ASTELEHENA, INFARTUEN EGUNA

  • Astelehena omen da infartuen ondorioz jende gehien hiltzen den eguna. Asteburuetako gehiegikeriak eta berriro lanera joateak sortzen duen estresa dira errudunak.

2007ko otsailaren 21an
British Medical Journal aldizkari ospetsuak hauts ugari harrotu dituen lan bat argitaratu zuen duela gutxi: astelehena omen da infartuak eragindako heriotza-kopuru handiena ematen duen eguna, beste edozein egunetan baino % 3 gehiago hain zuzen ere. Ikerketak, Britainia Handiko Osasun-Zerbitzu Nazionalak eta Glasgow (Eskoziako) Unibertsitateak batera egindakoak, bi faktoreri egozten die horren arrazoia: asteburuan egin ohi diren gehiegikeriei batetik (drogak bezala baita alkoholarenak ere), eta hastear dagoen astean egin beharreko lanak eragiten duen estresari bestetik. Laneko tentsioak oso fama txarra zuen lehendik ere bihotzeko arazoak portaera-patroi jakin batzuekin lotu nahi zituzten ikerketa ugaritan.
Aurreneko aldiz frogatu izan da eguneroko emozio negatiboek (frustrazioak edo tentsioak esaterako) bikoiztu egiten dutela paziente koronarioek miokardioko iskemia jasateko duten arriskua, eta gaitz horrek infartuak eragin ditzake luzarora. Ez dator gaizki gogoraraztea ARISE izeneko erakunde zientifiko britainiarrak esana zuela lehendik ere (mundu osoko herrialde desberdinetan 5.000 langileren artean egindako zundaketa baten bidez) lana dela estres-arrazoi nagusia, eta tentsioa, batez ere, langile gutxirentzako lan gehiegi pilatzen denean agertzen dela. Atera hortik kontuak, eta kontuz astelehenarekin!!!


Azkenak
Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


Dozenaka senideko familia ugari desagerrarazi dituzte sionistek

Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.


Israelgo Kan irrati publikoaren informazioa
Israelek “zehaztasun handiz” ezagutzen zuen Hamasen plana urriaren 7a baino hiru aste lehenago

Erasoa baino hiru aste lehenago banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.


“Bilboko eskola-inguru asko kutsaduraz eta zarataz betetako eremuak dira”

Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]


Eguneraketa berriak daude