TAMAINAKOA

  • Rafflesia Sumatra eta Borneon dagoen landarea da. Oihan tropikaleko igokari baten bizkar bizi da eta lurrean ematen du 95 cm-ko diametroa izatera irits daitekeen lorea.

2007ko otsailaren 21an
Bengalako Ficus erraldoiari buruzkoak hitzaspertu xelebre bat baino gehiago izateko aukera eman dit azken aldi honetan. Jeneralean "sakonegiak" omen diren artikulutxoen artean xelebrekeriek irekitzen dituzte, nonbait, irakurle batzuen atakak eta San Urlia edo Santa Berendiaren omenezko jaien sasoia puri-purian denez, okasio hauetako drogen ajea ez areagotzearren, zailtasunetan ito gabe goazen bada bidezidor horretatik.
Abarren arteko sekuoiaren 12 metroko diametroa eta Ficus-aren 21.000 metro karratuko kukuluaren ondoren gaur loretik joko dut. Sumatra eta Borneon bizi da Rafflesia. Izena hango gobernadore izandako Thomas Stamford Raffles (1781-1826) ingelesaren omenekoa du. Landare hau oihan tropikaleko igokari baten bizkar bizi da eta lurrean bertan ematen du lorea. Lurrean eman behar, 95 cm-ko diametroa izan baitezake. Euliek polinizazioa gauzatzen duten bezain pronto usteldu egiten da eta kiratsa medio gorpu-lorea deitzen diote atzerritarrek. Bertakoek, ordea, ugalkortasuna gurtzen duen "bunga patma" edo loto lorea deitzen diote. Fruitua katagorri eta tupaien gutizia denez haziak hauek zabaltzen dituztela uste da. Honenbesterainoko lorea nolaz? da galdera. Bizkarroia da, beste bati kentzen dio bazka eta energiak ahitzeko beldurrik ez, apika


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude