"DENA ALDATU ZAIT, BIZI GUZTIA"

  • Hitzak, sentimenduak, unibertsal bihurtzen ahal diren bizi-esperientzien pasarteak eta abar luze bat bildu ditu Pettik bere bigarren diskora, bakarlari gisa hasi zenetik egiazkotasun kutsu horretaz lagunduta argitaratutako "Arrazoiak" izenburuko lan luzera, alegia.

2021eko uztailaren 15an
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
Izan ere, Pettik badu abesti soilak eta biluziak helarazteko erraztasuna, fintasuna eta indarra nahastekoa, iluna eta argia uztartzekoa. CD-ak formatu akustikoan landutako hamaika kantu eta diskoaren hondar hondarrean (hemezortzigarren musika-kortean) aurkituko dugun opari gisako blues bat hartzen ditu bere baitara. "Amets bat" bere lehendabiziko lanaren jarraipena da "Arrazoiak", orain folkaren besarkada nabariagoa bada ere. Petti hasierako beldurrak bazter utzita dator, bere ahotsaren dohainak ustiatuz, askeago modulatuz, batzuetan hitzak xuxurlatzeraino helduz, gitarrarekin apaintzen duela bere eztarriaren sakona. Hala ere, Pettik badu beste alderdirik, elektrikoagoa eta akaso basatiagoa dena. Bi alderdi horiek (akustikoa eta elektrikoa) uztartuko zituen CD bikoitza egitekotan izan ziren, baina azken unean aukera hori alboratuta gelditu zen, hain dira ezberdinak aipatu bi formatuak. Horregatik, ezustekorik gertatu ezean, datorren urtearen hasieran Pettiren hirugarren diskoa aterako da merkatura, erabat elektrikoa eta musika talde baten laguntzaz egindakoa izanen dena.
Dena dela, arretaz segitzekoa da beratarraren ibilia, disko ederrak egiteko gai izateaz gain, seguruenera etorkizunean ere bere eskaintza handituko duelako hala kalitatearen aldetik nola kantitatearen aldetik.

Zertan aldatu da zure bigarren diskoa lehendabizikoarekin alderatuz gero? Zure estiloa finkatu duzula uste duzu?
Lehen diskoak bazituen kanta elektriko batzuk, iluna zen, baina ez zen erabat akustikoa. "Arrazoiak" akustikoa da, sartu dugun musika tresna elektriko bakarra baxu bat izan da. Gehienbat gitarra eta melodietan aldatu da. Gitarrak eta melodiak nahiko landu ditut kanta guztietan. Bestalde, nire ustez barnerakoiagoa da bigarrena, sentimenduak-eta gehiago azaleratzen dira. Lagunen hitzek ere aldatzen dute pixka bat diskoaren ildo guztia. Igualtsua izaten ahal da, baina ingelesagoa dela erranen nuke nik.

Alderdi elektrikoaren eta akustikoaren artean hautatu behar izan zenuten. Azkenean formatu akustikoan atera da diskoa. Nola gertatu zen erabaki hori?
Disko bikoitza egitea pentsatua nuen. Hala ere, nola estilo aldaketa nabaria izanen zen disko batetik bestera, hau da, akustikoaren eta elektrikoaren artean, azkenean lehendabizi akustikoa egin eta denbora pixka bat pasatzean elektrikoa ateratzea erabaki genuen. Halaber, disko elektrikoari ekoizpen hobeagoa eman nahi genion, denbora gehiago hartu eta kanta landuagoak egin.

"Arrazoiak" diskoan lasaiago, askeago, nabaritzen zaizu kantatzerako orduan. Ahotsarekin gehiago jokatu duzu, gehiago modulatu duzu...
Akaso bai. Gehiago kontrolatzen dut orain. Disko honetan baxuago kantatu dut, lasai eta garrasi egin gabe. Aldaketarik badago bestearekin konparatuz. Espero dut, poliki-poliki, gauzak hobetzen joatea, normal izaten den bezala.

Lehendabiziko diskoan hitz ia guztiak zuk egindakoak ziren bitartean, oraingo honetan ardura hori batik bat Beñardo Goietxek, Andoni Tolosa "Morauk" edo Fermin Iraolak hartu dute. Zer dela eta aldaketa hori?
Gehienbat lagunak direlako eta ezagunak ditudalako. Hitzak utzi zizkidaten eta testu haiekin kantak atera nahi nituen. Beñardok adibidez, kristoren hitz pila zuen. Sei-zazpi utzi zizkidan musika jartzeko, ia aprobetxatzen ahal nituen. "Morau"ren kasuan berdin. Erran zidan hitzak bazituela eta nahi baldin banuen... Baina arrazoi garrantzitsuena zera izan zen: idazle onak direla, ni baino hobeak.

Hala ere, sentimenduen eta norberaren esperientzien inguruan ardazten da diskoa. Hori ez da aldatu...
Hitzak poetikoak-edo dira neurri batean. Denetarik nahasten dut sentimenduak barne. Baina hurrengo diskoan, elektrikoan, aldaketak sartuko ditut. Seguraski kanta sozialagoak izanen ditu.

Diskoak argitaratzen hasi zinenetik aldaketarik somatu duzu zure inguruan eta zure baitan?
(Zalantzazko hitz solte eta ixilune baten ondotik hasten da hizketan). Ez dakit. Nire kasuan dena aldatu zait, bizi guztia. Lehen tabernan lan egiten nuen eta lehengo urtean alde batera utzi nuen horren eraginez. Diskoa eta kantak prestatzeko denbora gehiago izan dut. Dena aldatzen da pixka batean. Tabernan gauez lan egiten nuen beti eta eguna ez nuen ikusi ere egiten. Orain aldiz, beste gauza bat da: goizetan esnatu, eta bueno... pixka bat bizi normala egiten hasi. Nabari da hori guztia, bai.

Zuzenean ikusi zaituen jendeak dio zure kontzertuek ikaragarrizko indarra dutela. Zer irizten diozu zuk?
Kontzertuetan kantarik lasaienak hasieran egin eta gero, folk kutsuko batzuk sartzen ditut erdialdera. Ondoren, bukatzeko, bluesak eta kanta kañeroenak egiten ditut. Diskoan baino askoz ere basatiagoa izanen da, bai. Kontzertua aurrera joan ahala progresio bat dago.

Zeintzuk dira zure helburuak etorkizun hurbilera begira?
Disko hau aurkeztu, kontzertu batzuk egin eta gero ziur aski, hurrengoa izanen dena grabatzen hasi. Datak-eta ez dakizkigu, baina pixka bat entseiatu eta landuak ditugunean sartuko gara grabatzera. Nahi genuke iraila-urrirako grabatua izatea, baina hori luzatu egiten da azkenean.

LAGUNAK
Petti lagunez inguratu da bere bigarren diskoa atontzeko. Alde batetik, hitz gehienak Beñardo Goietxe beratarra, Andoni Tolosa "Morau", Fermin Iraola eta Alberto Tolosarenak dira. Fernando Pessoaren "Caeiro" idazlana ere moldatu du Pettik. Bestalde, musikari lanetan Jimmy Arrabit (perkusioak), Jabi Arteaga (teklatuak), Raul Sonnyboy Garcia (armonika), Marina Beraetxe eta Bingen Mendizabal (biolinak), Anxel Iraola (baxua) eta Fermin Iraola (gitarra) ibili dira. Diskoa Gasteizko "El cantón de la soledad" estudioan grabatu zen joan den urteko abenduan

ENTZULEAK ERE ZERBAIT JARRI BEHAR DU
Pettik bakarlari gisa egin du salto plazara, iluna baliatuz argia ikusi du bere musikak, ahots sakona eta gitarra binomio bereiztezina bilakatuz. Bi diskotan bildu ditu kantautore beratarrak sentimenduez blaitutako kezkak, lehenik "Amets bat" (1999) izenburuko lanean eta bigarrenik "Arrazoiak" kaleratu berrian. Pettiren jatorria ordea, rockaren unibertsoan kokatzen da, Noise Hole eta Zup taldeetan aritu baitzen gitarrajole eta kantari, hurrenez hurren. Baina patuak-edo bazuen berarentzat bestelako proiekturik gordeta. Hala hasi zen gitarra akustikoa zein elektrikoarekin emanaldiak ematen folk eta bluesaren bidetik, harik eta Soraluzeko Gaztelupeko Hotsak zigiluaren arreta bereganatu zuen arte. "Txo!-esanen zuketen- Hemen badaukagu aukera bat merezi duen eskaintza". Eta ez ziren erratu. Hori hala dela frogatzeko, argudio pisutsuak - "Bihotzeko harriak", "Sobera erraza", "Itsuak", "Alegia"...- biltzen segitu du egile beratarrak. Baina, kontuz, bere diskoak ez dira errazak, entzuleari ere bere partetik zerbait jar dezan eskatzen baiotiote.


Azkenak
Kaleko Afari Solidarioak taldeak botako du txupina Donostiako Aste Nagusi Piratan

'Jalgi belak mastara, eta euskara plazara!' lelopean ospatuko dute Donostiako Aste Nagusi Pirata, abuztuaren 10etik 18ra. 


Dantza utzi du lagunek burla egiten diotelako

Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]


2024-07-18 | Gedar
Txosnen debekuaren aurka mobilizatuko dira Lizarran

Autobus-geltokiko parkingean txosnak jartzea debekatu du Lizarrako Udalak. San Benitora lekualdatu nahi ditu, baina Festagirok uko egin dio inposaketa horri. Emakumeentzat leku arriskutsua dela, udalak herriko eragileak jaietako dinamika sozialetik urrundu eta isolatu nahi... [+]


2024-07-18 | Euskal Irratiak
Iñaki Iurrebaso
“Euskararen egoera ikusita, gaitasunean bereziki ahul gaude”

Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.


Usansolon herritarrak kexu dira erdigunea tren geltokirik gabe uzteko erabakiaren aurrean

L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]


Gasteizko txosnagunea arriskuan dagoela salatu dute, Aldundiak TicketBAI ezartzera derrigortu nahi dituelako

Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]


Munillaren adierazpen homofoboek kritika erauntsia eragin dute berriro

Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]


2024-07-17 | Gorka Menendez
Zenbateraino izan behar dira txikiak nekazari txikiak?

Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]


Euskaldunak

Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]


2024-07-17 | Iñaki Barcena
Ekofaxismoa al datorkigu?

Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


2024-07-17 | David Bou
Agur esaten ikastea

Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]


Bego Ariznabarreta Orbea. Gerrarik ez
“Gure aurrekoek bizitako gerraren traumak eta sintomak ditugu oraindik”

Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]


2024-07-17 | Ula Iruretagoiena
Lurraldea eta arkitektura
Hemengoa

Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]


Materialismo histerikoa
Txatarra

Usainak keinuren bat eskatzen zuen, baina berak egin ez zuenez (ezin zitekeenez beste usainik espero), besteok ere ez. “Ez, ez, ez daude denak. Bizirik dirautenen atalik ez dago, ez dut inor bizirik utzi, adibidez, ezpainik gabe (ikusi dituzue? Horiek perfektuak iruditzen... [+]


Eguneraketa berriak daude