JURASIC ARABA

  • Kretazeo garaiko anbarra aurkitu zuten Araban lehengo mendearen amaieran. Duela 110 milioi urteko erretxin fosilizatu hauek orduko informazio eskerga eskaintzen dute.

2007ko otsailaren 21an
Lehengo mendearen bukaeran Arabako hegoaldean anbarra aurkitu zuten. Anbarra garai bateko zuhaitzen erretxin fosilizatua da. Fosilizatzerakoan anbarrak intsektuak, hostoak, lumak, eta tankerako arrastoak bere baitan mantentzen ditu eta behin datatuz gero garai hura hobeto ezagutzeko material ederra bihurtzen da. Anbar arabar hau Kretazikokoa omen da, Jurasikoaren ondorengoa, duela 110 bat milioi urtekoa.
Anbar hau Agathis generoko konifero baten erretxinarena omen da. Araukariazeoen familiako genero hau garai hartan mundu osoan hedatua bizi zen, baina egun Ozeano Bareko hego-mendebaldean soilik aurki daiteke. Hogei bat espezie ezagutzen dira eta denak zuhaitz erraldoiak dira. Agathis australis da espezie nabarmenena. Zeelanda Berrian bizi da eta bertako maoriek Kauri deitzen diote. 1.000 urte inguru dituzten zuhaitzak ba omen dira eta handiena Tane Mahuta da (maorieraz, Oihaneko jauna). Jaun honek 4,4 metroko diametroko enborra du eta 40ko garaiera. Zuhaitz hau bizi den Waipoua Oihan "Santutegian" badira garaiagoak, 51 eta 56 m. dituztenak. Kauriaren erretxina sukaldaritzan, argiztatzeko, arrantzan, tatuaiagintzan eta txikle gisa erabiltzen dute maoriek. Matakohe herriko Elizako errepidean museo bat ere badute
osoki zuhaitz honi eskainia. Arabar anbarrak Gasteizko Jesusen zerbitzariak kaleko Natur Zientzien Museoan ikus daitezke .


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude