Munduko potentzia handienaren botere ekonomiko, politiko eta militarraren aurka egindako atentatu basatiak, besteak beste, munduaren hipokrisia jarri du agerian. Ia mundu guztiak gaitzetsi zuen irailaren 11ko atentatua. Logikoa da hunkipena, mina, bost milatik gora pertsona errugabe hil zituen atentatuaren gaitzespena. Hunkipen, min eta gaitzespen horiek desagertu egiten dira, ordea, estatubatuarren politika ekonomiko neoliberala munduko bi heren pobrezian bizi izatearen eta milaka ume egunero gosez eta gaixotasunez hiltzearen arduradunetako bat denean, eta mila milioi dolar bere arma industrian inbertitzen dituenean ondoren palestinarrak, kurduak zanpatzeko. Bushek ongiaren eta gaizkiaren arteko borroka batean gaudela esan du. Ongia, dioenez, Ipar Amerika da eta gaizkia besteak dira, erasotzaileak. Baina arazoa ez da hain sinplea. Munduan milaka hildako eta gosetu eragiten dituzten politika ekonomiko "neoliberal" horietan ere agertzen da gaizkia. Eta
askok, hipokritek, tertulianoek, politikoek eta gobernuek, Manhattanera
begiratzen dute soilik