ETXEBIZITZAREN ESKARIA JAISTEN ARI DA PIXKANAKA
- Azken urteotako igoera izugarriaren ondoren, etxebizitzen eskaria jaisten hasi da urte honetan. Ekonomi sektore indartsuak etxebizitzen alokairua bultzatzen hasi dira, langileen mugikortasun geografikoa errazteko asmoz, hori baita enpresetan geroz eta gehiago ugaritzen ari den joera.
Hori da BBVAk argitaratzen duen "Situación Inmobiliaria" aldizkariak joan den urtearen amaieran, gai honi buruz ezagutzera emandako txosten sakon batetatik ateratzen den ondorioa. Txosten horretan azpimarratzen denez, etxebizitzen eraikuntza jaitsi egingo da 2001. urtean, 500.000 etxebizitzetatik 400.000ra. Aldizkari horretan etxebizitzaren sektorearen geldialdiari buruz ageri den iritzia bat dator Euskal Herriko etxebizitzaren sektorean entzuten diren iritziekin. Hauek ere "azken bi urteetako gorakadaren nolabaiteko barealdia" sumatzen dute.
Berriro ere gogora ekarri beharrean gara BBVAren aldizkariak egindako azterketa hori Espainiako Estatuko datu orokorrekin dagoela osatua, hau da, Euskal Autonomia Erkidegoa eta Nafarroa soilik kontuan hartuz. Azterketa estatistiko hauen mugek desitxuratu egin dezakete Euskal Herriko egoera zehatza.
Jardueraren geldialdiaren testuinguru honetan, "Situación Inmobiliaria" aldizkariaren txostenaren arabera, eraikuntzak eta higiezinen merkatuak neurri ona ematen jarraituko dute, baina beren garrantzia galtzen joango dira. Obra zibilak, administrazioen inbertsio mailak erasanda, bizitasun handirik ez izan arren, etxegintzak heltzen dio eraikuntza jarduerari. Sektorearen hazkundea handia izan da 2000. urtean, %6,9 ingurukoa, baina jardueraren erritmoa baretzen joango da 2001ean zehar, nahiz eta inbertsio publikoetarako aurrekontuek gora egingo dutela aurreikusten den.
Etxebizitzen merkatuari dagokionez, "Situación Inmobiliaria"k dioenez, etxebizitzen eskariak behera egingo du eta, horren ondorioz, salmenten jaitsierak etxebizitzen arloko proiektu berrien sorrera ahulduko du. Etxebizitzen eraikuntza jaitsi egingo da, nahiz eta, hala ere, azken hamar urteetako batez bestekoa baino handiagoa izaten jarraituko duen. Hala, 2001. urtean 400.000 etxebizitza inguru eraikitzea aurreikusten da. Bestalde, iturri beraren arabera, prezioen inguruko tentsioak ere behera egin du, eta horrek pentsarazten du etxebizitzen inguruko inflazioa bere gorenera iritsia dela eta geldotu egingo dela datozen hiruhilekoetan.
Euskal Herriari dagokionez, Euskal Autonomia Erkidegoko datuak ditugu, eta dirudienez, azken urteotako ekonomiaren bolada onaren ondorioz, hiritar ugarik etxebizitza erostea erabaki zuen. Horrela, EAEn 1999an zehar, eraikita zeuden etxebizitzentzako egindako hipoteka kopurua 19.346koa izan zen, 228.000 milioi pezeta (9.120 milioi libera) osatuz, hau da, aurreko urtean baino %2,5 gehiago. Nolanahi ere, azken garai honetan interes tasak gora eta gora ari dira egiten, nahiz eta duela hiru urtekoak baino txikiagoak izaten jarraitzen duten. Baina adituek diotenez, mailegu hipotekario bat, interes tasa finkoan nahiz aldakorrean, orain merkeagoa izango da hemendik hilabete batzuetara baino. Hain zuzen ere, igoera honek hoztu egin ditu etxebizitzen sektorearen itxaropenak, balizko erosleak lehen baino kontu gehiagorekin baitabiltza erabaki bat hartu aurretik.
Aipatutako aldizkari horren editorialean bertan adierazten denez, "Espainiako etxebizitzen merkatuaren ezaugarri bereizgarritzat" jo daiteke jabetzan dauden etxebizitzen kopuru handia eta alokairukoen garapen urria. "Ezaugarri horrek -dio- eragin ekonomiko garrantzitsuak ditu. Alokairuan dauden etxebizitzen eskaintza zabal batek, besteak beste, langileen mugikortasun geografikoa errazten du, Espainiako lan-merkatuaren hutsune nagusietakoa hain zuzen. Gainera, hainbat jokabidek areagotu egiten dute arazoa, esate baterako etxebizitzak erosteagatik ematen diren pizgarri fiskalak, jabetzako etxebizitzak izatea bultzatzen dutelako, alokairuan hartzearena kaltetuz".
