ESNE-BELARRA

  • Esne-belarrari darion esnea ozpinaz nahastu eta bertan bustitako oihalezko enplastua garatxo eta gogorrunetan gau batez jarriz gero, bertako zelulak akabatuko ditugu.

2007ko otsailaren 21an
Garatxo, maskur, ikortzirin eta gogorruneak eraitsi behar ditugu gaurkoan esne-belarraren laguntzarekin. Esne-belarra, Euphorbia helioscopia, ugaria da bide ertz, betelan eta, orokorrean, beste landare jendearentzako kaskarrak diren lurretan. Izenak dioen eran, esne itxurakoa du izerdia eta esne hau txarra, gaiztoa da guretzat, toxikoa. Ukitzen duena erre egiten du. Horrexegatik azalean sortzen ditugun garatxo eta koadrilakoen aurka erabiltzen da. Landarea moztu eta darion esnea gainean zabalduz gero, maskurra edo gogorrunea edo dena delako kozkorra osatzen duten zelulak akabatzen ditu. Esnea ozpinetan nahastu eta horrekin blaitutako oihaltxo batez egindako txaplata edo enplastua gogorrunearen gainean eduki gau osoz. Esnea jasotzeko landare mordo baten esne ttanttak ontzitxo batean bildu eta lehortzen utzi. Ura galtzean hautsa besterik ez da izango, nahi den urte garaia dela erabilgarri. Bi ohar besterik ez: bilketa egiterakoan haizerik baldin badabil gorde begiak ttanttatxoren baten erasotik, gorriak ikusteko ere zail izango duzu; bestetik, landarearekin lardaskan ibili eta gero azkar garbitu eskuak, deskuidoan ahoko zulora behatzak eramanez gero, gorriak ikusi ikusiko dituzu, baina nekez esango


Azkenak
2024-05-24 | Antxeta Irratia
"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude