MARKA GUZTIAK HAUTSI NAHIAN

  • Goenkale dagoeneko Espainiako Estatuko telesailarik zaharrena bihurtu da bere zazpigarren denboraldiaren hasieran. Orain, bere eguneroko 100.000 ikusleekin batera, Britainia Handiko eta Estatu Batuetako ekoizpen mitikoen iraupen-marketara hurbiltzen hasiko da.

2007ko otsailaren 21an
Sofres neurketa-etxearen arabera 97.000ra iristen da gauero Goenkale ikusten duten euskaldunen kopurua, bere zazpigarren denboraldia hasi zuenetik hilabete igaro denean.
Ekoizpen hau zenbait europar eta amerikar telesailen urratsen atzetik dabil orain. Hauek, hainbeste urtetan antenan izan ondoren eta belaunaldi ezberdinen arreta bereganatu ostean, mitikoak bihurtu dira beren herrialdeetan, eta gure kasuan Goenkalek ez dirudi oso urrun ibiliko denik.
Horien adibide garbia dira, esate baterako ,"Neighbours" (13 urte BBCn), "Brookside" (16 urte Channel 4n), "Emmerdale" (26 urte ITV Carlton-en), eta denetan aintzinakoena, ITV Carlton-en 37 urte "besterik ez" daramatzan "Coronation Street" ospetsua.
Espainiako Estatuan Goenkalek marka guztiak haustea lortu ditu; izan ere, berau izan da hainbeste denboran eta etenik gabe antenan irautea lortu duen lehen telesaila. Gainera, eguneroko tarteaz emititutako saioen artean 1.200 ataletara heldu den lehena izan da (zehatz-mehatz, urriaren 25ean 1.225).
Historia guztian marka horretara gehien hurbiltzea lortu duen telesaila "El Super" izan zen, eta ez zen 600 ataletara ere iritsi.
ETB-1eko saio hau, gainera, Espainiako Estatuan aitzindari izan dela esan genezake, bere generoan, seriatutako draman, lehenetakoa izan baitzen. Genero honek urteak daramatza Europa eta Estatu Batuetan beste hainbat saioei lehia gogorra azalduz, baina penintsulan ez da hain ezaguna.
Genero honetan, aipatutako telesailetan gertatzen den bezala, zenbait sendi edo komunitateren arteko eguneroko poz eta arazoak dira hizpide nagusia, eta gauza bera gertatzen da Arraldeko protagonistekin.
Goenkaleko gidoiek, horrenbestez, arazo korapilatsu eta zailei ere egin behar izan diete aurre, hala nola, hiesa, homosexualitatea, arrazakeria, boterekeria, tratu txarrak... Izan ere, saioaren arrakastaren gakoa horretan izan daiteke: eguneroko kontuak eta gizartearen arazoak pertsonaia errealista eta sinesgarriengan islatzea, honi guztiari eskena-jartze eta ekoizpen esfortzu handia laguntzen diotela.


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude