LIBURUAK


2021eko uztailaren 27an
MOHAMED ETA PARROKO GORRIA
Martin Ugalde
ELKARLANEAN
116 orrialde
1.440 pzta./ 57 lib.


MOHAMED, ETORKIN MAROKOAR OROREN ADIERAZGARRI

Martin Ugalde idazle oparoaren azken nobela dugu "Mohamed eta parroko gorria", 1936. eko gerra garaiko Bilbon galdurik dabilen etorkin marokoarraren eta Francoren kontra diharduen apaiz baten arteko harreman hunkigarriak azaltzen dizkigun idazlana. Bizimodu neketsua egokitu zitzaion Mohamedi bere herrian. Koitadu samarra izaki, txiki-txikitandik besteren laguntzaren beharrean aurkitu zen, eta patuak behin eta berriz hura galtzera kondenatu zuen. Bere ametsetako neskarekin ezkontzea lortu zuenean ere, ezkont-ondorengoak ez ziren berak espero zituenak izan. Premiak beharturik, senar-emazteak Bilbo aldera jotzea erabaki zuenean, militarren koartelak hornitzeko txerrikortan baino beste lanik ez zuen aurkitu Mohamedek, berarentzat zeharo arrotza zen herri hartan. Halere, pozik zebilen, bere familia aurrera ateratzen ari zelako. Baina hain zuzen, orduantxe lehertu zen geurean gerra, marokoarrak ezin uler zitzakeen arrazoiengatik, eta hori gutxi balitz, militar batekin elkarganatu zitzaion andrea. Erabat galdurik, erretore katolikoarengana joan zen gizona, laguntza eske. Baita lortu ere, apaizaren eskuzabaltasunari aurkari gogorrak aurrean jarriko zitzaizkion arren.

MATEMATIKAREN BETEKIZUNA ENPRESAN
Askoren artean
EHUko GIZARTE KONTSEILUA
71 orrialde.


MATEMATIKA ENPRESAN AZTERGAI

Iazko otsailean, Bilboko Euskalduna Jauregian, "El papel de las Matemáticas en la Empresa. Matematikaren Betekizuna Enpresan" gaiaren inguruan eztabaidatu zuen batik bat enpresa eta unibertsitate munduarekin lotura daukan jende ugarik, EHU/UPV-ko Gizarte Kontseiluak antolatutako "Unibertsitate-Gizarte Elkargunea" ekitaldiaren barruan. Txostena aurkeztu zuena, Alfredo Bermúdez de Castro izan zen (Santiago de Compostelako Unibertsitateko Matematika Aplikatua Saileko zuzendaria). Berari galderak eta gogoetak aurkeztu zizkiotenen artean, berriz, aipa ezin genitzakeen guztien artean, SIDENOReko zuzendari orokorra, Mikel Lezaun, Arantza Urkaregi edota Agustín Berasaluce zeuden. Parte hartzaileak seguruenik gaztelera hutsean arituko ziren, argitalpen honen edukina osorik gazteleraz baitago. .

XX. MENDEKO POESIA KAIERAK
JOSE LUIS OTAMENDI
Antologia egilea,
Koldo Izagirre
SUSA
59 orrialde
700 pzta./ 28 lib. .


MODARI BIZKAR EMANAZ DIHARDUEN POETA

Horrela deskribatzen du Koldo Izagirrek Jose Luis Otamendi idazle azpeitiarraren norabide poetikoa: "Korronteetatik urrun, modari bizkar, temoso, sortzeko kemen egoskorraz jardun du, isolamenduan nolabait ere". Eta hala lortu duela dio "literaturan dagoen gauzarik zailenetako bat, estilo propioa". Aipatu poetak nerabezaro luzatu bat -heldutasunetik halere- eskaintzen zuen garaia gogoratuz, "idilio euritsuak" gaitzat zeuzkan hura hain zuzen, "denbora kristalezkoa"rekin hasi zuen zikloa aztertzen du Izagirrek batik bat, "Lur bat zure minari" Jose Luis Otamendiren azken poema liburura iritsi arte, non antologia egilearentzat poetaren lexiko berriak eztanda egin duen, intimismoari uko egin gabe, espresionismo garratz bat agertuz, metafora bortitzen etorriak mundu hilduratu batean biltzen gaituela. .

KONFERENTZIA
GGKE 2000
Askoren artean
HEGOA-EHU
140 orrialde.


ELKARTASUNA MUNDU MAILARA ZABALDU

Hauxe duzue liburu honen izenburu zehatza: "Konferentzia GGKE 2000. Elkartasuna mundu mailara zabaldu. Giza garapena eraiki". Eta hain zuzen ere, izenburu horrekin antolatu zuten ekitaldi bat, iazko apirilean eta Bilbon, Hegoak, hau da, Nazioarteko Lankidetza eta Garapenari Buruzko Ikasketa Institutuak, eta Euskal Autonomia Erkidegoko Gobernuz Kanpoko Erakundeen Koordinakundeak. Giza garapena eraikitzea eta elkartasuna mundu mailara zabaltzea helburu zituen ekitaldi horretan, Gobernuz Kanpoko Erakunde horiekin lotura zuzena zeukaten 400 pertsonatik gora eta nazioarteko lankidetzan diharduten beste zenbait erakundek hartu zuten parte, bai lan taldeko eztabaidetan, eta baita gogoetak egiteko garaian ere. Eta haren guztiaren emaitza dugu orain argitalpen honek jasotzen duena. .


Azkenak
Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


Dozenaka senideko familia ugari desagerrarazi dituzte sionistek

Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.


Israelgo Kan irrati publikoaren informazioa
Israelek “zehaztasun handiz” ezagutzen zuen Hamasen plana urriaren 7a baino hiru aste lehenago

Erasoa baino hiru aste lehenago banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.


“Bilboko eskola-inguru asko kutsaduraz eta zarataz betetako eremuak dira”

Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]


Eguneraketa berriak daude