ARGIA.eus

Egin ARGIAkoa
Oparitu ARGIA
Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia
larunbata 2025eko ekainaren 28an
ZOOLOGIKOAK

BISITA GIDATUA ANIMALIEN IGERI, HEGALDI ETA ORROETARA

  • Uda iritsita, naturarekin gozatzeko grina eta beta handiagoak dira. Euskal Herriko bertako arrainak, hegaztiak eta gainerako animalia exotikoak bisitatzea da aukera bat. Euskal Herriko zoologiko eta aquariumetara hurbildu gara animalioz gozatzeko asmoz.
2000ko uztailaren 23an
Kazetaritza independenteak herritarren babesa du arnas
Egin ARGIAkoa
Euskal Herrian hainbat dira animaliekin lanean aritzen diren elkarte eta instalazioak. Gu bisitarientzat bereziki prestatuta dauden (eta horregatik sarrera bat ordaindu behar den) parke eta erakusketa-tokietan oinarritu gara. Ondorioz, bederatzi leku deskribatzen dizkizuegu, eta nahiz eta gehienak Ipar Euskal Herrian egon, agian osoenak Karrantza eta Donostiakoak dira.

Bizkaia parke ekologikoa

Kokapena:
El Carpin Etxaldea, Biañez Auzoa, Karrantza (Bizkaia). Telefonoa: 94 610 70 66.

Izaera:
Aske bizi ezin diren (istripua-edo izan ondoren eta Gorlizko Errekuperazio Zentrotik pasatu ostean) edo gizakiekin bizitzera ohiturik dauden animalien parkea. Ahalik eta ingurunerik naturalenean prestatutako instalazioak ditu.

Animalia motak:
Batez ere Europako fauna, hala nola, gaueko harrapariak (hontzak, mozoloak...), eguneko harrapariak (belatzak, arranoak...), ugaztunak (artzak, otsoak, oreinak, pottokak...), partikularrek emandako dortokak eta beste.

Zerbitzuak:
Sarreran parkearen helburuei buruz taldeentzako hitzaldia izaten da, mapa eta seinalizazio zehatza eremuan zehar, atsedenlekua, askaldegia, erakusketa gela, janari denda eta kafetegia. Ezinduentzako zerbitzuak ere badaude.

Ikerketa, kontserbazioa, hezkuntza:
Udan zehar mehatxatutako bertoko baso faunari buruzko erakusketa eta baita bertoko ganadu arrazen erakusketa bizia ere antolatu dituzte. Honez gain, eskola taldeentzat egun osoko bisitaldiak prestatzen dituzte.

Gainera:
Datorren urterako lehen zein bigarren zikloko ikastetxeentzako heziketa unitateak prestatzen ari dira; erabilera anitzeko gela, ikasgela, talde lan eta parkeko bisitaldiak. 2001 eta 2002 urteetarako, aldiz, zenbait egunetako egonaldiak egitea eta ingurugiro heziketa indartzea aurreikusten dute.

Bisitaldiaren iraupena:
gutxi gorabehera ordu eta erdi.

Ordutegiak:
Uztail, abuztu eta irail erdian egunero 11:00etatik 19:00etara. Urtean zehar asteburu eta jaiegunetan 11:00etatik 18:00etara. Bestelakoetan aldez aurretik deitu.

Sarrera:
Helduentzat 600 pezeta (24 libera), haurrentzat 400 pezeta. Taldeentzako salneurri bereziak.

Eldora parkea

Kokapena:
RN10 errepidea, Bidarte (Lapurdi). Telefonoa: (0)5 59 47 71 72.

Izaera:
Hego Amerikako hazienda baten itxurako parkea, bertako etxe, landare, animalia eta artisautzarekin.

Animalia motak:
Llamak, txintxilak, ahuntzak, indioilarrak...

Zerbitzuak:
Artisautza denda, haurrentzako jolastokia, jatetxea, kafetegia eta izozki postua.

Ordutegiak:
Apiril, maiatz, irail eta urrian 14:00-19:00. Ekain, uztail eta abuztuan 10:00-21:30.

Sarrera:
Helduentzat 35 libera, haurrentzat 25 libera.

Etxola animalien parkea

Kokapena:
Sarako Leze eta Lizarrieta mendatearen artean, Sara (Lapurdi). Telefonoa: (0)6 15 06 89 51.

Izaera:
300dik gora etxeko animalien (exotikoak ere bai) erakusketa. Baita animaliei egokitutako antzinako laborantza tresnak ere.

Animalia motak:
80 bat motakoak; usoak, kanarioak, oiloak, txerriak, ardiak, behiak, pottokak...

Zerbitzuak:
Bisitaldia.

Gainera:
2-10 urte bitarteko umeentzat pottokan ibiltzeko aukera.

Bisitaldiaren iraupena:
45 minutu.

Ordutegiak:
Apiriletik urrira arte egunero 10:00etatik 19:00etara.

Sarrera:
Helduentzat 25 libera, haurrentzat 15 libera.

Gazteluko falkoneria

Kokapena:
Bidaxuneko Agramondarren Gaztelua, Bidaxune (Lapurdi). Telefonoa: (0)5 59 56 08 79.

Izaera:
Egun eta gaueko harraparien erakusketa eta berauek hegan ikusteko aukera.

Animalia motak:
Arranoak, belatzak, putreak, miruak, hontzak, mozoloak...

Zerbitzuak:
Bisitaldia eta ikuskizuna.

Bisitaldiaren iraupena:
Ordu eta erdi.

Ordutegiak:
Erakusketa apiril erdialdetik irail bukaera arte, 14:30-18:30. Ikuskizuna egunero 15:30etan (igandetan eta ekainaren 15etik irailaren 15a arte 17:00etan ere bai).

Sarrera:
Helduentzat 38 libera, haurrentzako 22 libera.

Los Molinos ornitologia parkea

Kokapena:
Biasteri (Araba). Telefonoa: 659 972 539.

Izaera:
Ugaztunak ere ikusgai dituen 13.000 m kuadroko parke ornitologikoa.

Animalia motak:
Bertako 140 espezieen artean, tukanak, zikoinak, guacamayoak, pelikanoak, kanguruak, koatiak...

Zerbitzuak:
Bisita gidatua taldeentzat.

Ikerketa, kontserbazioa, hezkuntza:
Besteak beste, turako batzuk haztea lortu dute.

Sarrera:
Helduentzat 700 pezeta, haurrentzat 350 pezeta.

Oreinen basoa

Kokapena:
2 Departamenduko errepide ondoan, Mithikile (Zuberoa). Telefonoa: (0)5 59 28 24 30.

Izaera:
Oreinen ingurune naturalean, zelai eta basoan zehar zabaldutako 15 hektareako parkea.

Animalia motak:
Batez ere oreinak, ehun inguru, baina badituzte ardiak, pottokak eta baserriko bestelako animaliak ere.

Zerbitzuak:
Bisitaldi gidatua, atsedenlekua, jolas parkea, argazkien erakusketa, freskagarri denda.

Gainera:
Animaliengana hurbildu, ukitu eta eskura jaten emateko aukera.

Ordutegiak:
Ekainaren 1etik abuztuaren 31 arte egunero 10:00etatik 19:00etara. Urtean zehar, taldeentzat aldez aurretik deitu.

Sarrera:
Helduentzat 25 libera, haurrentzat 15 libera.

Pottoken erreserba naturala

Kokapena:
Pottokaren Etxea, Bidarrai (Nafarroa Beherea). Telefonoa: (0)5 59 52 21 14.

Izaera:
Jatorrizko Pottokaren Frantziako Erakundeak 1993an martxan jarritako kontserbazio ekimena.

Animalia motak:
Pottokak beren ingurune naturalean. Gainera, ahuntzak, behiak eta harrapariak.

Zerbitzuak:
Bisita gidatuak, janari denda, erakusketa, film emanaldia.

Ikerketa, kontserbazioa, hezkuntza:
Zazpi urtetan desagertzear izan den jatorrizko pottokaren populazioa 10 zaldi eta 50 behorretara igotzea lortu dute. Besteak beste, Bizkaiko Pottoka elkartearekin dute harremana eta Pariseko Zaldi eta Nekazaritza Azokan hartzen dute parte.

