana?
Berbereek goserik ez dute pasatzen, denetik dute han: oiloak, behiak, baratzeak... Baina bertako jendea aspaldian goibel dago. Denak honantz, Europara datozela ikusten du, txalupetan gainera. Eta jendea kezkatuta dago. Sakeleko telefonoak ere iritsi dira hara, eta bateriekin dabilen telebista ere bai. Telebistaz ikusi omen ninduen lagun batek korrika egiten.
Hemengoaren antzeko ahozko tradizioa al duzue?
Ipuin asko kontatzen dira, gogoan dut amak txikitan asko kontatzen zizkidala. Gauean afalostean esertzen dira eta gau-beila oso luzeak egiten dituzte, berriketan. Hemen, berriz, etxera etorri, sofan eseri eta telebista kateak aldatzeko tramankulua elkarri kenduz aritzen gara. Tabernetan ere berdin, lasai-lasai sartu eta han ez dago denboraren zentzurik, egon egiten dira. Ez dago hemengo presarik. Hango herrixketan denbora geratu egiten da.
Ramadana zer moduz betetzen du kirolariak?
Ramadana hilabete bateko kontua da, orain gutxi bukatu da. Eguzkia ateratzen denetik ezkutatu arte barau egiten dugu. Txiroekin elkartasuna adierazteko modu bat da, jende askok ez du zer janik, eta ramadanean hainbesteko diru bat ematen dio familia bakoitzak egunero beharra duenen bati. Nik hori korrika egitearekin uztartu beharra dut. Lasterketa egin eta gero jan egiten dut, baina gero berriro eusten diot barauari. Gogor entrenatzen dudanetan, ez dut goizez korrika egiten, gero egun osoan zutik iraun behar baitut. Arratsaldeko 14:00etan edo 15:00etan entrenatzen dut, segituan sekulako gosearekin etxera joan eta tripa betetzeko!
Zergatik atera zenuen espainiar nazionalitatea?
Korrika hasi nintzen, gauzak ongi atera zitzaizkidan eta komeni zitzaidan espainiar nazionalitatea. Munduko txapelketetara-eta ezin duzu joan nazionalitaterik gabe.
Atleta izateagatik errazago eman al zizuten espainiar nazionalitatea?
Bai, atleta izateagatik lehenago eman didate nazionalitatea. Kirolaria ez bazara… nazka-nazka egin arte egon behar duzu nazionalitatearen zain! 2-3 urte luzatzen da kontua, eta nik berriz 6 hilabetetan lortu nuen.
Nola hasi zinen atletismoan?
Pixka bat anekdotikoa izan zen. Ebanista nintzen eta tailu ikastaro batzuk egiten ari nintzen. Garai hartan judoan aritzen nintzen, eta pisua jaisteko korrika egiten nuen pixka bat, eta Getariako lasterketan parte hartu nuen. Helburu handirik gabe atera ginen lagunok, koadrila giroan... eta irabazi egin nuen! Lagun batek frogak egitera eraman ninduen Lasartera. Ongi nenbilela ikusi zuten, eta entrenatzen hasi nintzen. Egunero joaten nintzen entrenatzera Lasartera, autostopean!
Erabakia hartzea zaila izango zen...
Lasterka egiten hasi nintzenean zurgintzan ari nintzen lanean, Zarautzen. Londresko maratoian oso gustura geratu nintzen lortutako emaitzarekin, 2:14ko denbora egin nuen, eta ezin nuen horrela jarraitu, 8 orduz lanean aritu eta gero entrenatzen. Orduan erabaki nuen honetan saiatzea.
Zure anaiak eta arrebak ere korrika egiten dute. Familiako tradizioa da, kulturala?
Ez, berbereak oso alferrak dira. Hemengo kulturaren antza du jate-kontuetan, tertulian aritzea asko gustatzen zaie, han ez da kirolaririk ateratzen. Berbereen artean, inor ez. Ni maratoilari atera naiz, eta oso arraroa egiten zaie. Boxeolariren bat atera izan da, baina Frantzian bizi denen bat. Nire aita ere aritu zen boxeoan, Hernanin, baina denbora gutxian.
Antonio Martinez izan zenuen lehen maisu. Zer eman zizun?
18 urterekin hasi nintzen, eta hori berandu da. Pista eta krosa egin nahi nituen, baina ia zuzenean maratoian hasi beharra izan nuen. Nire arazo nagusia zen ez nuela korrikarako oinarririk. Eta hori oso garrantzitsua da. Espainian baziren beste batzuk nire kasuan, eta atzera geratu dira oinarririk ez zutelako. Antonio Martinezek horixe eman dit.
Diego Garciarengandik, berriz, zer ikasi duzu?
Batez ere pazientzia eduki behar dela irakatsi zidan. Nik hasieran gauza denak azkar egin nahi nituen. Entrenamendutan Santi Perez entrenatzaileak esaten bazidan egin 500 metro 3 minututan, ni 2:50 minututan egiten saiatzen nintzen, azkarrago, eta Diegok irakatsi zidan ez presarik izaten. Hark esaten zidan lasai hartzeko gauzak, iritsi behar badu, iritsiko dela nire eguna.
Fisikoki zer ondorio dakartza maratoilari izateak?
Giharrek asko sufritzen dute. Maratoi bat egin eta gaizki atera bazaizu, dena duzu minberatuta, ezin eskailerarik jaitsi… ongi atera bazaizu, berriz, hurrengo egunean ordu bete korrika egitera atera zintezke, ez duzu batere minik sentitzen. Sinestezina da animoak zer eragin duen.
Sekulako egurra jaso omen zenuen Kanadako maratoian...
Oso gogorra zen eta beranduegi heldu ginen Kanadara. Herrialde berri batera joandakoan, aklimatatu beharra daukazu, eta ordu aldaketak ere erasaten du. Goizeko ordu bietan esnatu eta lo hartu ezinik egon zintezke 5:00 edo 6:00ak arte. Lau edo bostgarren egunetik aurrera hasten da zure gorputza erritmo berrira ohitzen. Bostgarren egunean zen maratoia, eta hori zen egunik txarrena, gorputza egoera berrira egokitzen hasia delako, baina oraindik ohitu gabe. 30 gradu zeudela egin genuen korrika, hezetasun handia zegoen, eta altitude handia. Lehen kilometrotik jada gaizki sentitu nintzen. 3-4 kilometro falta zirela hobeto sentitu nintzen, baina bukatu eta gelditutakoan, dena etorri zitzaidan, zorabioa, goragalea, arnasa hartu ezina… Izotza jarri zidaten bularrean, eta sekulako haserrea harrapatu nuen, izotzak eta denak pikutara bidaliz. 30 gradu egiten zituen, eta hotzez dardarka ari nintzen! Deshidratazioaren gorabeherak ziren, eta manta pilo ederra bota zidaten gainera.
Zertan pentsatzen duzu maratoian korrika zoazen bitartean?
Hotz izan behar da burua. Hamabost edo hogeigarren kilometroan gorputzak engainatu egiten zaitu. Oso ongi zaudela iruditzen zaizu, euforiko, erasoa jotzeko gogoa ematen du… Eta ordura arte fresko sentitu arren, hogeita hamargarren kilometroan bat-batean beheraldiak ematen du, blokeatu egiten zara, atzetik mazoarekin eman balizute bezala. Hogeita hamargarren kilometroan jada ez da erritmo aldaketarik egin behar, ahalik eta energia gutxien gastatzen ahalegindu behar da… Gorputzak dena eman du, eta orduan sartu behar da likido gehien.
Maratoilari bakartiaren mitoa noraino da egia?
Orain arte Diego Garciarekin entrenatzen nuen, baina orain ez dago inor. Bakarrik entrenatzen dut, baina ohitu egiten zara, eta maratoiren batean bakarrik geratzen bazara, animoari nola eutsi ikasia duzu. Niri gustatzen zait maratoietan ere bakarrik joatea. Gogoan dut Amsterdamgo maratoian seigarren kilometroan geratu egin beharra izan nuela, sabeleko arazoengatik. Taldeak ihes egin zidan, baina ez nuen sekula erretiratzea pentsatu. Minutu bateko aldea ateratzen zidan, baina berriro abian jarri eta harrapatu nituen 26. kilometroan.
Ezberdin korrika egiten du kultura bakoitzak?
Egia da, nik ere beti jartzen dut arreta horretan. Herri bereko jende gehienak du korrika egiteko modu bera, keniarrek, marokoarrek… Estilo berezia du bakoitzak.
Zuen hankek hitz egingo balute...
Belaunetatik gaizki ibiltzen naiz eta oin zola bereziak ditut. Ni nire oin zolarik gabe… maniatiko xamarra naiz gainera horretan. Oinak, berriz, txikituta ditut. Udan ez ditut txankletak janzten, jendeak oinak ez ikusteagatik. Oin azpiak limatuta ditut, lixa pasatuta bezala. Azazkal batzuk ezin ditut moztu ere egin, haragitan sartu zaizkit-eta.
Gogoratzen dut Anoetan 10.000 metroko lasterketa batean zenbat sufritu nuen babekin. Egun hartan lasterketa irabazi nuen, gainera. Korrika hasi nintzen, baina zapatilek baba urratu egiten zidaten, eta haserre erantzi egin nituen. 5.000 metro egin nituen oinutsik, 5 minutu, pistan. Hankak odoletan bukatu nuen. Sekulako babatzarra nuen, medikuak azal osoa altxa behar izan zidan eta inguruko jendeak ezin zuen begiratu ere egin. «Hasiberrikeria» latza izan zen nirea: galtzerdirik gabe korrika egin nuen, eta zapatila berriekin gainera. A zer errieta egin zidan entrenatzaileak!
Hiru hilabete pasatzen ditugu maratoia prestatzen, eta hara iritsi eta hanketako edozer txorakeriarekin, urratu bat edo edozer baduzu, pikutara joaten da egindako lana. Hain zaude ahul eta argala!
Keniar askok korrika egiten du oinutsik. Agian horrela entrenatzen ohituta daudelako… Gogoan dut Marokon ere umeak oinutsik korrika ikusten nituela, lur gorritan. Hemen, 20.000 pezetako zapatilak erosten ditugu, azken aurrerapen denak dituena, eta hango umearen zapatilek ez dituzte 800 pezeta balioko, baina nola urratuko ditu dituen bakar horiexek korrika? A zer zalaparta aitak harrapatzen badu! Eta azkenean oina egin egiten zaie. Oin azpia gogor-gogorra izaten dute.
Gogoratzen dut Anoetan 10.000 metroko lasterketa batean zenbat sufritu nuen babekin. Egun hartan lasterketa irabazi nuen, gainera. Korrika hasi nintzen, baina zapatilek baba urratu egiten zidaten, eta haserre erantzi egin nituen. 5.000 metro egin nituen oinutsik, 5 minutu, pistan. Hankak odoletan bukatu nuen. Sekulako babatzarra nuen, medikuak azal osoa altxa behar izan zidan eta inguruko jendeak ezin zuen begiratu ere egin. «Hasiberrikeria» latza izan zen nirea: galtzerdirik gabe korrika egin nuen, eta zapatila berriekin gainera. A zer errieta egin zidan entrenatzaileak!
Hiru hilabete pasatzen ditugu maratoia prestatzen, eta hara iritsi eta hanketako edozer txorakeriarekin, urratu bat edo edozer baduzu, pikutara joaten da egindako lana. Hain zaude ahul eta argala!
Keniar askok korrika egiten du oinutsik. Agian horrela entrenatzen ohituta daudelako… Gogoan dut Marokon ere umeak oinutsik korrika ikusten nituela, lur gorritan. Hemen, 20.000 pezetako zapatilak erosten ditugu, azken aurrerapen denak dituena, eta hango umearen zapatilek ez dituzte 800 pezeta balioko, baina nola urratuko ditu dituen bakar horiexek korrika? A zer zalaparta aitak harrapatzen badu! Eta azkenean oina egin egiten zaie. Oin azpia gogor-gogorra izaten dute.
Hogei mila pezetako zapatilak aipatu dituzu... Zer dira, hegalariak?
Batez ere amortiguazio oso ona izaten dute. Pentsa, maratoilari batek zenbat inpaktu jasotzen dituen urte bakarrean! Belauna bakarrik ez, bizkarrezur osoa astintzen du pauso bakoitzak. Urtean 10 pare zapatila gastatzen ditugu. Astea 180 kilometro entrenatzen hasten dugu eta 230 kilometro eginaz bukatu. Milaka kilometro egiten ditugu 3 hilabetean, eta derrigorrezkoa da oinetako onak ibiltzea.
Mendizalea omen zara. Korrika bezain azkar ibiltzen al zara?
Korrika egingo ez banu, astebururo joango nintzateke mendira. Oso gogokoa dut. Baina zaila egiten zait mendizaleen pausoari jarraitzea, ez nago mendian ibiltzen ohituta. Ezin diot euren erritmoari eutsi, aldapa bat igo orduko atseden hartu beharra daukat. Oso ezberdina da korrika egin eta mendian ibiltzea.
Arrauna probatu duzu?
Banku mugikorra probatu nuen, eta oreka galduta uretara erori nintzen. Korrika entrenatzen ari nintzela ikusten ninduen Jose Luis Korta patroiak, eta beti esaten zidan: "Zu arraunerako, utziozu korrika egiteari! Daukazun bizkar zabal horrekin!". Egia esan, maratoilariak normalean askoz estuagoak dira, baina nik judoa eta pisu altxaketa asko egin izan dudanez, bizkarrez ere indartsu xamarra naiz, besteen ondoan. Benito Lertxundi, berriz, futbolean aritzen zen hondartzan gurekin, gu txikiak ginela.
Zein helburu duzu hemendik aurrera?
Otsailean Japonian dut maratoia, eta Europako txapelketan ere egon nahi nuke. Ondoren, Parisko munduko txapelketan parte hartu nahi dut. New Yorkeko maratoia korritzeak ere beti egin izan dit ilusioa. Parte hartze hutsagatik bakarrik, festa handi bat baita, baina beste helbururik gabe, oso gogorra baita marka egiteko
CURRICULUMA
- Jaio: Alhucemas-en (Maroko), 1972. urtean.
- Maratoilaria.
- Neurriak: Altuera: 1,79 m. Pisua: 64 kg.
- Egin dituen maratoiak: Londres, 1997 (2:14:22); Amsterdam, 1997 (2:10:18); Rotterdam, 1998 (2:12:09); Donostia, 1998 (2:15:21); Seul, 2000 (2:12:29); Amsterdam, 2000 (2:10:52); Rotterdam, 2001 (2:10:36).
- Bere markarik onenak:
+Pistan: 5.000 metro 13 minutu, 57 segundu eta 20 zentesimetan.
Eta 10.000 metro 28 minutu, 48 segundu eta 93 zentesimetan.
+Maratoi erdia: 1:03:58.
+Maratoia: 2:10:18.
- Garaipenak: Amsterdamgo maratoian (1997), bigarren postua. Donostiako maratoian (1998), hirugarrena. Bartzelonako maratoi erdian, irabazle. Valentziako maratoi erdian, hirugarren. Bilboko maratoi erdian, irabazle. Euskadiko txapeldun izan da junior, promesa eta maila nagusian.
- Maratoilaria.
- Neurriak: Altuera: 1,79 m. Pisua: 64 kg.
- Egin dituen maratoiak: Londres, 1997 (2:14:22); Amsterdam, 1997 (2:10:18); Rotterdam, 1998 (2:12:09); Donostia, 1998 (2:15:21); Seul, 2000 (2:12:29); Amsterdam, 2000 (2:10:52); Rotterdam, 2001 (2:10:36).
- Bere markarik onenak:
+Pistan: 5.000 metro 13 minutu, 57 segundu eta 20 zentesimetan.
Eta 10.000 metro 28 minutu, 48 segundu eta 93 zentesimetan.
+Maratoi erdia: 1:03:58.
+Maratoia: 2:10:18.
- Garaipenak: Amsterdamgo maratoian (1997), bigarren postua. Donostiako maratoian (1998), hirugarrena. Bartzelonako maratoi erdian, irabazle. Valentziako maratoi erdian, hirugarren. Bilboko maratoi erdian, irabazle. Euskadiko txapeldun izan da junior, promesa eta maila nagusian.
BERTSOA
Doinua: Mutil koxkor bat
Maratoiaren gogortasuna
oinetan duzu probatu,
bizitza ere mundu arteko
karrera zaizu gertatu.
Zoaz bidean, eta zaleon
txaloak saritzat hartu,
norberak jartzen du erritmoa
eta helmuga hautatu,
Diegok ziona, lasai ibili
baina inoiz ez geratu.
Aitor Mendiluze
Maratoiaren gogortasuna
oinetan duzu probatu,
bizitza ere mundu arteko
karrera zaizu gertatu.
Zoaz bidean, eta zaleon
txaloak saritzat hartu,
norberak jartzen du erritmoa
eta helmuga hautatu,
Diegok ziona, lasai ibili
baina inoiz ez geratu.
Aitor Mendiluze
BIZITZAREN PASARTEA
Munduko Txapelketan «hasiberrikeria» bat gertatu zait. Bazkalostean hotel aurrean autobusa hartu genuen estadiora joateko. Eskua poltsara eraman, eta "kasuen! oin zolak!". Ongi begiratzen hasi, eta "ez dut hartu oin zolarik!" larritu nintzen. Entrenatzaileari kontatu nion nire arazoa, eta hark autobusa geratu (ordurako auskalo zenbat kilometro egin genituen) eta hara zer esan zidan: "Beno, zu jaitsi. Gu estadiora goaz, eta zuk segi hotelera oin zola bila." Baina nola joango nintzen hotelera oinez? Ez nekien eta non nengoen ere! Autobusa geratu, ateak zabaldu, eta ez nekien hotelerantz abiatu edo ez… Eta zer izango, eta, zapatilak soinean neramatzan, oin zola eta guzti!
Irakurrienak
Matomo erabiliz
#1
#2
Xalba Ramirez
|
Irutxuloko Hitza
#3
Rafael Poch
|
CTXT
#4
Eneko Imaz Galparsoro
#5
Mikel Aramendi
Azkenak
2025-06-25
Gorka Intxausti Aranguren
Ez hil, faborez
HIL FABOREZ FEST
Lekua: Ibaola Harriak, Eskuernaga.
Taldeak: Lukiek, Las Sexpeares, Seggs Tape, GAL, Chuleria Joder!, Aposapo, Bayou la Batre, Borla, Türbot, Malakias MX3
Data: 2025eko ekainaren 14a.
--------------------------------------------------------
2025-06-25
Jon Fernández González
EAEko herritarren %58k mugak gainditzen dituen aire kutsatua arnastu du 2024an
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
2025-06-25
Hala Bedi
Gasteizko lorezainek grebarako eskubidea aldarrikatu dute hiriko hainbat iturri berdez tindatuz
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Mendebaldea bere mundu-gerra eskalatzen ari da
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
2025-06-25
Xiberoko Botza
Ikusgarrietako intermitenteek lana mentx düe
Frantziako gobernamentüak ekonomiak egin nahian, leküko kolektibitateer eta eskülder sos pübliko gütigo banatü dü. Horrek ondorioak badütü, ekonomia handiena kültüran egin beita. Intermitenteek nekeziak ezagütze... [+]
2025-06-24
Eneko Imaz Galparsoro
EAJren hizkuntza eskakizunetarako proposamena “atzerapausoa” dela salatu dute ELAk eta LABek
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
.jpeg)
2025-06-24
Jon Fernández González
Arabako Aldundiak indarkeria matxistaren biktimei arreta murriztu diela salatu du ESK-k
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
2025-06-24
Eneko Imaz Galparsoro
Zenbait lagun zauritu dira Hernaniko San Joan gaueko istiluetan, eta gutxienez pertsona bat atxilotu dute
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
2025-06-24
Mikel Aramendi
ANALISIA
Chen Yun: txoria eta kaiolaren auziak hortxe jarraitzen du
Ekainaren 13an, ezohiko ekitaldi baten lekuko izan zen Pekineko Herriaren Areto Handia: Txinako Alderdi Komunistaren aginte goren osoak (baimenduta leudekeen absentziak salbu; nola jakin horietakoa ote zen He Weidong jeneralarena? Izan ere, ez zen ageri mahai nagusian,... [+]
2025-06-24
Jon Fernández González
Bilboko Bira Kulturak eskaintza gutxituko du laguntza publikoen murrizketagatik
Ez dute itxiko, baina orain arte eskaini duten programazioari ezin izango diote eutsi. "Bira txikiago bat" izango dela zabaldu dute sare sozialetan.
2025-06-24
Mikel Garcia Idiakez
Nola debekatu sare sozialak erabiltzea 16 urtez azpikoei? Australiako Gobernuak badu formula
Legez, 16 urte bete arte ezingo dituzte sare sozialak erabili Australian, urte bukaera honetatik aurrera. Baina nola gauzatzen da hori praktikan? Gobernuaren azterketa batek ondorioztatu du teknikoki bideragarria dela, eta aurrekaria jarri du bide bera hartu nahi duten... [+]
2025-06-24
Eneko Imaz Galparsoro
Israeli boikota musika jaialdietan ere
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
2025-06-24
Jon Fernández González
NATOtik ukatu egin dute Sánchezek iragarritako gastu militarraren salbuespena
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
2025-06-24
Eneko Imaz Galparsoro
Trumpek Israel eta Iran arteko su-etena iragarri du eta ordu gutxira zalantzan dago jada
Iranek AEBen Qatarreko base militarrari eraso egin ostean eman du ustezko akordioaren berri Etxe Zuriko maizterrak, Truth Social sare sozialean. Ostean, Israelgo Gobernuak adierazi du Trumpen proposamena onartu duela, eta berdina egin du Irango Segurtasun Nazionaleko... [+]
Eguneraketa berriak daude