ANIS BELARRA IA AHANTZITA

  • Sukaldean maiz erabili izan den anis belarraren tankerako espeziak geroz eta garestiagoak diren mahaietara baztertu ditugu, eta ia ez dugu anis zaporea duen edaririk ere ekoizten.

2007ko otsailaren 21an
Pimpinela anisum da bai aspaldi agindu eta gaur ekarriko dudan belarra. Mundu honetako idi-proba onenak jokatzen ditugun neguaren bihotzeko sasoi hau da udaren gorrienean loratuz alper-alperrik harrotzen den anis-belarrarena.
Museoratzeko moduko hondar etnografikotzat jo daitekeen San Blas opila dugu egun anis-belarraren erabilera gastronomikoaren adibide bakarrenetakoa. Euskaldunok jatun eta edatunak bai baina moko fin samarrak, nonbait. Garai batean lapikoetan maiz-maiz erabiltzen genituen anis-belarraren tankerako espeziak gero eta garestiagoak diren mahaietara baztertuak ditugu. Elorri beltzaren arantxoekin egiten den likore modernoa ezik ia-ia ez dugu anis-belar zaporea duen edaririk ekoizten; besteek ekoitzitakoak bai ezkutuan edan, ordea: absenta, anisa, anisetta, ouzoa, pastisa, rakia, eta abar.
Palestinarren malkoek ureztatzen duten basamortuetakoa omen da perrexila eta azenarioaren senide anis-belarra. Egun munduko lur epel ia gehienetan lantzen da. Honuntza mairuek ekarri omen zuten eta gero beneditarrek Europan zabaldu.
Hazia eskuratzeko loreak zimeltzen hasten direnean bildu, larrainean jo eta jasotzen da. Hazien esentzia da erabiltzen den lehengaia, bai botikagintzan, bai jateko, bai edateko. Ahoko usain txarra kentzen duela eta emakumea baztertzen zuen gizona bueltatzeko indarra zuela aipatzen da XI. mendean, haren hostoak murtxikatuz edo hausnartuz gero.


Azkenak
Amurrioko Udalak dirulaguntza kendu dio Aiaraldea Komunikabideari

Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]


Maitena Duhalde hizkuntzalaria:
“Lapurdiko itsas hegian egun 80-90 urte duen belaunaldiaren hizkera deskribatu dut”

Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]


2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]


Eguneraketa berriak daude