Ordutegiak:
Ekainetik irailera 11:00etatik 18:00etara. Urtean zehar aldez aurretik deitu.

Sarrera:
Helduentzat 40 libera, 6-13 urte bitarteko haurrentzat 30 libera.

Donostiako aquariuma

Kokapena:
Donostiako kaiaren amaiera, Donostia (Gipuzkoa). Telefonoa: 943 44 00 99.

Izaera:
Gipuzkoako Elkarte Ozeanografikoaren eskutik sortutako itsas jauregia. Helburua itsasoko bizitzaren aberastasuna erakutsi eta zaintzea da. 4.000 metro koadrokoa da eta 3 milioi litro ur biltzeko gaitasuna du. Dauden aquariumez gain, museo ozeanografikoan itsas inguru, arrantza eta ontzigintzaren historiarekin lotutakoen erakusketa dugu.

Animalia motak:
Ukitzeko aquariumean jendeak eta bereziki umeek kaltegabeko itsas espezieak uki ditzakete (itsas izarrak, bertoko marrazotxoak, katu-arrainak...). Mikromundu aquariumean, berriz, bi bideokamerek eta monitoreak lagunduta, gure begiz ikusteko txikiegiak diren espezieak beha ditzakegu. Gaikako aquariumean, itsasuge tropikalak, arrain arriskutsu eta pozoitsuak, arrezifeetako arrainak, bertokoak eta beste hainbat espezieez goza dezakegu. Azkenik, eta itsas jauregiaren "izarra", ozeanotegia dugu. Berau (Europan bakarra da) 360°ko tunel ikusgarriak zeharkatzen du. Ekosistema ozeaniko osoa irudikatzen duen arrain ontzi erraldoia da.

Zerbitzuak:
200 pertsonentzako auditorium zinema edota ekintza gela, seihileko aldizkaria, hitzaldiak, denda eta kafetegi panoramikoa. Ezinduentzako instalazioak.

Ikerketa, kontserbazioa, hezkuntza:
Gaur egun antxoaren bizitza, lehenengo Donostiako badiaren ikerketa integrala eta itsasoko zaldiei buruzko ikerkuntzak egiten ari dira. Hau guztiaz gain, teknologia sailak hainbat zientzia elkarterekin (AZTI-ZIO) eta unibertsitaterekin hitzarmenak sinatu ditu, eta eskola maila ezberdinei egokitutako heziketa egitarau ugari prestatuak dituzte.

Bisitaldiaren iraupena:
Bi ordu.

Ordutegiak:
Neguan egunero 10:00etatik 20:00etara (Gabonetako zenbait egun ezik). Udan egunero 10:00etatik 22:00etara.

Sarrera:
Helduentzat 1.100 pezeta, haurrentzat (5-10 urte) 550 pezeta eta taldeentzat (aldez aurretik deituz) 700 pezeta.

Miarritzeko itsas museoa

Kokapena:
Ama Birjinaren Haitzaren gaineko zabalgunean, Miarritze (Lapurdi). Telefonoa: (0)5 59 22 75 40.

Izaera:
Bizkaiko Golkoko 150etik gora itsas espezie ikusgai dituen aquariuma.

Animalia motak:
Itsastxakurrak (janari ematea egunero 10:30etan eta 17:00etan), marrazoak, izurdeak, arrain exotikoak, itsas zaldiak...

Zerbitzuak:
Taberna panoramikoa, janari azkarreko jatetxea, denda.

Gainera:
Arrantza, ozeanografia, metereologia, etnografia eta itsas animaliei buruzko erakusketak.

Bisitaldiaren iraupena:
Ordu eta erdi.

Ordutegiak:
Egunero zabalik 9:30-12:30 eta 14:00-18:00 bitartean. Eskola oporretan eta maiatz, ekain eta iraileko asteburuetan 9:30-19:00. Uztail eta abuztuan 9:30etatik gauerdira arte.

Sarrera:
Helduentzat 45 libera, haurrentzat 30 libera

ASTEKARIA
1771. zenbakia
2000ko uztailaren 23a
ASTEKARIA PDF-an
Irakurrienak
Matomo erabiliz
#1
“‘Honi egin diogu, baina kontuz besteok’ adierazi nahi dute”
Xabier Letona Biteri  |  Lorea Agirre
#2
“Bertsolaritzan ere badago aurrerapenaren kontra dagoen korronte erreakzionarioa”
Onintza Enbeita
#3
Lurra eta konpromisoa ardatz, Bizkaiko hamar emakume baserritarren historia kaleratu dute
Maria Ortega Zubiate
#4
“Turkierak hautsi zuen nire pertsona”
Maddi Sarasua Laskarai
#5
LGTBIQ+ Komunitatearen Nazioarteko Egunaren bezperan, “sexu askapena eta harrotasuna” aldarrikatu ditu EHGAMek
Eneko Imaz Galparsoro
Azoka
Azkenak
2025-06-28 | Urko Apaolaza Avila
Hernaniko Txosna Batzordea: “Faxismoari eta arrazakeriari bidea itxiko diegu”

Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]

2025-06-27 | Nagore Irazustabarrena Uranga
Fermin Leizaolaren mundu interesgarriak

Donostia, 1960. Fermin Leizaola 16 urteko gazteak San Telmo Museoan zegoen Aranzadi Zientzia Elkarteko idazkaritzara jo zuen, bertako Espeleologia Sailean aritzeko prest.  

Ez zen San Telmora egiten zuen lehen bisita izan; 1975eko ekainean Zeruko Argia-rekin... [+]

2025-06-27 | Maria Ortega Zubiate
Lurra eta konpromisoa ardatz, Bizkaiko hamar emakume baserritarren historia kaleratu dute

Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.

2025-06-27 | Hala Bedi
Agurain eta Legasako ArcelorMittal enpresako langileek greba mugagabeari ekingo diote uztailaren lehenetik aurrera

Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.

2025-06-27 | Eneko Imaz Galparsoro
LGTBIQ+ Komunitatearen Nazioarteko Egunaren bezperan, “sexu askapena eta harrotasuna” aldarrikatu ditu EHGAMek

Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua". 

2025-06-27 | Onintza Irureta Azkune
EHUn kitxuaz, komunitate indigenen erresistentzia aldarrikatzeko

María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]

2025-06-27 | Montserrat Auzmendi del Solar
'Missa Solemnis'
Bihotzetik zeruraino

Beethovenen 'Missa Solemnis'

  • Taldeak: Bilbao Orkestra Sinfonikoa (zuzendaria: Nuno Coelho), Bilbao Koral Elkartea (Enrique Azurza) eta Iruñeko Orfeoia (Igor Ijurra).
  • Bakarlariak: Mira Alkhovik (sopranoa), Nerea Berraondo (mezzoa), Michael Porter (tenorea)... [+]
2025-06-27 | Jon Fernández González
Baztango Udalak “euskal errepublikaren parte” dela erabaki du

Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.

2025-06-27 | Uxue Gutierrez Lorenzo
'Artxibo biluzia'
Memoria indibiduala, memoria kolektiboa eraikitzeko

Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.

-------------------------------------------------------

Lemoan independentzia eguna ospatzen ari dira. Kotxepin kultur etxearen alboan,... [+]

2025-06-27 | Eneko Imaz Galparsoro
Adin txikikoak dituzten Gasteizko bi familia kale egoeran geratzeko arriskuan daude

Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]

2025-06-27 | Xuban Zubiria
Bretoiera eta Bretainiako kultura sustatzen zuen Breizh kooperatiba itxi dute

Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.

2025-06-27 | Jon Fernández González
Frantziako Estatuak EEPn 100.000 euro gehiago inbertituko ditu, baina helburuetatik urrun

Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]

2025-06-27 | Maria Ortega Zubiate
Ed Rojas
“Trans legea onartu dute, baina zer gertatzen da identitate ez-bitarrekin?”

Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]

2025-06-27 | Olaia L. Garaialde
Azken hamar urteetan %21 jaitsi dira iktus kasuak Nafarroan

2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.

2025-06-27 | Jenofa Berhokoirigoin
Espainiako Kongresuak gobernuari eskatu dio 78ko sanferminetako gertakariak “argitzeko” eta biktimei “aitortza” egiteko

1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.

Eguneraketa berriak daude