Etxebizitzen inguruko jokabide egokienei buruzko gomendioak ematerakoan, "Situación Inmobiliaria"ren txostenak dioenez, etxebizitzen prezioaren igoerak erakargarriago bihurtzen ditu alokairukoak. Azken hiruhilekoetan, dio, etxebizitzen prezioek alokairuek baino gehiago eta azkarrago egin dute gora. Gainera, interes tasen igoerak ere alokairu sistemaren alde jokatzen du, interes tasa handiagoek zaildu egiten dutelako erosteko aukera.
Txostenaren egileak arautegia aldatzearen alde agertzen dira, horretarako, merkatu horren beharrak era argi eta zuzenagoan ulertuz eta honelako etxeen erabilera bultzatuz epe luzean eta ertainean. Halaber, etxebizitzen erosketak dituen neurriko zerga arintzeak eskatzen dituzte alokairuarentzat ere.
Diotenez, alokairuan jarritako etxebizitza kopuru zabal baten eskaintzak ondorio onuragarriak izango lituzke "Espainiako ekonomian". Lehenik eta behin, alokairuko etxebizitza multzo handi eta lehiakor batek "mugikortasun geografiko handiagoa eragingo luke, eta horrek enpleguaren alde jokatuko luke, Espainiako langileen mugikortasun geografiko urriak eragiten duen langabezia estrukturala arinduz neurri batean". Eta, bigarrenik, aldi baterako etxebizitzak eskuratzeko aukera eskainiko lieke bestela etxebizitzarik lortu ezingo luketen biztanle multzo batzuei, esate baterako oraindik etxebizitza baten jabe egiteko adina diru ez duten gazteei edo baliabide mugatuak dituzten familiei.
Donostiak, etxebizitzen prezioari dagokionez, buru izaten jarraitzen du, eta eraiki berriak diren merkatu libreko etxebizitzen metro koadroaren balioa 545.000 pezeta ingurukoa da, hau da, 1999an baino %38,5 gehiago, eta 2000ko lehen hiruhilekoan baino %28,2 gehiago. Etxebizitza erabilien metro koadroak, batez beste, 557.000 pezeta balio du, joan den urtean baino %13,4 gehiago. Gasteizen, etxebizitza erabiliaren metro koadroak 441.000 pezetako balioa du eta %7ko igoera izan du, metro koadroak 334.000 pezeta balio duen etxebizitza berriarenak baino askoz igoera handiagoa. Bilbon orekatuago daude bi prezioak: 306.000 pezeta balio du etxe berriaren metro koadroak eta 341.000 pezeta etxe erabiliarenak. Aipagarria da etxebizitza erabilien prezioak %29 egin duela gora.
Alokairuan dauden etxebizitzen prezioak ere ez dira txikiak. Etxebizitza baten alokairua, merkatu librean, duela hilabete batzuk hilean 102.000 pezetakoa zen EAEn, eta 1999an, berriz, 97.000 pezetakoa izan zen. Esan daiteke guztiz ezinezkoa dela hilean 50.000 pezetatik beherako alokairua duen etxebizitza aurkitzea.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Urtebete eta erdiz sarraski genozidak gauzatu ondoren, Erresuma Batuko zenbait hedabidetako kontseilu editorialek hitza hartu dute, bat-batean, Israel Gazan egiten den sarraskiaren aurka. Establishmenteko gizatxar mediatikoek aldaketa usaina hartu diote haizeari.
Joan den astelehenean bilera egin zuten Kordako kudeatzaileek 21 Zabalgunea sozietate publikoko ordezkariekin, baina ez zuten inongo akordiorik lortu. Husteko agindua, hortaz, indarrean da. Ertzaintza bertaratu egin da gauerdian, eta espazioaren barruan itxi dira hamar lagun... [+]
.jpg)
Gazako Osasun Ministerioaren arabera, AEBek eta Israelek kontrolatzen dituzten laguntza humanitario banatzeko zentroetan 102 palestinar hil dituzte azken zortzi egunetan: "Gerra krimen beldurgarria da, nahita egindakoa eta behin eta berriz errepikatutakoa". Erasoa... [+]
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Kontsumitzaileen eskubideen defentsan, epaileek ebatzi dute bezeroak ez duela arduragabekeriaz jokatu eta bankuak 1.923 euro itzuli beharko dizkio biktimari.
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Herri txikiak bizirik dauden eremuak direla eta bizirik jarraitzeko herriari begiratuko dion eskola gakoa dela aldarrikatuko dute, aurten ere, Gipuzkoako Eskola Txikien Festan. Ekainaren 8an ospatuko dute, igandean, Ezkio-Itsason, landa guneko herri txikiak hezkuntzarako zein... [+]
Duela bi aste bezala, mila preso inguru trukatzea adostu dute Ukrainak eta Errusiak, eta batak besteari 6.000 soldaduren gorpuak ere itzuliko dizkio. Trukea egiteko, Moskuk hiru eguneko su-etena eskatu du fronteko hainbat eremutan, eta Kievek Putin eta Zelenski aurrez aurre... [+]
Asiako herrialde gehien-gehienak bertan izateak oso izaera eta giro berezia ematen diolako, eta hedabide-estaldura ere halakoa duelako, aparteko sona lortu du hogei urteren buruan IISS-International Institute for Strategic Studies britainiarrak Singapurren antolatzen duen Asia... [+]