EBAKUNTZA PRESBIZIARENTZAT

  • Gertuko objektuak ongi ikusteko, urruntzeko joera hartzen hastea presbizia edo "ikusmen nekatua"ren sintoma izan daiteke. Patologia hau konpontzeko ebakuntza da aukera bat.

2007ko otsailaren 21an
Presbizia edo "ikusmen nekatua" oso gauza usua da, behin adin batera (50 urte ingurura) arrimatzen hasten garenean.
Zein da presbiziaren sintoma nagusia? Gertuko objektuak (egunkaria, esate baterako) urruntzeko joera, horiek ongi ikusi nahi ditugunean. Eta patologia honen erantzulea kristalinoa da, begiaren barruko lentea hazi eta gogortu egiten delako urteen poderioz. Bere inguruan dagoen muskulu ziliarra ez da gai, uzkurtzen denean, kristalinoa modifikatu edo aldarazteko eta, beraz, gertutik behar bezala ikusteari uzten diogu.
Eta orain arte soluzio bakarra betaurreko edo lentilla multifokalen erabilera zen, urrutitik bezala baita gertutik ere ikusteko aukera ematen dutelako. Baina, hala ere, badago duela urtebetetik hona beste konponbide bat: Madrileko Unibertsitate Autonomoan Oftalmologiako katedraduna den Miguel Angel Zato doktoreak martxan jarritako ebakuntza berri honek zonula esaten zaiona (kristalinoaren eta gorputz ziliarraren arteko lotura-gunea) teinkatzeko plastikozko mikrozuntzaxka batzuk ezartzen ditu, eta horrela muskulu ziliarra berriro funtzionatzen hasten da. Aldez aurretik ehun konektiboko geruza bat altxatu beharra dago, ebakuntzaren ondotik bere kasa zurgatzen den loturarekin itxiko dena.
Ebakuntza osoak ordubete baino gutxixeago irauten du eta anestesia lokalarekin egiten da. Pazienteak ez du batere minik sentitzen, erabat kontziente dago. Operazioa segurua da erabat, ebakiak oso txikiak direlako, eta kornea ez delako ukitzen. Egun gutxiren buruan, hurbileko ikusmena berreskuratzen da


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude